Kavagavagane 5:3 - Ngudradreadrekadhane Ka Sisiu 魯凱語聖經

³ Ku bibiane ki kai mwalecege ka ababai alau ngiamia ki valu ku limemane, lu uma mia ki lawlau ka ulrive ku sulrapelane;

Kavagavagane 5:3 Iomraidhean Croise

Lasenai 55:21

Ku bibianeini mathathuthulridi ki abera, ai swaete ki kidremedreme ku lisiane. Ku vagaini la ka madaedapenge ki abera, ai ku patengatengane mia ki dramu ka marangisi.

Kavagavagane 2:16

Ku thingalane lri paralubu muswane dulru kiecebe ki kiasanu lrilrigili muswane ka malimeme ku vaga ka ababai.

Kavagavagane 22:14

Ku ngudwi ki pairairange ka ababai yai lrubange; ku kavalracevace ki Tamatama ku umawmase lri mulrubangane.

Kavagavagane 5:20

Lalakeli, asu ngucawane kadalame ki drumane ka ababai? Kwi kidremedremesu ani papia ki taelrelre ki palrapalra?

Kavagavagane 6:24

ka lrika sapakidailane muswane ku malimeme ku vaga ki mangangaanga ka ababai si lataelrelre ki palrapalra ka ababai.

Kavagavagane 7:21

Kwini ababai arakai ku tangitatuthariraneini bilibili iniane, la arakai ku talralravadhane pangucawane iniane.

Kavagavagane 7:5

Kwi lalisu lri pakidaili muswane ki taelrelre ki palrapalra, si mubere ki malimeme ka vaga ki manganganga ki sawvalai ka ababai.

Wabulru 7:26

Wadrelaku yakai ku ababai ku matiwkukuludru ki apacadhane: Kwi alisu ku dalamaneini mia ki lrubange, mia ki lravathe; kwi alisu lu kebere ki tabalanganesu mia ki vaeva ka kicikici. Ku kiakiragai ki Twaumase ku umawmase lri kalrabuthu mubere ki alrimaini. Ai kwi alisu lri ruthuku ki pasalrisalriu ka umawmase.

Senai 4:11

Kadalameli, kwi bibianesu malimeme mia ki valu; kwi lridamesu yakai ku valu yakai ku mireke. Kwi tasangulremane ki laimaisu mia ki tasangulremane Lebanungu.