Izera 9:1 - Ngudradreadrekadhane Ka Sisiu 魯凱語聖經

¹ Sangilribatenga kikai, yakai ku latarasangililuku ki swa Iseraylri la kela pelaela nakwane, ku mapapangale ki swa Iseraylri, barakalai, si swa Lrivi, kai kiarimu kidaili ki pasiagisi lini ka kuni ka swa Kanange, swa Hite, swa Perizi, swa Yebuse, swa Amune, swa Muabe, swa Izipiti, swa Amuri. Kwini lalasu kiarimulringa twalralrau kwini ki laumawmase, piapia ku ngialisiane ku kakudhane.

Izera 9:1 Iomraidhean Croise

Tabekacane 15:16

Luka sakasupatenga ku mwabaibalrithi, ku lagaganesu ala lri maka dulru siwlriwlri mwa kikai; asi lwiyane lri mukalavaku lu suetenga ku pasalrivane ki swa Amuri, si kaika apikakwakwanenga kai pathavungu, ala lri pakatwasaku liniane.”

1 Latalialalai 11:1

Ku Sulumungu takalra ku kadalameini ku badhanane ka labaibai. Kai ka kathane ku lalake ki talialalai ki swa Izipiti, marudrange mwa ki ababai ka swa Hite si swa Muabe, si swa Amune, swa Idume si ababai ki swa Sidune.

2 Lacaili 33:2

Ku Manase paiya ku ngialisiane lu drele ku Tamatama, twalralrau ku ngilisianane ku kakwakudhane ki pakatwase ki Tamatama ka sakwa ikai kwini ka laumawmase sa papiapia kavai ku kawkawluini.

2 Lacaili 8:7

Ku Sulumungu la vwavutha dawlu kwini ki mwabaibalrithi ki swa Kanange tutarakauawngu, kwini lalasu amani kwidra kai kiapapacai sa drikidrikisi kai kadaengane kai ku swa Iseraylri, paelre ki: Hite, Amuri, Perizi, Hivi si Yebuse ka laumawmase. Kwini mwabaibalrithi liniane pakela kikai thadaalraneana kituduri.

Izera 10:2

Ku swakai ki zuku ki Ilame ka lalake ki Yehile ka Sekania la kawriva ki Izera, “Wamwa nai karudrange ki labaibai ki maelane ka zuku, kai nai savaeva ku kidremedreme papia ki Twaumase nai; adravane ka ngimiyaiya kikai, kai swa Iseraylri yakaiyana ku sidramane.

Nihimi 13:23

Ikai kwini ki lavai, la dreleana naku ku tapangale ku swa Yuda ku marudrange mwa ki labaibai ki swa Asedude, Amune si swa Muabe.

Nihimi 4:3

Ku swa Amune ka Tubia la acegecege ithili iniane, la mialri tupapalra iya kai, “Lri maka dulru raedre ku ngitwatumane ku alradre? Adravane ka vaeva ka kalailalri sana dredre lri pakaburuku iniane!”

Nihimi 4:7

Ku Sanabalate si Tubia si swa Arabia si Amune, Asedude ka laumawmase sa kilalra naiane kudra tupelaela nai ku alradre ki cekele Yerusalrime lakasulialivate, si maka sawlringa cakupu kwidra natakababurukane ku alradre, la kirimu kagirimucu turamuru.

Lasenai 106:35

ngiabaalrelringa mamwamwa karudrange liniane, si twalralrau ku kakwakudhane lini.

Takatwasane Izipiti 13:5

Ku Tamatama nakiaketekete ki cucungulane numi, lri malra kwini kadaengane ki swa Kanange, swa Hite, swa Amuri, swa Hivi si swa Yebuse si baai numiane. Ku Tamatama lu pudaanenga numiane kikai mwalwalwaludru ku mireke si valu ka mathariri ka kadaengane, kunumi pikaiya ki aswalaalanga ka dramare tulrisisi kai ki lrisi.

Takatwasane Izipiti 23:23

Ku sasiakawluli belenge lri sacucubungu sangiluku muswane, sangiluku mudaane kwini ki kadaengane ki swa Amuri, swa Hite, swa Perizi, swa Kanange, swa Hivi si swa Yebuse, si lri amudaku liniane.

Takatwasane Izipiti 33:16

Alaiyasi la kaisu tupalra naiane, aneane kulri thingale nakwane si kawkawlusu ka yacucubungu muswane kikilibake? Ku tatapalranesu yakai ku tamakakaelane nai ki drumane ka minzuku.”

Isaiya 52:11

Katwasa, kirarimwa katwase Babilunia! Ku wangeale ku lalawbubulu ki daane ki Tamatama ku laumawmase, madha pungupungupungu ki kaika mabula ku lamanemane; lu katwase numi katakabulana.

Yerimia 26:10

Ku latabebelenge ki swa Yuda sa kilalra kikai twalai ki daane ki talialalai kainganai mwa ki daane ki Tamatama, la ikai ki “Bavane ka lrawlrawdru” saibange.

Yerimia 26:16

Ku tabebelenge si laumawmase ala iya kai ki labarakalai si layuginsia, “Kai umawmase kai pangwakai ku nagane ki Tamatama papia mitane kawriva, kai lri kipapacai.”

Lrivi 18:3

Nayakai numi Izipiti, ai kunumi madha tupapapalra ku kakudhane ki swakai kwini. Lri sangilukaku numiane mudaane Kanange.

Malaki 2:11

Ku swa Yuda mabebetethe ku takiketeketane lini ki Twaumase, si la ikai Yerusalrime ikai kai ki kuni sanaka inunga pia ku taingeane ku matiukukuludru. Kwi lalasu wakudrulru ki kadalame ki Tamatama ka daane, la mwa karudrange ki wasukusukubu ki latwaumase ki maelane ka zuku ka labaibai.

Taasipane 23:9

Twaladhaku alrisapesape drele liniane; Twaladhaku ki lrelrelrege drele liniane. Kwini lalasu amani ku mwakalrivili ka vaeva ka kuni; Kwini lalasu makisubulrubulrubulru ki drumane ka kuni.

Taasipane 25:6

Yakai ku tangea ku swa Iseraylri pia cucubungu ki Musi si mapapangale, mailuku ku tangea ku ababai ki swa Midiange mudaane ki balrawbau; ikai kwini, kwini lalasu yacengecenge ikai lrawlrawdru ki Alrivilrivi ka balrawbau ki Tamatama makitu tubitubi.

Tapelane Drekase 18:9

“Kunumi lu mudaanenga numi kwini ki abaadhane numiane ki Tamatama ka Twaumase numi ka kadaengane, maadha tupapapalra kwini kakudhane ki sakamaelanane ka minzuku kwini ngialisiane ka kakudhane.

Tapelane Drekase 23:8

Kikai laumawmase kudra sakatulru ki zidai ku mwabaibalrithi lini lri dulrunga maka kipaelre ki tairuburubwane ki Tamatama.”

Tapelane Drekase 7:1

“Ku Tamatama ka Twaumase numi lri sangiluku numiane mudaane kwini ki adrikisane numi ka kadaengane; lri pakatwase kwidra ki taikalra ka laminzuku. Lu aru cucubungu numi, lri pakatwase ku taipitu ku sapupukwane numiane ka minzuku, amani kwini swa Hite, Giregasi, Amuri, Kanange, Perizi, Hivi si Yebuse.

Yesua 23:12

Lwiyasi la kai numi tukucingalre iniane, la mwa numi maibu kwini ki yakai numiane ka maelane ka zuku, si mathaethareve liniane,