Izera 7:6 - Ngudradreadrekadhane Ka Sisiu 魯凱語聖經

⁶ Ku Izera amani kudra makalra turamuru ku thingaleini ku kibulruini, makapwalringalringau turamuru kudra baai ki Tamatama ka Twaumase ki swa Iseraylri ki Musi kudra hulrice. Asi lwiyane ku Tamatama ka Twaumaseini swabulrubulru ki Izera, kudra kitutubi ki Izera ki tinuhika sanaka manemanenga, ku tinuhika palraingi iniane.

Izera 7:6 Iomraidhean Croise

Tabekacane 32:28

Kwini umawmase la iyanga kai, “Twalainga kai, kaisu lri si Yakubunga. Maulucusu ki Twaumase si umawmase, la taraakacisu, lakamani kwini naganesu lri pabalrithi si Iseraylri.”

Izera 5:5

Ai ku Twaumase wadrangalrungalru ki lamarudrange ki swa Yuda; kwini lakiacapicapili ki Perisia la karathudu ku mwakalava kudra sapelaelane lini ki tinuhika ka Dariuse, lu tarumaranga ku sapatubalreane ala lri kirimu ngivelevele.

Izera 6:22

Kwini lalasu kiararagai tulrisisi kai ki Tamwalrane ku sapawsemakane ka lrisi, makapitulu ku vai. Kwini lalasu swaeteane ku sakiararagai; asi lwiyane ku Tamatama wamalra ki tinuhika ki swa Asiria makakadawdalru liniane, la paralubu liniane tupela tudaane ku daane ki Twaumase ki swa Iseraylri.

Izera 7:21

“Wadrekasaku pakanaelre ki kumuingi ka taramarasikai ki paisu ikai ki swa Sapakalriwgu kadravane ka siu, pakirarimu baai patarumara kai ki pwalringalringau ki hulrice ki yabelenge ka Twaumase ka tarakinkinkiu ka barakalai ka Izera kudra sanaka murikaini singibila ku lamanemane;

Izera 7:28

Ku migemi ki Twaumase amani ku pakiakadalame nakwane ki tinuhika, ki taradrekaseini, si yakai ku puku ka lakumuingi ku taralubane lini. Ku Tamatama ka Twaumaseli patarwamara nakwane ku garangane, la dulrwaku sarubu ki lakiacapicapili ki lazuku ki swa Iseraylri si dulru tupapalra nakwane siwlri.”

Izera 7:5

ku Buki lalake ki Abisua, ku Abisua lalake ki Pinehase, ku Pinehase lalake ki Ilriazare, ku Ilriazare lalake ki Arungu.

Izera 8:1

Kikai lebe amani saka tinuhika ku Aretasise, kudra twapapalra nakwane ka Izera karededele twalai Babilunia siwlri mwa Yerusalrime kudra lanagane ki kiacapili ki lazuku, kudra retesane lini miyaiya kai:

Izera 8:18

Ngwalai ku thalradhane ki Twaumase la paralubu naiane, kwini lalasu la pakela naiane ku malrigili kagarange ka Serebia. Kwini lasu swakai ki zuku ki Maheli ka swa Lrivi; ku lalakeini si labetakaneini ka ta 18 twapapalra iniane kela.

Izera 8:22

Lu kidredremaku, lu kitubiane ki tinuhika ku taingeane ku tarakikaruburu ku ngwarigi palakebe ki kadalranane nai palakebe naiane, ku kaika akikaruburane naiane ki badha yai, matialrumale turamuru; asi lwiyane naamiaku kai ki tinuhika, ku Twaumase nai lri subulrubulru sanaka swadralru iniane ka umawmase, ai kudra wacilri iniane, lri kalisi si pathavungu.

Izera 8:31

Ikai ki aswalaalanga ka dramare ki mwasaka 12 ki vai, la katwasenga nai kadravane Ahava, papia Yerusalrime. Ku Twaumase nai watapalra naiane, palakebe naiane ikai kadadalranane si kai kitulisi ki badha si walepenge naiane.

