Izera 9:8 - Ngudradreadrekadhane Ka Sisiu 魯凱語聖經

⁸ Tamatama ka Twaumase nai, napatarwamarasu baai naiane ku migemi, kunai ka abalu ka laumawmase la mubereana nai ki akipaaduriane, kasulivalivate ikai kikai ki mabula ka kadaengane. Amanisu ka padreleana naiane ki kalealedrane, si mubere ki akiruthukane, baai ku adulrwane nai makaudripiana.

Izera 9:8 Iomraidhean Croise

2 Latalialalai 19:4

Ku tinuhika ki swa Asiria siakawlu ki mabelenge ki kwapingi kela kai tusinalrelreme ki palralrawthu ka Twaumase. Ku Tamatama ka Twaumasesu ani kilalra kikai nisidreadrekasane ka vaga, la pathavungu ki kawariva kikai vaga. Ala kitubia ki Tamatama ka Twaumasesu, la kela sirapale naiane ka latedranenga ka mapapangale.”

Izera 9:9

Naduri nai, ai kaisu ka tapaaduriane naiane. La malrasu ki swakai Perisia ki latinuhika si tuthariri sirapale naiane, palraingi naiane panianiake, si maka dulrwana tupela kudra maburukunga ka daane ki Twaumase, la maka dulru nai ikai Yuda si Yerusalrime kidringai ku akasulivalivatane.

Nihimi 1:11

Kiatubiaku kilalra kikai inulrili, la kilalra ku inulri ki sanaka mwasakene sukubu muswane ka sasiakawlusu. Kiatubiaku paralubaili kaikameane ku akasulivatane ngiesaesai, lani kakalithi nakwane ku tinuhika.” Sa icengecenge kamani kwidra, amaniaku kudra kiacapili ki taramarasikaikai ku bava ki tinuhika.

Nihimi 9:31

Adravane mia kikai, ngwalai ki kalithanesu, kaisu wacilri liniane, amudu liniane, asi lwiyane yakai ku migemi si kalithanesu ka Twaumase!

Yubu 33:30

pakai ku apalribulane ki umawmase pakidaili ki valrulrange ka apacadhane, si pakisupilri iniane ku ledra ki niake.

Lasenai 13:3

Tamatama ka Twaumaseli, kiatubiaku muswane sirapalaili, tubalreaili; kiatubiaku muswane pasiulriwlriana kai pukuli, la nau kai pacai.

Lasenai 13:4

Madha palrailraingi ki badhali ku aiyane kai: Pamalebenga nai liniane! Madha pangwalalai ku tatubakebakaneli si pakiragai liniane.

Lasenai 138:7

Kialrepelrepaku ki akwalriane, ai palakebesu ku akasulivataneli. Walrumaisu ki paramuru kalisi ka labadha, si arakai ku pukusu palribulu nakwane.

Lasenai 34:5

Ku kiadredredrepete ka umawmase sudralrwa satalu iniane, lri ikai ku akiragadhane; kwi lalasu kai lri kasalivalrau palralrawthu.

Lasenai 85:6

Kiatubiaku muswane pelana pakagarange naiane; kunai ka kawkawlusu, lri drengedrengere nai muswane.

Kavagavagane 29:13

Ku matiakukuru ka umawmase si ngiakarakacane ka umawmase yakai ku vaeva ku tamararamavane, kwi lalasu thadalrane ka kiabaai ku maca ki Tamatama.

Wabulru 12:11

Ku vaga ki ngiathingale yakai ku sakaelaelane bulru, mia ki taraagwagu ki kiu kudra ecengeini ku cecenekane ka ukudru, kudra pacaseini ku kavagavagane la kakeecenge kai ngivelevelevele, mia ki nipakakecengane kedrekedre ka sakedrekedre, ka tara agwagu ki sanaka umawmase ka Twaumase ku patarwamara patueelre.

Isaiya 1:9

Alaiyasi ku Tamatama ka abebeelengenga ki sanaka kwapingi lu kai pasuru ku laniake ki tapiya ki laumawmase, nai miata ki swa Sudume si swa Gumura kamudunga.

Isaiya 14:3

Ku Tamatama lri mwalra ku tubi ki kidremedreme si sakwalrialri ki swa Iseraylri; kadrwanga ku umawmase kulri vutha liniane pakwalri kaungu.

Isaiya 56:5

ku nagane numi lri ikai ki daaneli ka Twaumase si kawkawluli kingulringalringau, silrialribate kudra ki takalra ku lalalake. Lri kai numi kikarimuru palralrawthu.”

