Lrivi 1:3 - Ngudradreadrekadhane Ka Sisiu 魯凱語聖經

³ Lwiyasi patarumara ku lwange tu Lama ka lrisi, lri tara arakaai ku kadrwa ku takatumanane ku sawvalai ka lwange, la iluku mwa ki lrawlrawdru ki Alrivilrivi ka balrawbau ki Tamatama, la lri tarumaraku Tamatama.

Lrivi 1:3 Iomraidhean Croise

Tabekacane 22:13

Ku Aberahame la masiasirare drele, la drele ku vaeva ku balase ka kiu, ku lawngu mwapucupucu ki kalribungubungu ki angatu. La mwa malra mupucupucu kwini ki kiu, la malra kwini kiu pawbalrithi ki lalake tu Lama ka lrisi patarumara.

Tabekacane 22:2

Ku Twaumase amia kai, “Iluka ki lalakesu, ka amani kwini kathalraisu ka vaeva ka lalakesu ka Isake, si mwa ka Muria, ikai kwini ki tapelaelaneli muswane ka lregelrege, la malra iniane tu Lama ka lrisi patarumara nakwane.”

Tabekacane 22:8

Ku Aberahame la tubalre, “Lalakeli, ku sapatarumarane ku lrulai ka kiu, ku Twaumase lri ngikakamaani padulru!” Kwini tadrusa la pacungulu arwa cucubungu katwatwase.

Tabekacane 8:20

Ku Nua la pasikai ki Tamatama darepe ku vaeva ku tapatarumaramarane; la patwalai ki nikelretane ka tinumabulane ka kakudhane pilri nguvavaeeva ki makaelaela ka lanilapulapwane si laadhadhame, si pikai belenge ki tapatarumaramarane tu Lama ka lrisi.

2 Lacaili 29:32

Kwini lalasu mailuku ku mapitulu ku sawvalai ku lwange, idai ku balase ka nikiubawbalane ka kiu, 200 ku lrulai ka balase ka kiu tu Lama ka lrisi patarumara ki Tamatama.

2 Lacaili 35:12

kwini lalasu ala singikai ki lawacekecekele malra kudra Lama ka lrisi ka nilapwane apavalavala ki mapapangale, ku adulrwane lini singikai ku tapelaelane ki hulrice ki Musi patarumara ki Tamatama.

Lasenai 110:3

Lu makakaruburusu ki labadha, ku kawkawlusu lri ngikakamani kela akwapingi; ku layacengecengesu mia ki lamu lukamialrealre, lri mwa ki saniange ka lregelrege kela silape muswane.

Lasenai 40:8

Twaumaseli, kiaragadhaku turamuru paluludu ku takidremedremanesu! Ku sabulrwanesu piakaiyaku ki kidremedremeli.

Takatwasane Izipiti 12:5

Lu arakai ku nikiubawbalane ka kiu ku kakiuane mararaamau, ai lri tara ka taracailinga ka balase ka kiu, si lrika kakadrwa ku takatumanane.

Takatwasane Izipiti 24:5

Ala sikawlu ku tapiya ku langukathabarane papia ki Tamatama patarumara ku nilapulapwane, tu Lama ka lrisi si Sulivatane ka lrisi.

Takatwasane Izipiti 29:18

Kwini balase ka nikiubawbalane ka kiu la pakaelrea pubelenge ki tapatarumaramarane si lama, tu Lama ka lrisi patarumara nakwane ka Tamatama. Ku sangulremane ki Apwi ka lrisi amani ku akiragadhaneli.

Takatwasane Izipiti 29:4

“Kusu iluka ki Arungu si lalalakeini mwa ki samamudaane ki Alrivilrivi ka balrawbau, cunu liniane sikelrea iya.

Takatwasane Izipiti 29:42

Kwidra ki lamwabaibalrithi ka zidai, kikai Lama ka lrisi lri ikai cucubungu nakwane, lri ikai ki lrawlrawdru ki Alrivilrivi ka balrawbau patarumara; amani kwini ku tamadradresenganeli ki kawkawluli ka swa Iseraylri, si makakawriva muswane ka taikaiyane.

