Izera 4:3 - Ngudradreadrekadhane Ka Sisiu 魯凱語聖經

³ Ku Zerubabele, Yesua si latamatama ki zuku la pelaela liniane, “Kai nai mwarikai ku akiparalubane numiane, ku apasikaiyane ki Tamatama ka Twaumase nai tudaane ku daane ki Twaumase. Kunai lri pasusu nai ku tacunane ki tinuhika ki swa Perisia ka Sairuse ngikakamani tudaane.”

Izera 4:3 Iomraidhean Croise

2 Lacaili 36:22

Ku tinuhika ki swa Perisia ka Sairuse saka taracaili ku taatalialaladhaneini, ku Tamatama pangimia ku tapangukaiyaneini ki yuginsia ka Yerimia, pakarakace ki Sairuse pakatwase ku taingeane ku drekaseini, arakai ku pacase satedre palraelre ki kuni ki druanga. Kudra nidrekasane amia kai:

Izera 1:1

Ku tinuhika ki swa Perisia ka Sairuse saka taracaili ku taatalialaladhane, ku Tamatama pakai ku apangimiane ku pangukaini ki Yerimia ka yuginsia ku takawrivaneini sakalai, si velevele ku kidremedreme ki Sairuse pulebe kwidra sadrekasane, la pacase si pasatedre mwa kidruanga kwini ki rathuduini ka kuni. Kudra sadrekasane ku lavaga ngimiyaiya kai:

Izera 1:2

Kikai yai amani ku drekase ki tinuhika ki swa Perisia ka Sairuse: Ku Tamatama ka yabelenge ka Twaumase wabaai nakwane ku arathudaneli kai kawmasane; pakamani nakwane ku yakai Yerusalrime ka Yuda pasikai iniane cegecege ku taluvaale ku daane ki Twaumase.

Izera 1:3

Ku Twaumase ani tapalra numiane ka kawkawluini. Lri katwase numi mwa Yuda ka Yerusalrime, si tupela tudaane ku daane ki Tamatama ka Twaumase ki swa Iseraylri; amani ku lri ikai Yerusalrime kisukubu ka Twaumase.

Izera 3:8

Kwini sa siwlringa kudra mapapangale mu Yerusalrime kwini ki caili ki sakadrusa ki dramare, kwini lalasu yakai kwini ki sakwa ka taikaiyane ki daane ki Twaumase pathagili kaungu. Ku Zerubabele, Yesua si la drumane ka sakacekele, barakalai si swa Lrivi, ku patengatengane, kudra acaicali makanaelre si siwlringa mu Yerusalrime ku laumawmase kiapaelre makanaelre kikai ki awngane. Kwidra tara mapusalenga ka caili papubebelenge ka swa Lrivi la kisikawlu ka amani ku wadrangalru kikai awngane tupela tudaane ki daane ki Tamatama.

Nihimi 2:20

La tubalreaku, “Ku yabelenge ka Twaumase lri pangimia kai awngane nai. Sasiakawlu nai iniane, lri pathagilinga nai kaungu. Kai numi ka swakai kai Yerusalrime, kadrwa ku tacekecekelane numi kai Yerusalrime.”

Isaiya 44:28

Amiaku kai ki Sairuse: Atalingikaiyanaili lapu, si pia kaungu ku takidremedremaneli. Kusu drekasa ku atupelane tucekele Yerusalrime, drekase ku acegecegane ku karwalai ki daane ki Twaumase.

Isaiya 45:4

Pakamaniaku muswane kulri paralubu ki sasiakawluli ka Yakubu, paralubu ki pilrili ka swa Iseraylri. Swanaganaku kawriva muswane; kaisu wathingale nakwane, ai patarwamaraku baai muswane ku nagane.

Matai 10:16

“Dradreela! Lri sikawlaku numiane pakatwase, mia kudra ki lri kisatedre pwa ki taikaikaiyane ki tawpungu ubulane ka kiu. Kunumi yai ngialrava ki sulrau kalrigili, la ngialrau ki tavagu kasulrapele.

Yuhani 4:9

Kwini ababai la tubalre iya kai, “Kusu swa Yudasu, kwaku laka swa Samariaku ka ababai, pawngulaili asu maka iya nakwane?” (Kai swa Samaria si swa Yuda nakai mangwalatatatadre.)

Nisikawlane 8:21

Kusu ikai kikai ki awngane nai kadrwa ku drulrusu, asi lwiyane, ikai cucubungu ki Twaumase, kwini kidremedremesu kai makalecege.