Izera 7:5 - Ngudradreadrekadhane Ka Sisiu 魯凱語聖經

⁵ ku Buki lalake ki Abisua, ku Abisua lalake ki Pinehase, ku Pinehase lalake ki Ilriazare, ku Ilriazare lalake ki Arungu.

Izera 7:5 Iomraidhean Croise

1 Lacaili 6:4

Ku lamwabaibalrithi ki Ilriazare lu ngukai ki tama: Pinehase, Abisua,

2 Lacaili 19:11

Ku abebeelengenga ki barakalai ka Amaria amani ku sabebeelengenga ku puku kudra ngwakai ki takisuswane; ku siwciu ki swa Yuda, ka lalake ki Isemaele ka Zebadia amani ku sabebelengenga ku puku saibange ki ngwakai ki tamapasalrisalrivane ki mapapangale. Ku swa Lrivi lri tara kicapili kadrenge ku apangimiane saibange ikai ki tasaibaibangane. Kunumi tara kagaranga pasusu kikai la tapelaelane. Ku Tamatama ani tapalra ki mathariri ka umawmase.”

2 Lacaili 26:20

Ku madradrawnga ki barakalai ka Azaria si drumane ka barakalai la makitu asasamaliane drele kwini punu ki talialalai. Kwini lasu la pakisamula iniane katwase ki daane ki Twaumase, asi lwiyane ku Tamatama pathavuthavungunga iniane.

Izera 7:4

ku Meraiuthe lalake ki Zirahia, ku Zirahia lalake ki Uzi, ku Uzi lalake ki Buki,

Izera 7:6

Ku Izera amani kudra makalra turamuru ku thingaleini ku kibulruini, makapwalringalringau turamuru kudra baai ki Tamatama ka Twaumase ki swa Iseraylri ki Musi kudra hulrice. Asi lwiyane ku Tamatama ka Twaumaseini swabulrubulru ki Izera, kudra kitutubi ki Izera ki tinuhika sanaka manemanenga, ku tinuhika palraingi iniane.

Takatwasane Izipiti 6:25

Ku lalake ki Arungu ka Ilriazare marudrange mwa ki lalake ki Putile; twalalake ki Pinehase. Kilakikai patuelre amani ku tamatama ki ladadaanane ki lamaretetese si ladadaanane ki zuku ki Lrivi.

Lrivi 10:12

Ku Musi la pelaela ki Arungu si kwini asurwana ka tadrusa ka lalakeini ka Ilriazare si Ithamare, “Kunumi arakaiya kwini tedrane ku nilamane patarumara ki Tamatama ka Taleke ka lrisi tu kaika nipawsemakane ka pange, la ithili ki tapatarumaramarane kane, asi lwiyane kikai sapatarumarane tinusaniange turamuru.

Lrivi 10:16

Ku Musi la kivavaga kwini ki Balrithane ki pasalrivane ka lrisi, ka balase ka kiu, la drele ka kialamanga. La kaelaela ki Ilriazare si Ithamare, si kivaga liniane,

Lrivi 10:6

Ku Musi la pelaela ki Arungu si lalalakeini ka Ilriazare si Ithamare, “Kunumi madha pangipurugucu ku isiu, la madha thuriariace ku laimai, pathingale ala ka malremelreme numi. Lu pia numi kwini, lri tara paacai numi; ku Tamatama la lri kaelaela papia ki mapapangale. Ai, kunumi ka swa Iseraylri makanaelre lri dulru numi tubi ngwalai ku tapulebeane ku apwi ki Tamatama papacai.

Taasipane 27:2

Kwini talrima ka lalalake ki Zelupehade wamwa ki lrawlrawdru ki Alrivilrivi ka balrawbau ki Tamatama, si acegecege icucubungu ki Musi si barakalai ka Ilriazare si latara masangililuku ki mapapangale, la kawriva liniane,

Taasipane 3:32

Ku tamatama ki swa Lrivi amani ku lalake ki Arungu ka Ilriazare; lri kicapili kwini ki sanaka kiapuawawngane marasikai kai ki Alrivilrivi ka taikaikaiyane.

Taasipane 31:31

Ku Musi si Ilriazare pangimiya ku tadrekasane ki Tamatama piya.

Taasipane 31:54

Ku Musi si Ilriazare wamalra iluku kilakikai kingi mwa ki Alrivilrivi ka balrawbau, si kitubi ki Tamatama palakebe ki swa Iseraylri.

Taasipane 31:6

Ku Musi la paatamatama liniane kwini ki lalake ki barakalai ka Ilriazare ka Pinehase; ku Pinehase la iluku ku takaiyane ki Alrivilrivi ka taikaikaiyane si sapathingalane ka rapa ka lawngu.

Hiburu 5:4

Kadrwa ku umawmase ku ngiamamalra ku niwsakenane ka taetalane ki abebeelengenga ki barakalai. Kathaane ku pilri ki Twaumase ka lri dulru kaamani ku abebeelengenga ka barakalai, mia ki Arungu.

Yesua 14:1

Kikai lebe amani ku tangimiamiane ku tapavalavalane ku kadaengane ka Kanange si pasi cungulu ki swa Iseraylri tali kadravane Yuredange sapakalriwgu. Ku barakalai ka Ilriazare si lalake ki Nunge ka Yesua, si lakiacapili ki lazuku ki swa Iseraylri wamalra kikai kadaengane si pavavala ki mapapangale.

Yesua 22:13

Ku swa Iseraylri siakawlu ki barakalai ka Ilriazare ka lalake ki Pinehase, mwa ka Gileade kikawriva ki zuku ki Riwbingi, Gade si swa tali talrawane ki Manase;

Yesua 22:31

Ku lalake ki barakalai ka Ilriazare ka Pinehase la kawriva liniane, “Kikai wathingalenga nai, ku Tamatama watapalra naiane; kunumi kai numi wabalre iniane. Lakamani kikai, kunumi palribulunga numi ki swa Iseraylri, lakai kipathavungunga ki Tamatama.”

Yesua 24:33

Ku lalake ki Arungu ka Ilriazare la mialri pacai, la dralreke pikai Gibia, kamani kwidra kibaai ki lalakeini ka Pinehase kavai lrelrelrege ka tali lregelrege ka Iparaime.