Izera 7:12 - Ngudradreadrekadhane Ka Sisiu 魯凱語聖經

¹² “Kunaku ka Aretasise, talialalai ki sanaka talialalai, wabadhaku muswane ka maka pwalringalringau kudra hulrice ki yabelenge ka Twaumase ka tarakinkiu ki Sisiu ka Izera ka barakalai,

Izera 7:12 Iomraidhean Croise

1 Latalialalai 20:1

Ku talialalai ki swa Siria ka Bine Hadade wadawlu ki lakwapingini makanaelre, sangiluku kwini salelebe iniane ka latalialalai ku ta 32 si sakikaruburuburane ka lapalridingi lini, sakikaruburane ka rigi katwase kikaruburu, mwa lringulu ki swa Samaria.

1 Latalialalai 4:24

Ku Sulumungu warathudu sanaka kadaengane ki tali sapakalriwgu kavai kadravane Yuparati, twalai Tipesa kavai Yuparati daruru cekele Gaza ki sakaikainga sapakalriwgu. Sanaka talialalai ki swa tali sapakalriwgu ka kadravane Yuparati makitwa pasalaladhanga iniane; la mialri makadawdalru ki la ngwadadethe ka lakuni.

Izera 1:2

Kikai yai amani ku drekase ki tinuhika ki swa Perisia ka Sairuse: Ku Tamatama ka yabelenge ka Twaumase wabaai nakwane ku arathudaneli kai kawmasane; pakamani nakwane ku yakai Yerusalrime ka Yuda pasikai iniane cegecege ku taluvaale ku daane ki Twaumase.

Izera 4:17

Ku tinuhika ku sapatubalreaneini miyaiya kai: “Siwciu ka Rihume si tarapacapacase ka Simesai si lakiacapili ikai cekele ki swa Samaria si swa tali Sapakalriwgu kadravane ka siu sabau:

Izera 7:1

Sakawlainga ku caili, saka tinuhika ku Aretasise ki swa Perisia, ku Izera twalai Babilunia siwlri. Ku cucungulaneini wadulru madu dungudungu pakela ki abebeelengenga ki barakalai ka Arungu; ku tamaretetesaneini miyaiya kikai: Ku Izera lalake ki Seraia, ku Seraia lalake ki Azaria, ku Azaria lalake ki Hilekia,

Izera 7:11

Ku tinuhika ka Aretasise wamalra kikai lanipacasane baai ki Izera; ku Izera barakalai si ka tarakinkiu ki Sisiu, makapwalringalringau thingale kwini baai ki Tamatama ki swa Iseraylri ka padradrekase si hulrice.

Izera 7:6

Ku Izera amani kudra makalra turamuru ku thingaleini ku kibulruini, makapwalringalringau turamuru kudra baai ki Tamatama ka Twaumase ki swa Iseraylri ki Musi kudra hulrice. Asi lwiyane ku Tamatama ka Twaumaseini swabulrubulru ki Izera, kudra kitutubi ki Izera ki tinuhika sanaka manemanenga, ku tinuhika palraingi iniane.

Isaiya 10:8

Wadradrarane iya kai, “Kai latamatama ki lakwapingili lri dulru atalialalai ki kuni makanaelre!

Izikile 26:7

Ku abebeelengenga ka Tamatama amia kai, “Lri dawlaku ki madradraunga ki kawmasane ka talialalai ki kuni, Nibukadenezere ka talialalai ki swa Babilunia lri kainganai kikaruburu ki swa Tayre. Kwi lasu lri sangililuku ki maadrau ka kwapingi twalai tali dradha kainganai, yakai ku kwapingi ka rigi, sakikaruburuburane ka palridingi, tarangurigirigi ka kwapingi.

Daniele 2:37

Talialalai, ikaisu ki sanaka talialalai sanianiangengasu ka talialalai. Ku yabelenge ka Twaumase wacegecege muswane paatalialalai, la patarumara muswane ku lrekeme, ku puku, ku lrigu.

Daniele 2:47

Ku talialalai amia kai, “Amani sa lalrwaisu kikai kaika athingalane ka matiasamaimali, wathingalaku ki Twaumasesu ka sanianiangenga ki latwaumase, Tamatama ki sanaka talialalai, padrele ku kaika athingalane ka matiasamaimali ki Twaumase.”

1 Timuthi 6:15

Ku Twaumase lri ikai kudra ki tautakelananenga ka vai si paathingalane iniane, ku Twaumase yai lri kidrengedrengere, tangeangea ka Twaumase, talialalai ki sanaka talialalai, Tamatama ki sanaka tamataama.

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 19:16

Ikai ki laimaini si drapaleini wapacase ku nagane iya kai, “Talialalai ki sanaka talialalai, Tamatama ki sanaka tamatama.”