Nihimi 12:26

Kikai laumawmase amani saka zidai ki agane ki Yuzadake ka lalake ki Yesua ka Yuiakime, ikai kwini mialri ka zidai ki siwciu ka Nihimi, ka zidai ki tarakinkiu ki hulrice ka Izera.

Nihimi 12:36

Ku lrilrikudruini amani kudra swakai ki zukuini: Simaia, Azarele, Milalai, Gilalai, Maai, Nathaniele, Yuda si Hanani. Kwini lalasu makitwa malra kudra arakaikai patungutungu ki umawmase ki Twaumase ka talialalai ka Davidi. Ku tarakinkiu ki hulrice ka Izera la mailuku kikai ki sakaredele papucucubungu.

Nihimi 2:12

la kainaku pelaela kinaneanenga kudra anipia kwini Yerusalrime iyaiya ki Twaumase nakwane. Saka samakatulrulu ki kabiceacelrakane la ngidrakalaku, mailuku ku tapia kudra papalrali mulatadre si katwase. Kudra mailuku nai ku nilapulapwane kathane kudra ngurigili ka ruba.

Nihimi 2:18

Peaelaelaku liniane, ku tapangimiane tapalra nakwane ki Twaumase, ku taparalubane nakwane, si pelaela liniane ku takawrivane nakwane ki tinuhika. Kwini lalasu la iya kai, “Ala tapathagilinga tupela tucekele!” Kwini lalasu la makapadulrunga, lri pathagilinga kikai mathariri ka awngane.

Nihimi 2:8

La mialri kiatubiaku ku taingeane ku sapelaelane baai ki tarakadrenge ki angatungatu ki tinuhika ka Asape, kitubi iniane ku apatarumarane ku angatu, ku sapudriadringadhane ki lrawlrawdru ki kepale ki tasukusukubane, alradre ki cekele. Si arakaiyane ki daaneli. Ngwalai ku tatapalrane nakwane ki Twaumase, kudra la kitubili, ku tinuhika la patarumara nakwane.

Nihimi 4:15

Ku badha nai sa kilalra ala ka wathingalenga nai kudra kidremedreme, ku apangimiane lini, la pulringaunga ku Twaumase ka mabebetethenga kudra kikaikake lini. Lakamani kudra katwasenga nai siwlri mwa kudra ki tasakaiyane nai, pacungulu kudra atupelane ku alradre ki cekele.

Nihimi 8:1

Saka dramare kwini ki aswalaalanga ka vai, kwi lalasu maramaraamau ku kidremedreme si isarubu ikai Yerusalrime, ikai ki kalatadrane ki Acilai ka lrawlrawdru. Wadawlu ki tarakinkinkiu ki Sisiu ka barakalai ka Izera iluku ku hulrice ka hungu kela; kikai hulrice amani kwidra pangukai ki Musi ki Tamatama si baai ki swa Iseraylri.

Nihimi 8:13

Saka samakapusale, ku tamatama ki lazuku si barakalai si swa Lrivi yasarubu mwa ki Izera kinkinkiu kudra sabulrwane ki hulrice.

Nihimi 8:4

Ku Izera la acegecege ikai kwidra ki nipawkalrivilane pasikai kikai si ka niarakaiyane ku angatu darepe ka dai. Ku tali vanaleini yakai acegecege ku Matatia, Sema, Anaia, Uria si Masia, ku sa viri iniane acegecege Pidaia, Misaele, Malekia, Hasume, Habadana, Zakaria si Misulame.

Nihimi 8:9

Ku mapapangale sa kilalranga kudra kelrete ki hulrice, la makitu kikandu ku kidremedreme lini si tubi. Ku siwciu ka Nihimi, barakalai ka Izera, si swaceacenge ki hulrice ka swa Lrivi la pelaela ki mapapangale, “Kaikameane amani ku sanianiangenga ka vai ki Tamatama numi, kunumi madha kwalri kidremedreme si tubi.

