Izera 9:7 - Ngudradreadrekadhane Ka Sisiu 魯凱語聖經

⁷ Twalai ki zidai ki cucungulane nai pakela kaiasasane, kai pasalrivane nai matelrege turamuru. Ngwalai ki pasalrivane nai, kunai si talialalai nai, si labarakalai makitwa ikainga ki alrima ki talialalai ki maelane ka kuni. Kiapapacai nai, kiravase, mia ki kiaemenge kiravase, kitusinalreme kisidrekase pakilringau turamuru, pakela kaikameane lakamiyaiyana.

Izera 9:7 Iomraidhean Croise

1 Latalialalai 8:47

mialriaku kitubi muswane kilalra ku inulri ki kawkawlusu. Luiyasi kwini lalasu la ikai kwini ngitatupela, la papia muswane si kitubi, ngipapelaela ka pasalriu, ka ngialisiane turamuru, Tamatama, kiatubiaku kilalra ku inulri lini.

2 Lacaili 29:6

Ku cucungulaneta kai twakucingalre ki Tamatama ka Twaumaseta, paiya ku ngialisiane lu drele ku Tamatama, la cilri iniane, kai thengetenga ku taikaikaiyaneini.

2 Lacaili 30:7

Madha twalralrau ki cucungulane numi si sakacekele numi, kudra kai savaeva ku kidremedreme papia ki Tamatama ka Twaumase lini. Mia kwi tadrelane numi, ku Tamatama pakialringau pathavungu liniane.

2 Lacaili 34:24

la malra kwini vaga ki Tamatama si pelaela ki talialalai iya kai, “Lri singikaiyaku kwini kilalra ki talialalai kwini tapacasane kwini ki hungu ka sapuswane pathavungu ki Yerusalrime si mapapangale makanaelre.

Izera 9:13

Ku Twaumase nai! Adravane kudra wamwa naiane sanaka maneemane ngwalai ki pasalrivane nai, wathingale nai, ku sapathavunganesu naiane bebekeelane ki naika atarumarane nai; la papanianiakeanasu naiane.

Nihimi 9:30

Luka caicaili kiaadilisu pakipapawlringau liniane. Pangwakaisu ki Risu kandusu ki yuginsia si papia liniane kawriva, ai Ku kawkawlusu macele ku calringa, ngwalai kwini la dawlusu ki drumane ka kuni kela rathudu liniane.

Isaiya 64:4

Kadrwana ku umawmase ku wadrele ku kialalra ku miyaiya muswane ka Twaumase. Kadrwa ku drumane ku twaumase ku napasiakai ki mauawngu iniane ku umawmase pia ku madrau ka awngane.

Yerimia 25:18

Wabaadhaku ki caceekele Yerusalrime, ki lacaceekele ki swa Yuda, adravane ka latalialalai si tabebelenge lini waungulu makanaelre kai ki bava, si kamaninga kwidra kiatulililisi, kiacilri, kiapusu ki palrapalra. (Kaikameane thadalraneana ku tangimiamiane.)

Yerimia 3:25

Naika arakaita ku matinwanane tutapeapecane, arakai ku kiarubwanane tucawbu. Kuta si cucungulaneta kaita watelrai pasalriu ki Tamatama ka Twaumaseta; kaita kialalralalra si paluludu ku drekaseini.”

Yerimia 32:23

Ai kwi lalasu sa kainganai mudaane, si malranga kikai kadaengane, kai pasalaladhanga ku drekasesu, kai pangiamianga ku sabulwanesu. Ku drekasesu pia kwini iya liniane, kwi lalasu kai paiya patuelre, lakamani ku pakipadradresengesu liniane ku maadrau ku amatikurwane.

Yerimia 32:32

asi lwiyane kai laumawmase ki swa Yuda si Yerusalrime, adravane ka latalialalai lini, latarasangililuku, labarakalai, layuginsia paiya ku ngialisiane makanaelre.

Yerimia 44:22

Kaikameane, kwi kadaengane numi lri aubulane, ka kadrwa ku umawmase ku yakaikai, amaninga kwidra nikakiwcane nipuswane ki laumawmase, kikai amani sa kai maka beserenga ku Tamatama ki ngangane numi.

Yerimia 44:9

Marimurunga numi ki cucungulane numi, talialalai ki swa Yuda si taelrelre ki talialalai, si kunumi si taelrelre numi sa ikai ki lacekele Yuda si madrau tikiane ki lakadalranane cekele Yerusalrime kudra tapiane ku langialisiane?

Silringau 5:7

Ku cucungulane nai pasalriu, kaiasasane la kai ikainga, la ngwalailringa nai ku pasalrivane lini si kipakwalrialri.

Izikile 11:9

Lri ilukaku numiane mulatadre ki cekele, si baai numiane ki maelane ka cekele. Twa akipapacadhanenga naku numiane.

Izikile 39:23

Ku lakuni lri pulringawnga kai swa Iseraylri aka ngwalai ku tapasalrivane nakwane si kipakatwase. Wacilriaku liniane, si kai sirapale liniane, la paamaki liniane ku badha, papacai liniane.

Taasipane 32:14

Kikai la kamaninga numi ku mwa balrithi ki cucungulane numi, ka amaninga ku pasalriu ka zidai ka umawmase, lri peelanga pakalisi ki Tamatama ki swa Iseraylri.

1 Samuile 12:15

Ai, kunumi alaiyasi kai numi kilalra ki Tamatama, kai paluludu ku padradrekaseini, lri kiecebe numiane si talialalai numi.