Kavagavagane 2:5 - Ngudradreadrekadhane Ka Sisiu 魯凱語聖經

⁵ Luka ngimiyaiya kikai, lri pulringausu pukidremedreme ala ka manemane kudra mwasakene mukuludru ki Tamatama, si thingale ku apangimiane thingale ki Twaumase.

Kavagavagane 2:5 Iomraidhean Croise

Yubu 28:28

Ku Twaumase papia ki umawmase kawmasane iya kai: Ku mwasakene mukuludru ki Tamatama amani ku thingalane; ku wacilri ki ngilisianane amani ku malrigili.

Kavagavagane 1:7

Ku mwasakene mukuludru ki Tamatama yai sapathagili ki lrigilane. Ku makulrungu ka umawmase siadrekase ki thingalane, la kai mubangalre kicawcakwane.

Kavagavagane 28:7

Ku paluludu ki hulrice amani kudra ngiathingale ka lalake; ku sia talragi ki apiakaekane kasasalrai ka umawmase, lri tara pakiarubwane ki tamaini.

Kavagavagane 8:17

Ku madalame nakwane, lri mialriaku kadalame iniane; ku wasilape nakwane, lri tara kidringai.

Kavagavagane 9:10

Ku mwasakene mukuludru ki Tamatama yai sapathagili ki thingalane; ku wathingale ki Sanianiangenga amani ku ngiathingale.

Isaiya 33:6

Si la pakapapedrenge ki kuni. La palralrawthu palribulu ki kawkawluini, la baai liniane ku lrigilane si thingalane. Ku ausakenane mukuludru ki Tamatama yai amani ku madraadrawnga ka tacekecekelane.

Yerimia 24:7

Lri paikaiyaku ku salrwane liniane, lri thingale nakwane ka Tamatama. Kwi lalasu lri akawkawlu nakwane, lai lri a Twaumasaku liniane, asi lwiyane kwi lalasu lri savaevanga ku kidremedreme papia nakwane.

Yerimia 31:34

Kwi lalasu kai lri bulrunga ki pasiagiagisi ki sakacekele iya kai, ‘Thingala ki Tamatama’, asi lwiyane ki kunu palraelre wathiingalenga nakwane. Lri pacepaku ku pasalrivane lini, si kai pulringwnga ku tapasalrivane lini. Tamatamaku; ka amia kikai pelaela.”

Yerimia 9:24

Kai umawmase lulri ngikalrilrigu, naika ngiakalrilrigu ku tathingalane nakwane, si pulringalringau nakwane; asi lwiyane Tamatamaku, ka kai lri akabalrithi ku sakialibake. Paiyaku ku aparamaramavane, si paruswadrau ku dringelresane; ku kadalameli amani kilakikai. Kwaku ka Tamatama amiaku kikai pelaela.

Husia 6:3

Ala takisamula kisilape si thingale ki Tamatama. Lri tara keela, mia ki ledra ki mialrealre kalri tara utaluvaivai, mia ki udale ki kalarigarigane alreke ki kadaengane.”

Matai 11:27

“Ku Ama wabaainga nakwane patueelre. Kathane ku Ama, kadrwa ku umawmase ku wathingale ki Lalake; kathane ku Lalake si kudra palraingi ki Lalake padrele ka umawmase, kadrwa ku umawmase ku wathingale ki Tama.

Luka 10:22

“Ku Ama wabaainga nakwane patueelre. Kathane ku Tama, kadrwa ku umawmase ku wathingale ki Lalake lukaaneane; kathane ku Lalake si kudra palraingi ki Lalake pelaela ka umawmase, kadrwa ku umawmase ku wathingale ki Tama lukaaneane.”

Yuhani 17:3

Si thingale ala ka amanisu ku vaeva ka patengane ka Twaumase, si la thingale kudra ki pakainganaisu ka Yesu Kirisitu, ka amani ku palralrawthu ka niake.

1 Yuhani 5:20

Wathingaleta, ku Lalake ki Twaumase wakelaanga, si la baai mitane ku adulrwaneta thingale, ku lrika athingalaneta ki patengane ka Twaumase. Ikaita adringi ki niake ki patengane ka Twaumase, amani ku yadringi ikai ki niake ki Lalakeini ka Yesu Kirisitu. Amani ku patengane ka Twaumase, ka palralrawthu ka niake.