Izera 5:11 - Ngudradreadrekadhane Ka Sisiu 魯凱語聖經

¹¹ “Kwini lalasu la tubalre, ‘Kunai amani nai kwidra lasasiakawlu ki tamatama ki yakawmasane ka Twaumase. Kikai twapelaela nai pudriadriadringai kai daane ki Twaumase amani kwidra sakasidrumane ikai ki swa Iseraylri kudra tangea ka sapukwane ka talialalai ka twadaane ka pangiaragelane.

Izera 5:11 Iomraidhean Croise

Tabekacane 24:3

Papia ki Tamatama ka Twaumase ki swa subelebelenge si kawmasane kiketekete, madha ikaikai kai Kanange silape ku lrika taelrelre ki lalakeli;

1 Latalialalai 6:38

Ku taatalialaladhane ki Sulumungu saka tara 11 ka caili si valru ka dramare, amani kudra Bule ka dramare, kwini daane ki Twaumase pangialrau ku takikakane ka apangimiane tulrepenge tudaane. Ku Sulumungu arakai ku nitarapitwane ka caili ala patulrepenge kwini tatudaanane ku daane ki Twaumase.

1 Latalialalai 9:10

Ku Sulumungu taramapusale ka caili tudaane ku daane ki Twaumase si daane ki talialalai.

Izera 5:10

La malra nai patwalai liniane kudra lanagane lini, ala kamani ku makapelaela nai muswane ka tinuhika, luka aneane kudra wasangililuku kai ki awngane.

Lasenai 119:46

Lri papiaku ki latalialalai pelaela ku ladrekasesu, kainaku lri ngwalai kai si kainu kalrumale.

Lasenai 136:26

Kiaseasena ki Twaumase ka yabelenge; ku sakialibakeini lri ikai palralrawthu.

Daniele 3:26

Kwi Nibukadenezere la katwase aru dethe kwini ki madralrangedrange ka lrawlrawdru ki talamalamane ki nitudilrungane, ala akwadrau tawtau, “Saderake! Misake! Abidenigu! Ka lasasiakawlu ki Abebeelengenga ka Twaumase, bwala mulatadra!” Kwi lalasu la makakaai twalai ki apwi kainganai.

Yuna 1:9

Ku Yuna la tubalre iya kai, “Swa Hiburuaku. Mwasakenaku si mukuludru ki Tamatama, ka yasubelebelenge ka Twaumase, amani ku Twaumase ka wabekace ki laveke si kadaengane.”

Matai 10:32

“Kudra yacucubungu ki umawmase si wathingalaku iya nakwane, lri icucubungaku ki Tama ka yabelenge mialriaku wathingalaku iniane iya.

Luka 12:8

“Nau pelaela numiane, sanaka yacucubungu ki umawmase si wathingalaku iya nakwane, ku Lalake ki Umawmase lri icucubungu ki sasiakawlu belenge ki Twaumase lri mialri wathingalaku iniane iya;

Nisikawlane 27:23

Asi lwiyane kudra kisususuli, ka sukusukubuli ka Twaumase, ku maungu siakawlu ki sasiakawluini belenge si iya kai nakwane,

Ruma 1:16

Kainaku ngwakai ki hukuingi si kainu kalrumale; kikai hukuingi puku ki Twaumase, ka lri palribulu ki sanaka masalru ka umawmase, lri paswala ki swa Yuda, ala lrika sakamaelanane ka umawmase.

Ruma 6:16

Lri tara thingale numi, lu aduri numi ki umawmase si pasalaladha ki tawki, amaninga numi ku duri iniane. Kikai amia kai, lu aduri numi ki pasalrivane, ku angimiane apacadhane; lu pasalaladha numi ki Twaumase, lai kitumadringelrese numi.

Galatia 6:14

Pangukai nakwane, kainaku lri lrigu ku drumane, lri lrigwaku ku ziwzika ki Tamatamata ka Yesu Kirisitu sikakathane. Asi lwiyane, pangukai ki ziwzika, twalai ki takidremedremaneli yai, kai kawmasane kiakedrekedrenga ikai belenge ki ziwzika si pacai, papia kai ki kawmasane laka kiakedrekedrenga naku ikai belenge ki ziwzika si pacai.

Yesua 24:15

Lwiyasi kai numi palraingi marasikai iniane, ala, kaikameane tara turingaringava, ku apasikaiyane numi kipuawngane luka aneane, luka amani kwini sukusukubu ki cucungulane numi sa ikaiyana Mesuputamia ka latwaumase, luka amani kikai taikaiyane numi ka sukusukubu ki swa Amuri ka latwaumase? Ala kunaku si wacekecekeleli, lri tara kipuawngane nai ki Tamatama.”