Kavagavagane 26:12 - Ngudradreadrekadhane Ka Sisiu 魯凱語聖經

¹² Wadrelesu kudra ngiathingalaku amiamia ka umawmase? Ku makulrungu ka umawmase madradrau ku sasiadradrama iniane.

Kavagavagane 26:12 Iomraidhean Croise

Kavagavagane 12:15

Kai makulrungu ka umawmase tapacengecengane lu kidremedreme; ku ngiathingale ka umawmase kialalra ku sapasapukwanane.

Kavagavagane 22:29

Wadrelengasu ku mageteme lu twatumane? Kwi lasu kai twapapapalra karededele ki kadrwa ku piapia ka laumawmase; kwi lasu amani ku lri acegecege ikai cucubungu ki talialalai si marasikaikai.

Kavagavagane 26:16

Ku masasalrai ka umawmase lu ngikakidremedreme mathiathingale kudra ki tapitu ka la talrilrigili matubaebalre.

Kavagavagane 26:5

Arakai madu ku makulrungu ka vaga tubalre ki makulrungu ka umawmase; luka miyaiya kai, kudra kiavaga ku umawmase lri thingale, kwi lasu ala ka kaika ngimiyaiya ki takidremedremaneini ka saawlrwane.

Kavagavagane 28:11

Ku sapaiswane ka umawmase ngiathingalaku amiya; ai ku saawlrwane ka matiakukuru ka umawmase wadrele patuelre ku tangimiamianeini.

Kavagavagane 28:26

Ku makulrungu ka umawmase tangisasudralrwane; ku pasalaladha ki ngiathingale twatumane, lri tara kasulivate.

Kavagavagane 29:20

Ku madraedrangelre lu kawriva ka umawmase, adravane ka makukulrungunga ka umawmase silrialribateana iniane.

Kavagavagane 3:7

Madha ngikalrilrilrigili, musakena mukuludru ki Tamatama sikakathane, la kidaili ki akangangane.

Isaiya 5:21

Lri kipadradresenge numi ku amatikurwane! La ngitatu malrigilrigiliana numi!

Matai 21:31

Kai tadrusa ka lalake aneane ku pangiamia ku takidremedremane ki tama lini?” Kwini lalasu la iya kai, “Amani kwini takataka ka lalake.” Ku Yesu la iya kai, “Nau pelaela numiane, ku tarakikaziluzilu si pairairange lri aswala numiane aumawmase ki kuni ka subelebelenge.

Luka 18:11

Kudra swa Palrisai la acegecege si paswabelenge, la inulri iya kai, ‘Twaumase, kiaseasenaku muswane, asi lwiyane kainaku ngiamia ki palrapalra karau, kaimakalecege, kanganga ki sawvalai si ababai, si la kainaku mia kavai ki tarakikaziluzilu.

Luka 7:44

La ngibangulu ku Yesu si papia ki ababai, la iya kai ki Simune, “Wadrelesu kai ki ababai? Wakelaku mwa ki daanesu, la kaisu baai ku acilai nakwane patawdrapale, ai kai alisu arakai ku lreseini patawdrapale nakwane, si arakai ku isiuini sakidri pakameale.

Yuhani 9:41

La tubalre ku Yesu, “Alaiyasi ka mamukici numi, lri kakadrwa ku pasalrivane numi; kwini ‘Wadulru nai drele’ amia numi, luka ngimiyaiya kwini, yakaiyana ku pasalrivane numi.”

Ruma 12:16

Adravane ka ngitwatumane ka umawmase, twathadaalrane madu kakalithi. Madha ngikalrilrilrigu, waguruthungane madu kamani si ngitatu alebe; la madha ngitatu malrigili.

Nipadrelane 3:17

Amiasu kai: Maesaesadhaku cekecekele, ka kadrwa ku kawrame. Ai, kaisu wathingale ka matiakurusu turamuru! Matiakukurusu, ka mukimukici, si ka vilralralrakane.