Kavagavagane 2:1 - Ngudradreadrekadhane Ka Sisiu 魯凱語聖經

¹ Lalakeli, kicawcakwana kai sabulrwaneli, madha karimurimuru kudra pelaelali muswane.

Kavagavagane 2:1 Iomraidhean Croise

Yubu 23:12

Tapaluludaneli ku drekaseini, twapapalraku ku takidremedremaneini, si kai ngisasingikai ku ravane ki kidremedremeli.

Lasenai 90:12

Kiatubi nai muswane bulrwa naiane ku tapiapiane asipi kikai edreekane ka caili si vai nai, la nai aru kalrigili.

Kavagavagane 1:3

Lri bulru ki laumawmase ku apangimiane si thingale cekecekele, ku apangimiane kapatengatengane, aparamaramau, mwalecege ku takaumawmasane.

Kavagavagane 28:7

Ku paluludu ki hulrice amani kudra ngiathingale ka lalake; ku sia talragi ki apiakaekane kasasalrai ka umawmase, lri tara pakiarubwane ki tamaini.

Kavagavagane 3:1

Lalakeli, madha karimurimuru ku sabulrwaneli, katapulringavaana ku tapelaelaneli muswane.

Kavagavagane 4:1

Lalalakeli, kilalra ku sabulrwane ki tama numi; kiraraketa kwi kidremedreme numi si tarumara, lanu pulringalringau.

Kavagavagane 4:10

Lalakeli, kilalra kai iyaiyali, alaiyasi paluludusu kai vagali, lri kalragi ku cailisu si kawlai ku tapanianiakanesu.

Kavagavagane 6:21

Kwi lavaga lini pikaiya ki kidremedremesu, la ulrungu pikai ki lresu.

Kavagavagane 7:1

Lalakeli, pulringalringaava kai vagali, madha karimurimuru ku baaili muswane ku sabulrwane.

Kavagavagane 8:1

Kilalra, watawtawtau kai thingalane, maralealeale kai lrigilane.

Kavagavagane 9:1

Ku thingalane twadaane ku daaneini, si cegecege ku pitu ku ulrudru.

Matai 13:44

“Kai kuni subelebelenge maru amaaninga kudra makucingalre ka zaisange ka nibaladhane pikai ki umawma. La ikai ku umawmase ku kiadringai, la subusubu paidringi, ala katwase kiraraagai si kilangai ku lamanemaneini patueelre, si katwase langai kwini ki umawma.”

Luka 2:19

Ai ku Malria la alra kikai tangimiamiane patuelre apapelaela kidremedreme.

Luka 2:51

La kirimu, ku Yesu tupapalra liniane siwlri mu Nazarethe ka cekele, si pasalaladha liniane sanaka maneemanenga. Ku tinaini la kakalithi kilakikai si pulringalringau pikidremedreme.

Luka 9:44

“Madha karimurimuru kai apelaelaneli numiane kai vaga: Ku Lalake ki Umawmase lri kipatarumara pikai ki alrima ki umawmase.”

Tapelane Drekase 30:13

Kikai padradrekase kaika yakai balrealreanane ki laveke; madha kivaga, ‘Aneane kulri atalingikaiyane mitane talubalre ki laveke si malra iluku kikai sabulrwane, lanai kilalra si pangimia?’

1 Timuthi 1:15

“Ku mulebe ki Yesu Kirisitu yai lri palribulu ki mapasaisalriu ka umawmase”, kikai vaga kai yai matiasudralru, ka swadalepe tarumara patuelre. Kwaku yai mangangaanganga naku ki pasalrisalriu ka umawmase.