Kulusia 3:3 - Ngudradreadrekadhane Ka Sisiu 魯凱語聖經

³ Asi lwiyane twapapalranga numi ki Kirisitu pacai, ku niake numi twapapalranga iniane ka nibaladhanenga ikai adringi ki Twaumase.

Kulusia 3:3 Iomraidhean Croise

Matai 11:25

Sakamani kwidra, ku Yesu la iya kai, “Ama ka yabelenge, ka Tamatama ki belenge si kawmasane! Kiaseasenaku muswane; asi lwiyane kudra balabalaisu papia ki malrigili, ki yakai ku thingalane ka umawmase, padrelengasu putaluvaivai papia kudra ki la kadrwa ku thingalane ka umawmase.

Yuhani 14:19

Lri kai tarathainunga, kai yakawmasane lai kai lri maka drelenga nakwane; ai lri drele numi nakwane, si ngwalai ku tapanianiakaneli, lai lri mialri numi panianiake.

Yuhani 3:16

Ku Twaumase mathalrai turamuru ki yakawmasane ka laumawmase, pakeela kudra patarwamara pulebe ki beraberathane ka Lalakeini, pakai kudra ki sanaka masalru iniane ku umawmase ku kaika akamudane, lri tarumaaralringa ku palralrawthu ka niake.

Yuhani 4:14

ai, ala ku aneane ku waungulu kudra baaili ku acilai, lri kai kakadhamenga palralrawthu. Ku baaili ku acilaili ikai iniane si atuturu, lai mwalwaludrunga ku acilai, ku lrika amalraneini ku palralrawthu ka niake.”

Yuhani 5:21

Ku tapiane ki Tama pasielane papanianiake ki wapacainga ka umawmase, si patarumara ku niake liniane; lri mialri, ku Lalake ngisasingikai ki kidremedremeini baai ku niake ki umawmase.

Yuhani 5:24

“Pwadriadriingadhaku pelaela numiane, ku kialalra kai vagali, la kasalru kudra ki amani ku siakawlu nakwane, lri ikai ku palralrawthu ka niake. Kai lri kitupasalrivane, amaninga kudra matwasenga ki apacadhane si mwa ki apanianiakane.

Yuhani 5:40

Ai, kai numi mwabangalre mwa nakwane kisilape ku niake.

Ruma 5:10

Kuta nabadhata ki Twaumase, ai ngwalai ku tapacadhane ki Lalakeini, la makakadalrungata iniane. Kudra makakadalrungata iniane, kaita lri kirimulringa ngukai ku tasielane panianiake ki Kirisitu si kipalribulu?

Ruma 5:21

Mararaamau ki pasalrivane ngwakai ki apacadhane si kainganai marasikai rathudu, ku migemi ki Twaumase la mialri ngukai ki dringelresane si kainganai rathudu, alakamani ku ngukaita ki Tamatama ka Yesu Kirisitu si malra ku palralrawthu ka niake.

Ruma 6:11

Laka thadalrane, lu twaladhane ki pasalrivane kawriva, alra ngitatu wapacainga: Ai ikai adringi ki niake ki Kirisitu Yesu, panianianiake numi pasikai ki Twaumase.

Ruma 6:2

Ini, kai ngiamia kwini! Lu sakaiyane ki pasalrivane kawriva, wapacaingata. Ata kiriimu maka dulrwana pacungucungulu panianianiake ikai ki pasalrivane?

Ruma 8:2

Asi lwiyane ku nikelretane tukakudhane ki Siri, amani ku lrika amaelreane ki umawmase ki Yesu Kirisitu si tarumara ku niake, pwalatadrenga mitane patwalai ki pasalrivane si apacadhane ka kakudhane.

1 Kurintu 15:45

Asi lwiyane kai Sisiu amia kai, “Kudra aswalaalanga ka Adame kiabekace ikai ku niake ka umawmase”; ai kudra bibiilrilinga ka Adame amani kudra wabaai ku niake ka abake.