Takatwasane Izipiti 32:6

Saka makapusale ki mialrealre, ku mapapangale la mailuku ku lanilapulapwane, yakai ku twa Lama ka lrisi ka nilapulapwane, yakai ku twa Sulivatane ka lrisi si kane. Kwini lalasu wanene si pasilribate kanekane ungungulu, la pakilringau ku takapeapeaperavane.

Takatwasane Izipiti 35:21

sanaka pasingia kidremedreme kiraragai patarumara ku umawmase, makitwa iluku ku saceacebe, patarumara ku saarakaiyane tudaane ki Alrivilrivi ka balrawbau. Makitwa iluku kwidra sanaka sarakaikaiyane lu sukubu si saarakaiyane caisi ku sangiragelanane ki barakalai.

Takatwasane Izipiti 35:29

Sanaka swa Iseraylri, kai pusawvalai si ababai, pakai ku cunu ki Tamatama ki Musi kwini ki lrika atudaanane, makitwa kiraragai malra ku saceacebe kela iluku, patarumara ki Tamatama.

Takatwasane Izipiti 35:5

Kunumi patarumara ki Tamatama ku saceacebe. Sanaka nikiraragadhane patarumara nakwane ku kingi, gingi, lriwlu;

Takatwasane Izipiti 36:3

Kwini lalasu wamwa ki Musi kibaai kwidra nipatarumarane acebe ki la swa Iseraylri pasikai ki atudaanane ku Alrivilrivi ka balrawbau. Ai, lukamialrealre, ku mapapangale wakelakeelana iluku ku saceacebe, si baai pwa ki Musi.

Takatwasane Izipiti 38:1

Kwini lasu arakai ku bwaburavane ka paela ka angatu darepe ku tapatarumaramarane ki Lama ka lrisi. Kwini tapatarumaramarane yai supate ku piu maramaramau, ku lragiane drusa ka mituru si drusa ka kuncunge, ku ngulapane drusa ka mituru si drusa ka kuncunge, ku ubelengane vaeva ka mituru si tulru ka kuncunge.

Isaiya 1:11

Amia kai, “Madalame amia numi nakwane kudra makalra ku patarumara numi ku lasapatarumarane? Kainaku twamanemane ku patarumara numi ku Lama ka lrisi ka kiu si sima ki nilapulapwane; mavalracevacaku kwi patarumara numi kwi lwange, kiu, si erai ki kiu.

Izikile 20:40

Kunumi ka swa Iseraylri makanaelre lri ikai numi kwini ki kadaengane, ikai ki saniange ka lregelregeli, ka amani kudra abelenge ka lregelrege ki swa Iseraylri, sukubu nakwane. Lri kadalamaku numiane, si mukalavalava numiane iluku ku sapatarumarane ku lamanemane, ku mathaithaariringa ku sapatarumarane, si sanianiangenga ka saceacebe kainganai patarumara baai nakwane.

Izikile 40:39

Ki lrawlrawdru ka ruka piakai ku supate ku cukwi, ki thili drusa, kilakikai cukwi taculuculwane ki waudriwdripi ki Lama ka lrisi, Balrithane ki pasalrivane ka lrisi, si Samupasalrivanane ka lrisi ka waudriwdripi.

Lrivi 1:10

Lwiyasi arakai ku nikiubawbalane ku kakiuane tu Lama ka lrisi patarumara, lri tara pilri ku kadrwa ku takatumanane ka sawvalai ka kiu.

Lrivi 14:10

Luka samakavalrulu, lri iluku ku drusa ku mwadringadringai ka lrulai ka balase ka kiu, vaeva ku taracailinga, ka mwadringadringai ka lrulai ka tina ka kiu, tulru ka kukingi ku nithalreane ki ulrive ku milrikinku, si vaeva ki tulru ku yakai ki kunsenge ku lawlau ki ulrive.

Lrivi 16:7

Ala, lri malra kwini drusa ka balase ka kiu si mwa lrawlrawdru ki Alrivilrivi ka balrawbau ki Tamatama.

Lrivi 17:8

Ku swa Iseraylri si yakaikai liniane ku singibadhane ku umawmase kathane ku lrawlrawdru ki Alrivilrivi ka balrawbau ku tapikaikaiyane patarumara ku Lama ka lrisi ku drumane ku sapatarumarane ki Tamatama ka lrisi, lu capange pikai talidrumane patarumara, lri tara kimwalra patwalai ki kawkawlu ki Twaumase.

