Lrivi 2:1 - Ngudradreadrekadhane Ka Sisiu 魯凱語聖經

¹ Lwiyasi ikai ku lri patarumara ku Taleke ka lrisi ki Tamatama, kwini lasu lri tara paswala silribu pakalamenge ki lataleke. La lri paibu ku lawlau ki ulrive si sapasangulrelremane,

Lrivi 2:1 Iomraidhean Croise

Nipadrelane 8:3

Ku taingeane la ikai ku tangea ku sasiakawlu belenge ku kaiyanganai, ecenge ku kingi ka salamalamane ki sangwalreeme, si acegecege icucubungu ki tapatarumaramarane. Kwi lasu tarwamara ku makaalra ku sangwalreme, paelre ku inulri ki lasinzia pakaredele patarumara pikai cucubungu ki taetalane niarakaiyane ku kingi ka tapatarumarane.

Isaiya 66:20

Lu siwlringa kainganai, kwi lalasu lri twalai ki lakuni ililuku ki sakacekele numi, tusaceacebe si baai acebe nakwane. Ku kainganai iluku ki lalasu ku laumawmase lri ngurigi, ngungiririgi, ngulrakeda makanaelre, lri ngukai ki sakikaruburuburane ka palridingi si sasalrisalriane ki lawbubulu ka palridingi si mwa ki saniange ka lregelregeli, mararaamau ki swa Iseraylri lu malra ku mabula ku takaiyane si mwa ki daane ki Twaumase la patarumara ku Taleke ka lrisi.

Lrivi 9:17

Kwi lasu la mialri patarumara ku Taleke ka lrisi, wamalra ku milrikinku pubelenge ki tapatarumaramarane si lama patarumara. (Ki vaivai ki mialrealre patarwamara ku Lama ka lrisi, la padrima patarumara kikai ki lrisi.)

Yuda 1:20

Ngukai numiane, kinilibakane ka latalrailragi, kunumi naika takapapedreengane numi acegecege ikai ki sanianiangenga ka takisuswane, satalu ku puku ki Siri inulri,

1 Yuhani 2:27

Pangukai numiane, ku Kirisitu wabaainga ku Rini numiane, sana ikai tapalra numiane ku Rini, kainu lri murikainga ku sabulrwane ki palrapalra, asi lwiyane ku Rini lri bulru numiane patuelre, si kwidra Rini patengane patuelre, kaika madraedrangelre. Lakamani, pasalaladha ku bulru ki Siri, si singipathagili patulrepenge panianianiake ikai adringi ki niake ki Kirisitu.

1 Yuhani 2:20

Tarwamaranga numi ki Siri patwalai ki Kirisitu, lakamani wathingale numi patuelre.

Yuhani 6:35

Ku Yesu la iya kai liniane, “Amaniaku ku taleke ki niake. Ku wakela nakwane kai, kai lri kasilrawnga palralrawthu; ku masalru nakwane, kai lri kakadhamenga palralrawthu.

Malaki 1:11

Ikai kidruanga ku umawmase mwasaakene nakwane makanaelre. Kwi lalasu la ikai kiinunga papiapia nakwane lama ku sangwalreeme, si patarumaramara ku mabula ku lamanemane. Kwi lalasu mwasakene nakwane makanaelre ka Tamatama ka abebeelengenga ki sanaka kwapingi!

Yuile 2:14

Kwi Tamatama ka Twaumase numi alau lri akabalrithi ku takidremedremane, si pasuete patarumara baai numiane ku akaesadhane; lukamaninga kwidra lai lri dulrunga numi papia iniane patarumara ku taleke, ku mathariri ka bava.

Takatwasane Izipiti 29:2

arakaiya ku mathaithariringa ku milrikinku akame ku kaika nipawsemakane ku pange, nipulawlavane ka kaika nipawsemakane ka pange, la akame ku nidrisisane ku lawlau ka malubiri ka kaika nipawsemakane ka pange.

