Izera 7:8 - Ngudradreadrekadhane Ka Sisiu 魯凱語聖經

^8-9 Kwini lalasu sakatwatwase Babilunia amani saka aswalalanga ki dramare ki aswalalanga ka vai; ngwalai ku takiparalubane ki Twaumase, kwini lalasu saka dramare ki mwasakalrima ki aswalalanga ki vai la daruru Yerusalrime.

Izera 7:8 Iomraidhean Croise

Izera 10:9

Kwini ki nimaka tulrulane, kwini ki mwasaka bangate ki dramare ki mapusale ki vai, sanaka yakai Yuda si Biniyamingi ku umawmase la makitu kelanga Yerusalrime, isarubu ikai ki kalatadrane ki daane ki Twaumase. Kwini ki vai, la tarwadrau ku udale, ngwalai ki udale si tinukucingalrane ki aisarubwane, ku laumawmase makitwa manugiligiligili.

Izera 7:7

Saka tarapitu ka caili ku taatinuhikane ki Aretasise, ku Izera si la twaredelane ka swa Iseraylri twalai Babilunia katwase siwlri mwa Yerusalrime. Kikai lasakaredele paelre ki barakalai, swa Lrivi, tarasenai ikai ki daane ki Twaumase, tarakadrenge ki daane ki Twaumase si tarakawaungu.

Izera 8:32

Sa darurunga nai Yerusalrime, la isadra nai makatulrulu.

Izera 9:9

Naduri nai, ai kaisu ka tapaaduriane naiane. La malrasu ki swakai Perisia ki latinuhika si tuthariri sirapale naiane, palraingi naiane panianiake, si maka dulrwana tupela kudra maburukunga ka daane ki Twaumase, la maka dulru nai ikai Yuda si Yerusalrime kidringai ku akasulivalivatane.

Isetire 2:16

Saka tarapitu ka caili si mangeale ka dramare ku takatalialaladhane ki Ahasueruse, amani saka dramare ka Tibithe, ku Isetire la kiluku mwa ki daane ki talialalai.

Daniele 9:25

Thingala, si pulringalringau: Twalai ku tapelaelane ka drekase ku lrika atupelane ngiradhekane ki Yerusalrime pakeela ku tapilriane si mutaluvaivai ku tarasangililuku, ikai kwini ku angilribatane lri ka pitu ku pitu ka caili. Lri tupela tucekele Yerusalrime, yakai ku kadalranane ki cekele si makecenge ka kepale; lri kakeecenge ku 62 ka pitu ka caili, ai kwini amani ku lrika akwalriane.