Lrivi 23:12

Kwini vai ki tapatarumarane ku taleke, kunumi lri patarumara numi ku vaeva ku taracailinga ka mwadringadringai ku lrulai ka balase ka nikiubawbalane ka kiu tu Lama ka lrisi,

Lrivi 23:18

Kaika pange sikakathane, kunumi patarumara ku pitu ku taracailinga ka lrulai ka balase ka nikiubawbalane ka kiu, si vaeva ku lrulai ka sawvalai ka lwange, drusa ku balase ka nikiubawbalane ka kiu; kikai niculwane yadrepele ka mwadringadringai. Kikai lri kiculu ka nilapulapwane lri paelre ki Taleke ka lrisi si Paralikiliki ka lrisi pakaredele tu Lama ka lrisi si patarumara baai ki Tamatama. Ku sangulremane ki sapatarumarane amani ku kiragai ki Tamatama.

Lrivi 3:1

Lwiyasi la ikai ku umawmase ku lri patarumara ku Sulivatane ka lrisi, lri tara pilri ku kadrwa ku takatumanane ku sawvalai ka lwange ku tina ka lwange, la iluku pucucubungu ki Tamatama.

Lrivi 4:15

ku lamarudrange ki mapapangale lri pubelenge ku alrima lini ki awlru ki lrulai ka sawvalai ka lwange, icucubungu ki Tamatama culu.

Lrivi 4:23

kwi lasu sana thingale ala ka yakai ku pasalrivaneini, lri tara malra ku vaeva ku mwadringadringai ku balase ka kiu tusapatarumarane.

Lrivi 4:3

Lwiyasi ka abebeelengenga ki barakalai ka amanini ku pasalriu, la sacepe ki mapapangale, lri tara pakavaeva ku mwadringadringai ku lrulai ka sawvalai ka lwange patarumara ki Tamatama tu Balrithane ki pasalrivane ka lrisi.

Lrivi 4:32

Lwiyasi la patarumara ku tikiane ka nikiubawbalane ka kiu tusatulrisiane ka waudriwdripi ki Balrithane ki pasalrivane ka lrisi, kwini lasu lri tara patarumara kudra kadrwa ku takatumanane ka tina ka nikiubawbalane ka kiu.

Lrivi 5:15

Lwiyasi la ikai ku umawmase ku kaika waranau si kai baai ku naika apatarumarane ki Tamatama ku mabula niyane patarumara, kwini lasu lri tara thavungu ki pasalrivaneini si iluku ku vaeva ku mwadringadringai ku balase ka nikiubawbalane ka kiu, si patarumara ki Tamatama tu Samupasalrivanane ka lrisi. Ku luludane ki kiu lri singikai ku takelretane ki Alrivilrivi ka taikaikaiyane.

Lrivi 5:18

Lri tara iluku ku vaeva ku mwadringadringai ku balase ka nikiubawbalane ka kiu tu Samupasalrivanane ka lrisi patarumara. Ku luludane ki kiu lri singikai ku takelretane ki Alrivilrivi ka taikaikaiyane. Ku barakalai lri pasikai iniane pia ku Samupasalrivanane ka lrisi, kwini lasu lai lri kipacepe.

Lrivi 6:2

Lwiyasi ikai ku umawmase la ngwalai ku kai mwabangalre sawlri baai ki sakacekele ka swa Iseraylri ku nipaswalane baai ku sapadrepetane ku paisu, ku kwaupa ku lamanemane ki palrapalra, ku wamalra vutha ki umawmase, ku wadraedrangelre maulrau ku lamanemane iya, si kiketeketeana kainaku kiadringai iya ku kidringaingaini ku lamanemane, la pasalriunga ki Tamatama, kwini lasu lri tara patarumara ku sapatarumarane.

Lrivi 6:8

Ku Tamatama wadrekase ki Musi,

Lrivi 7:16

Lwiyasi kwini sapatarumarane ka Sulivatane ka lrisi ka twasapatarumarane ku ngikaketeketeini ku ngikakamanini kidremedreme pia kwini ka sapatarumarane, ku sapatarumarane ka beate kai lri ivaivai kane patuelre, ku tedrane kai lri katumane pukaiyane ala kane.