1 Kurintu 2:14

Ai, kudra kadrwa ku Ri ki Twaumase ku umawmase kai lri dulru tarumara ku nipatarumarane ki Ri ki Twaumase ku migemi. Ku miyaiya kai ku umawmase kai lri dulru thingale kilakikai, lu kidremedreme kai mamamwa ki kakudhane, asi lwiyane ku kucingalrane kilakikai lu arakaiyane ku takisuswane drele wadulru pulringalringau.

2 Kurintu 5:14

Ku sakialibake ki Kirisitu amaninga ku wavelevelevele naiane, asi lwiyane wathingale nai, ku tangeangea ku umawmase pasiakai ki laumawmase pacai, maru wapacainga kwini laumawmase.

2 Kurintu 5:7

Asi lwiyane kai panianianiake nai arakai nai ku salrwane, kai nai ka arakai ki adredrelane ka kawmasane.

Galatia 2:20

lakamani, kikai panianianiakeli kainaku ka amaninga, amaninga ku Kirisitu ka yakai ki niakeli adringi panianianiake. Ku panianiakeli kikai, ngwalai ku salrwane ki Lalake ki Twaumase si panianiake, ku Kirisitu madalame nakwane si pasiakai nakwane cilri ku niakeini.

Ipisu 3:9

ku athingalane sanaka umawmase luka watumane pangimia kudra kaika athingalane ka matiasamaimali ka kikakeini ki Twaumase. Ku siaswalane ku zidai, ku wabekace sanaka maneemane ka Twaumase wasekete ki kikai kaika athingalane ka matiasamaimali,

Pilripi 4:7

Ku baai ki Twaumase kudra walribate ki tathingalane ki umawmase ka sulivatane, lri ngukai ki Yesu Kirisitu, palakebe ki takidremedremane numi.

Kulusia 1:5

Sakapathagilane, ku hukuingi sadaruru numiane kwini, kialalra numi ku mailuku kai ki hukuingi ku sidramane. Lukamiyaiya kai, kwi salrwane si sakialibake numi siatangadrane kwidra nipasikaiyane numiane pikai belenge ka sasiadradrama.

Kulusia 2:20

Kudra twapapalranga numi ki Kirisitu pacai, si kidailinga numi kwidra ki ri ki latariau, kunumi anu ka thadalraneana ki ngwakawmasane ku tapanianianiakane numi, pacungucungulwana pangimia “Madha velevele kikai”, “Madha palalava kavai”, “Madha ecenge kikai” kilakikai nitutawlrisianane?

Kulusia 2:3

Amani ku mwaelebe ku sekete ki Twaumase patuelre ku lrigilane si thingalane ka sukusuku.

Kulusia 3:4

Ku Kirisitu amani ku patengatengane ka niake numi, lu adrelane, lri mialri numi tupapalra iniane adrelane, si kisupilri ku lriguini.

Hiburu 7:25

Lakamani, lri tara dulru palribulu kudra ngwakai iniane si kidethe ki Twaumase ku umawmase, asi lwiyane lri palralrawthu panianiake, si atalingikaiyane liniane kitubi ki Twaumase.

1 Pitiru 3:4

Pikaiya adringi ku tharirane numi, arakaiya kwidra kai lri kaela ka sulrapelane tusangiragelanane, kikai amani ku sanianiangenga lu drele ku Twaumase.

1 Pitiru 4:2

Twalainga kaikameane, kudra tedranenga ku taikaiyane numi kawmasane ku vai ki ruthuka ki kidremedreme ki Twaumase, madha kiruthukunga ki urikaiyane ki kinawmasane.

1 Yuhani 3:2

Nikathalradhane ka latalrailragi, kikainga amaningata ku lalalake ki Twaumase, lukabibilrili lrika ngitwatumane, kaiyana athingalane. Ai, wathingaleta, lu utaluvaivainga ku Yesu, lrika ngimiyaiyata iniane makanaelre, asi lwiyane lri dreleta ku tangimiamianeini.

Nipadrelane 2:17

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku kudra niseketane ka mana. Lai lri baadhaku iniane ku vaeva ka lrawlrapungu ka lrenege, pinacasane belenge ku bavane ka nagane; kikai nagane, kathane kudra tarwamara ku umawmase, ku drumane ku umawmase kadrwa ku wathingale.”