Kavagavagane 10:21 - Ngudradreadrekadhane Ka Sisiu 魯凱語聖經

²¹ Ku vaga ki mwalecege ka umawmase pakaesai ki laumawmase; ku makulrungu ka umawmase ngwalai ki kulrungane si pacai.

Kavagavagane 10:21 Iomraidhean Croise

Husia 4:6

Mamudu kai kawkawluli, asi lwiyane kai lalasu kai paswadalepe nakwane. Kunumi ka labarakalai kai numi paswadalepe nakwane, la kalrase numi kai sabulrwaneli. Lakamani lri kalrasaku numiane, lai lri kainaku lri paabarakalai ki lagagane numi.

Kavagavagane 17:16

Kudra kadrwa ku thingale ki makulrungu ka umawmase, lu malra ku paisu si langai ku thingalane mialri ka kadrwa ku pacugane.

Matai 13:19

Kudra kialalra ku vaga ki kuni subelebelenge si la kai pulringalringau ka umawmase, mararamau kudra ki wasabulu ku sapaivai la makakai ki thili kadalranane, ku Akema lu kela, lri malra ribici kudra nisabulane pikai ki kidremedremeini ku vaga ki Twaumase.

Kavagavagane 1:29

Takalraasane numi ki lrigilane, si kai musakene mukuludru ki Tamatama.

Kavagavagane 15:4

Ku masulrapele ka vaga maru niake ka angatu; ku kikilrungane ku vaga pakasulri ki umawmase.

Kavagavagane 5:23

Kwi lasu ngwalai ku kaika tamaka ngiraruthukaneini la pacai; ngwalai ki paramurane ku kulrunganeini si la ngipapakamudu.

Kavagavagane 5:12

Lri daangesu iya kai, “Anau ngithaanga kai kilalra ku sabulrwane? Anau ngithaanga kai maka patupela ki palrapalra ku tapamamaneli?

Kavagavagane 1:31

Lakamani, lri kikabebetethe numi matikuru, pakiwbilrili ki kakwakudhaane numi.

Yubu 23:12

Tapaluludaneli ku drekaseini, twapapalraku ku takidremedremaneini, si kai ngisasingikai ku ravane ki kidremedremeli.

Yerimia 15:16

Lu kawrivasu nakwane, kiacacaligiraku kilalalra patuelre. Tamatama ka abebeelengenga ki sanaka kwapingi ka Twaumase, kwaku swakaiyaku muswane; ku vagasu paswaete ku sakiaragai ki kidremedremeli.

Kavagavagane 12:18

Ku kai kiapapawlringalringau lu kawriva mararamau ki marangisi ka dramu ka wadula ki umawmase; ku ngiathingale kawriva mia ki sasulravane pawdringai ki umawmase.

1 Pitiru 5:2

agwagwa ku sudralru numiane ki Twaumase ku lakiu, pasingikidremedreme kiragai singikai ku kidremedreme ki Twaumase sirapale liniane, kaika nivuthane, kaika ngwalai ku akipawlrawlravane ka awngane, ngiakakamaani pasikai kaungu.

Ruma 1:28

Ku umawmase ku kai kiadremedreme si tarumara ki Twaumase, ku Twaumase la singikainga ki umawmase ku apikaiyane ku ngialisiane ku kidremedreme, si pia kudra kaika apiapiane ka kakudhane.

Yerimia 3:15

Lri patarumaraku baai numiane ku lri rathudu ka lri pasalaladha ku drekaseli, kwi lalasu lri arakai ku thingalane si lrigilane rathudu numiane.

Lasenai 37:30

Ku bibiane ki madringelrese ka umawmase pwataluvaivai ku lrigilane ka vaga; ku lridameini peaelaela ku dringelresane.

Matai 12:35

Ku mathariri ka umawmase patwalai ku ruburubuini ku mulecegane si putaluvaivai ku tharirane; ku manganga ku umawmase patwalai ku ruburubuini ku malisi si putaluvaivai ku ngilisianane.

Kavagavagane 6:32

Ku paswadringai ku umawmase makukulrungunga ka kadrwa ku apakileketane, taingeane ka ngiapapakamwamudu.

Kavagavagane 10:11

Ku ngudwi ki mwalecege ka umawmase yai tacebeane ki niake; ku vaga ki manganga ka umawmase yakai adringi ku atulisiane.

Kavagavagane 1:32

Ku kadrwa ku thingale ku umawmase lri ngwalai ku takalrasane ki thingalane si pacai; ku makulrungu ku umawmase lri ngwalai ku tangilralrailrailrainganeini si kamudu.

Kavagavagane 5:2

Luka ngimiyaiya kikai, lri thingalesu ku apangimiane dradrele twatumane, kwi vagasu la lri mutaluvaivai ku lrigilane.

Kavagavagane 15:7

Ku ngiathingale ka umawmase wadulru putaluvaivai ku lrigilane; ku makulrungu ka umawmase kai wadulru.

Wabulru 12:11

Ku vaga ki ngiathingale yakai ku sakaelaelane bulru, mia ki taraagwagu ki kiu kudra ecengeini ku cecenekane ka ukudru, kudra pacaseini ku kavagavagane la kakeecenge kai ngivelevelevele, mia ki nipakakecengane kedrekedre ka sakedrekedre, ka tara agwagu ki sanaka umawmase ka Twaumase ku patarwamara patueelre.

Isaiya 5:13

Ngwalai kikai, lri kipaacaicali numi; ku tara sangilililuku numiane lri kiara silravane pacai, ku laumawmase lai lri kiara kadhamane pacai.