Lrivi 8:18

La pacungulu, ku Musi wamalra ku vaeva tu Lama ka lrisi ka balase ka nikiubawbalane ka kiu; ku Arungu si lalalakeini la pubelenge ki awlru ki balase ka nikiubawbalane ka kiu ku alrima lini.

Lrivi 9:2

La pelaela ki Arungu, “Kusu iluka ku vaeva ku mwadringadringai ku lrulai ka sawvalai ka lwange tu Balrithane ki pasalrivane ka lrisi, laka vaeva ka mwadringadringai ka balase ka nikiubawbalane ka kiu tu Lama ka lrisi si patarumara ki Tamatama.

Zakaria 13:7

Ku Tamatama ka abebeelengenga ki sanaka kwapingi amia kai, “Dramu, kasimeaca, la kikaruburu ki pasiakaikai nakwane kaungu ka taraagwagu! Lu papacadhane iniane, lri sarau thirakupu ku lakiu. Lri lrumadhaku ki kawkawluli,

Malaki 1:14

Kudra kiaketekete ku amalrane patwalai ki lakiu ku mathariri ka balase ka kiu si baai patarumara nakwane, la baailringa patarumara ku caecaemane, kudra paiya kikai tavuvulrucu nakwane ku umawmase lri kipusu. Asi lwiyane amaniaku ku madraadrawnga ka talialalai, kai kawmasane sanaka kuni ka umawmase lri musaakene ukuludru nakwane makanaelre. Tamatamaku ka abebeelengenga ki sanaka kwapingi ka amia kikai pelaela.”

Taasipane 15:3

Lama patarumara ki Tamatama ku Lama ka lrisi, pangiamia ku vagaini ka lrisi, ngiakakamani ka lrisi, ku naika atara patarumaraane kudra lalrisi ki takisuswane, lri maka arakai ku sawvalai ku lwange, balase ka kiu, nikiubawbalane ka kiu si kiu tusapatarumarane; kikai sangulremane ki sapatarumarane amani ku kiragai ki Tamatama.

Taasipane 15:8

Lu patarumara ku sawvalai ku lwange ki Tamatama tu Lama ka lrisi, pangiamia ku vaga ka lrisi, si Sulivatane ka lrisi,

Taasipane 19:2

cuna ki swa Iseraylri pasusu kikai lebe ka kakudhane. Iluka ku kai mapilai, kaiyana kiarakai pakaungu ka duduli ka tina ka lwange,

Taasipane 23:19

Ku Twaumase makaela ki umawmase, kai lri tavuvulrucu kawriva; Kai ka paramia ki langumawmase, kai lri tupela ku takidremedremaneini. Ku palraingingaini ku vaga, lri tara pangimia; Sana avavaga, ngiamia ku awngane.

Taasipane 23:27

Ku Balake amia kai, “Tupalraili, lri ilukaku muswane mwa ki talidrumane ki kadaengane. Ku Twaumase alau lri pikai kavai si pasikaisu nakwane pusu liniane.”

Taasipane 23:3

Ku Balame la iya kai ki Balake, “Acegecega ikai thili ki patarumarasu ka Lama ka lrisi; nau mwa drele lulri kikawriva nakwane ku Tamatama. Ku cunuini nakwane luka manemane, lri tara pelaelaku muswane.” Ku Balame la tarungeangea mwa kalididu lregelrege.

Taasipane 23:30

Ku Balake la pangimia, ikai kwini ki la tapatarumaramarane si patarumara ku vaeva ku sawvalai ka lwange si vaeva ku balase ku kiu.

Taasipane 28:11

Ki dramadraamare ki aswalaalanga ki vai lri patarumara ku Lama ka lrisi baai ki Tamatama, drusa ku lrulai ka sawvalai ka lwange, vaeva ka balase ka nikiubawbalane ka kiu, pitu ku taracailinga ku lrulai ka balase ka kiu kadrwa ku takatwatumanane patuelre.

Taasipane 28:19

Lri patarumara ku Lama ka lrisi tusangwalreme ka Apwi ka lrisi, lani kiragai ku Tamatama. Lri patarumara ku lrulai ka sawvalai ka lwange, vaeva ka balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatumanane patuelre.

Taasipane 28:31

Kaika kathane kilakikai lrisi si Paralikiliki ka lrisi, kwidra apiane ki vaivai ka Lama ka lrisi si Taleke ka lrisi lri tuthadaalrane patarumaramara.