Isaiya 57:15

“Kwaku ka sabebelengenga, ka saniange ka Twaumase; palralrawthaku ikai. Yakaiyaku ki abebeelengenga ka saniange, ai mialriaku ikai ki kiangeangeange ngitatasiwlriwlri si ngitatupela si ngiatatwalebe ka umawmase. Kudra ki ngiatatwalebe ku umawmase lri pasiwliwlianaku ku salrwane ku kidremedreme, ku kiangeange ngitatasiwlriwlri si ngitatupela ku umawmase lani malra ku sasiadradrama.

Isaiya 6:13

Alaiyasi ikai kai ki kadaengane ku tamangeale la asurwana ku tangeea ku umawmase, kwini umawmase lri mialri kiamudu; kwini lasu lri mia ki tharialupu ka angatu kipulebe, lai ka kathanenga ku tangadrane ku asuru.” (Kwini tangadrane sapathingalane ku bavane ku apathagilane ki kawkawlu ki Twaumase.)

Yerimia 42:2

la iya kai nakwane, “Palrainga kai akitubiane nai, pasikaiya naiane papia ki Tamatama ka Twaumaseta kitubi. Pasikaiya naiane ka laabalu inulri. Wamacasu drele, kunadruma mapangale nai, kikainga la tabeekelenga kai tedrane.

Yerimia 44:14

Ku mwabere mu Izipiti ku swa Yuda makanaelre, kadrwa kulri abalu. Kadrwa ku umawmase kulri dulru siwlriana mu Yuda, siwlri mwa kudra ki sidramadrama lini ikai ka cekele. Kathane kudra tabeekele ka lamwabebere ka laumawmase, kadrwa ku umawmase kulri dulru katwase siwlri.”

Izikile 14:22

Alaiyasi ikai ku aabalu ku umawmase, la palribulu ki lalalakeini, kwi lalasu lu mubere mwa numiane kwini, wadradrele madu, si drele kwi ngangane lini turamuru, luka ngimiyaiya kikai, lri pulringalringau numi ku piali kikai pathavungu ki swa Yerusalrime ala ka pacengecenge.

Husia 6:2

Lu makapusalenga makatulrulunga, kwi lasu lri patarumara mitane ku bavane ka puku, lai lri dulruta mwamwamua sukubu iniane.

Habakuke 3:2

Tamatama, sa kilalraku ku takaunganesu, kai kidremedremeli swaete ku usakenane si ukuludrane. Kiatubiaku muswane ikai kai ki zidai ku atupelanesu pia ku napiangasu ku maadrau ka awngane; kiatubiaku muswane ikai ki elathanesu la mialriya paathingalane ku kalithane.

Zipania 3:12

Lri ikaiyaku kwini si paasuru kudra ngiatatwalebe ku laumawmase; kwi lalasu lri kainganai mucucubungu nakwane si kitubi ku akipalakebane.

Zakaria 10:4

Lri twalai liniane ikai ku maerece, la atamatama, latarasangililuku si lataradrekadrekase ki kwapingi kulri rathudu ki kawkawluli.

Zakaria 8:12

Kwi lalasu lri sabulu ku sulivatane; ku cebe ki labudu lri pumadru ku budu, ku kadaengane lai lri cebe ku lataleke; lri makakelrekeelrete ku udale. Kikai laakaesadhane lri badhaku kai ki waudripiana ka laumawmase.

Zakaria 8:6

Ku Tamatama ka abebeelengenga ki sanaka kwapingi amia kai, “Kikai laasurwana ka laumawmase lri kai dulru ngimia kikai alau lri iya, ai pangukai nakwane, kikai kaika adulrwane kaika aiyaiyane.”

Ruma 9:27

Patharukai ki swa Iseraylri, ku Isaiya naamia kai pangutawtau liniane, “Adravane mia ki enai ki laveke ku pangalane ki swa Iseraylri, ai tabekele ku umawmase ku lri kipalribulu,

Nipadrelane 3:12

Kudra pamalebe ku umawmase, lri malraku iniane si tuulrudru ki daane ki Twaumaseli; kwi lasu lrika palralrawthunga kai kidaili. Lri pacasa ku pikai ki kinawmasaneini ku nagane ki Twaumaseli si nagane ki cekele ki Twaumase, amani kudra lri twalai belenge ki Twaumaseli si mulebe ka bavane ka Yerusalrime; lai lri pacasaku pikai ki kinawmasaneini ku bavane ku naganeli.

1 Samuile 14:27

Ai ku Yunathange kai kialalra ala ka waruthuku ku tamaini arakai ku sapuswane ku kaika akaneane ki laumawmase ku namanemanenga, lakamani ku malraini ku ukudru, si drukudruku ki tavalwane, la diputhu kwini valu si kane. Kwini lasu la makakaai ngulralringavane.

1 Samuile 14:29

Ku Yunathange amia kai, “Ku ama padrekadrekase kikai kaika mamamwa ki kakwakudhane ki umawmase! Drela, wakaneaku kai valu, la ngulralringavanengaku!