Nihimi 9:13

Twalaisu belenge mulebe mwa lregelrege Sinai, si kawriva ki kawkawlusu. Wabaaisu liniane ku madringelrese ku tinukakudhanane ka hulrice, matiasudralru ka sabulrwane si padradrekase.

Lasenai 109:27

Ani thingale ku labadhali, ala ka amanisu kudra palribulu nakwane.

Lasenai 147:19

Ku vagaini wabaai ki Yakubu, ku sabulrwaneini si hulrice wabaai ki swa Iseraylri.

Lasenai 45:1

Kai kidremedremeli waberai ku mathariri ku vaga, la pasikai ki talialalai silrigu ku senai; kai lridameli mia ki taratuhunguhungu kalalruai ku sapacasane.

Lasenai 80:18

Kai nai lri kidaili lrilrikudrunga muswane lutumane; lu papanianiakesu naiane, lri drengedrengere nai muswane.

Kavagavagane 3:6

Adravane lu tumanane, singikaiya ku takidremedremane ki Tamatama, lri pelaela muswane ngukakai ki mwalecege ka kadalranane.

Isaiya 50:2

Lu kelaku palribulu, ani kakadrua ku umawmase? Lu dawlaku, ani kakadrua ku twabalrebalre? Twaramuraku si kai maka dulru palribulu? Lu drekasaku, mameale kai laveke; paaenaenadhaku ki kadravane, ku kange la ngwalai ku takakadrwane ku acilai si pacai.

Isaiya 59:1

Madha iyaiya kai, ku Tamatama kai lri dulru palribulu numiane, ka macele si kailri maka kilalra ku kitubi numi iya.

Yerimia 8:8

Anu maka dulru ngitatumalrigili, ngitatuwathingale ki hulriceli? Ku patengatengane, kai hulrice kiatupela ki matavuvulrucu ka tarabulrubulru ki Sisiu.

Matai 13:52

Ku Yesu la iya kai, “Lu ngimiya kwini, lu asitu ki kuni subelebelenge makanaelre ku tarabulrubulru ki Sisiu, ngimiyaiya ki tamatama ki tacekecekelane, ka patwalai ki drawsuluini malra salri ku bavane si supilri ka lamanemane.”

Matai 23:2

“Kai tarabulrubulru ki Sisiu si swa Palrisai acegecege ikai ki taikaiyane ki Musi si lalrwai ki hulrice,

Matai 28:20

si bulru liniane ku apaluludane ku baaili numiane sanaka padradrekaseli. Pulringava! Lrika tatapalraaneli numiane, pakeela ku talikaiyane kai kawmasane.”

1 Kurintu 1:20

Lu mia kwini, ku malrigili ku umawmase yainu? Ku ngiathingale ku umawmase yainu? Kudra malrigili kidrikisi ku vaga ki kawmasane yainu? Ku Twaumase wamalranga pakakukulrungu kai lrigilane kawmasane!

1 Kurintu 15:1

Laretesane, ani pulringalringau amiaku numiane ku pelaelali ku paswalala ku hukuingi, kikai hukuingi tarwamaranga numi, si arakai iniane tukarwalai ki salrwane.

Tapelane Drekase 28:1

“Lwiyasi kunumi la kilalra numi ki Tamatama ka Twaumase numi, kapatengatengane pasusu kikai baaili pelaela numiane kikai padradrekase patuelre, lri pasapukwane numiane ka mararakace ki sanaka kuni.

Tapelane Drekase 4:5

“Pasuswaku ku drekase ki Tamatama ka Twaumaseli, si malra nguelre ku tinukakudhanane si lanikelretane si bulru numiane; ikai numi ki lrika adrikisane numi ka kadaengane tara pasusua.