Yuile 1:9

Kwi daane ki Tamatama kai lri ikainga ku taleke si mathariri ka bava, ku labarakalai lri ngwalai ku takakadrwane ku sapatarumarane ki Tamatama si tubi.

Lrivi 5:11

Lwiyasi ikai ku kai wadulru langai ku drusa ka penai ka tavagu, lri maka ngipapasikai ki pasalrivaneini patarumara ku vaeva ka kukingi ku malaelamenge ka milrikinku tu Balrithane ki pasalrivane ka lrisi, ai madha drimadrima ku lawlau ki ulrive si sangwalreme, asi lwiyane kikai yai Balrithane ki pasalrivane ka lrisi, kaika Taleke ka lrisi.

Taasipane 8:8

Kwini lalasu lri iluku ku vaeva ku lrulai ka sawvalai ka lwange, si atara patarumarane ka Taleke ka lrisi, ka amani kudra nithalreanenga apaelre ki milrikinku si abera ki ulrive, lai lri ilukwanasu ku vaeva ka lrulai ka lwange; tu Balrithane ki pasalrivane ka lrisi.

Taasipane 18:9

Ai ala kwini kaika nilamane pikai ki tapatarumaramarane ka sanianiangenga ka sapatarumarane, Taleke ka lrisi, Balrithane ki pasalrivane ka lrisi, si Samupasalrivanane ka lrisi patuelre kilakikai lrika numianenga. Sanaka nipatarumarane baai nakwane ka tinusaniange ka sapatarumarane lrika muswane si lagaganesu.

Taasipane 28:5

kwini ki vaeva pakaredela patarumara ku vaeva ka kukingi ka lrevege ka milrikinku si vaeva ka kunsenge ku lawlau ki ulrive ka Taleke ka lrisi.

Taasipane 29:18

Ki aswalalanga ka vai, ku nipatarumarane ku drumane ka satulrisiane lri pakarededele patarumara.

Isaiya 43:23

Kaisu patarwamara nakwane ku Lama ka lrisi ka kiu, la kaisu patarumara ku usakenane nakwane ku sapatarumarane. Kainaku kiatubi ku sapatarumarane ku waudriwdripi, si padrima ku amecesu, la kainaku kitubi ku akibaadhane ku sangwalreme, si kaisu maka pangimia.

Lrivi 6:7

Ku barakalai lri ikai cucubungu ki Tamatama pasikai iniane marasikai ku Sabalrithane ki pasalrivane ka lrisi, kwini lasu lai lri kipacepe.

Lrivi 9:4

vaeva ku lrulai ka sawvalai ka lwange si vaeva ka balase ka nikiubawbalane ka kiu tu Sulivatane ka lrisi. Kwi lalasu lri malra kilakikai nipaibwane ku lawlau ki ulrive ka Taleke ka lrisi patarumara ki Tamatama. Kwini lalasu lri tara pangimia kikai patueelre, asi lwiyane kaikameane ku Tamatama lri adrelane ikai liniane.”

Lrivi 14:10

Luka samakavalrulu, lri iluku ku drusa ku mwadringadringai ka lrulai ka balase ka kiu, vaeva ku taracailinga, ka mwadringadringai ka lrulai ka tina ka kiu, tulru ka kukingi ku nithalreane ki ulrive ku milrikinku, si vaeva ki tulru ku yakai ki kunsenge ku lawlau ki ulrive.

Lrivi 24:7

Kusu la malra ku sapasangulrelremane sabulu pubelenge kwini ki matilibi ka pange, ka sapatuthingalane ka wamalra kwini pange tusalamane si patarumara ki Tamatama ka Apwi ka lrisi.

Izikile 46:20

Kwi lasu amia kai, “Kikai kadaengane yai wabaai ki labarakalai tutagagane ki Balrithane ki pasalrivane ka lrisi si Samupasalrivanane ka lrisi ka beate, la mialri ka taakakamane ki Taleke ka lrisi. Lukamiyaiya kai, kwi lalasu kai lri malra kwini saniange ka lamanemane iluku mutali latadre ka kalatadrane, si kabebetethe ki laumawmase.”