Taasipane 29:13

Ikai ki aswalalanga ki vai ki tatulrisisisiane, lri patarumara numi ku Lama ka lrisi, tusapasangulremane ka akaneane ka lrisi si pakiragai ki Tamatama. Patarumara ku kadrwa ku takatwatumanane ku 13 ku lrulai ka sawvalai ka lwange, drusa ku balase ka nikiubawbalane ka kiu, 14 ka taracailinga ka lrulai ka balase ka kiu.

Taasipane 29:2

lai patarumara ku kiragai ki Tamatama ku sangwalreme ka Lama ka lrisi; vaeva ka lrulai ka sawvalai ka lwange, vaeva ku balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatwatumanane patuelre.

Luka 1:35

Ku sasiakawlu belenge la tubalre iya kai, “Ku Siri lri mulebe mwa ki kinawmasanesu; ku puku ki Abebeelengenga ka Twaumase lri lakebe muswane. Lakamani, kwini lri kitulalake ka saniange ka daini Lalake ki Twaumase lri kiiya.

Yuhani 1:36

kai lasu wadrele sa lribate ku Yesu, la iya kai, “Drela, ki Lrulai ka Kiu ki Twaumase!”

Yuhani 10:7

Lakamani, ku Yesu amiyanga kai liniane, “Lri pudriadriingadhaku pelaela numiane, amaniaku ku lrawlrawdru ki lakiu.

Yuhani 10:9

Lrawlrawdraku; kudra ngwakai nakwane mudaane, lri tara kipasavidhi, si lai dulru masasawlri mulatadre si mudaane, lai lri kidringai ku laakaneane ku ubulu.

2 Kurintu 8:12

Alaiyasi ka patengane numi baai paralubu, ku Twaumase lri tara kiragai tarumara; ani patarumara ku paka ikai lini amia numiane, kaika amani kudra ki pakakadrwa numi.

2 Kurintu 9:7

Lakamani, sanaka aneanenga lri singikai ku palraingi ki kidremedremeini pakubulu paralubu, si kai kalrilriki, kai vutha, asi lwiyane ku Twaumase madalame ku kiaragai patarumara ku umawmase.

Ipisu 2:18

Ngukai ki Kirisitu, adravane ka swa Yuda ka sakamaelanane ka umawmase, wadulruta ikai adringi ka vaeva ka Siri si kainganai mucucubungu ki Tama ka yabelenge.

Ipisu 5:27

ngiesadhane kathariri, alrivilrivi ku kidremedreme, ka kadrwa ku pwalane, ka kadrwa ku kudrulru si angelrecane, pakai ku angipapatarumaraneini.

Tapelane Drekase 12:27

ikai kwini si patarumara ku Lama ka lrisi, patala beate si erai pubelenge ki tapatarumaramarane si lama. Kunumi lalri ikai numi kwini si patarumara ku drumane ku sapatarumarane, la malra kwini erai gugu pubelenge ki tapatarumarane ki Tamatama, la kane ku beate lini.

Tapelane Drekase 15:21

Lwiyasi laka kai kiatulrepenge ka lwange si kiu, pilapilai, mukimukici, yakai ku drumane ku tangilisianane, kunumi madha patarumaramara ki Tamatama ka Twaumase numi.

Tapelane Drekase 17:1

“Madha arakaikai ku kai kiatulrepenge ku lwange ku kiu tusapatarumarane ki Tamatama ka Twaumase numi, asi lwiyane amani kwini ku kavalracevaceini.

Hiburu 7:26

Laka miyaiya kai, ku Yesu ala amani ku urikaita ka abebeelengenga ki barakalai. Amani ku alrivilrivi, kadrwa ku tapasalrivane, kadrwa ku pasalrivaneini, kiapatwalai ki mapasaisalriu ki umawmase ki patukudha, si ki pubelenge mwa ki sabebelengenga subelebelenge.

Hiburu 9:14

kudra naika apangimiane ku erai ki Kirisitu nai kaika makaakalra? Ngukai kudra palralrawthu ka Ri, ngiamamalra ku takitulrepenganeini ka sapatarumarane si patarumara ki Twaumase. Ku eraini lri bula ki kidremedremeta, si mwalra ku ngialisiane ki kakwakudhaneta, la lri dulruta pasikai ki palralrawthu ka Twaumase.