Izera 4:12 - Ngudradreadrekadhane Ka Sisiu 魯凱語聖經

¹² “Anatumane la thingale amia nai muswane ka talialalai, kavai la twalai ki tarathudanesu ka talialalai ka drumane ka kadaengane kela iziu si ikai Yerusalrime ka swa Yuda yacengecenge tudadaane kavai ki mativalracevace ka wabaebalre ka cekele. Ka lalasu pathagilinga raedre ka alradre ka kepale ki cekele, lri padaalrunga si tulrepenge.

Izera 4:12 Iomraidhean Croise

2 Latalialalai 18:20

Lu kidremedremesu ku vaga sikathane lri dulru atalingikaiyane ki rarukudrane ki kwapingi si puku amiasu? Satalusu ku puku ki aneane si kidredreme ku nau balre amia nakwane?

2 Latalialalai 24:1

Sa atalialalai ku Yehuiakime, ku talialalai ki swa Babilunia ka Nibukadenezere kiakaruburu ki swa Yuda. Ku Yehuiakime la amaki iniane taratulru ka caili akawkawlu marasikaikai iniane, ala balre iniane.

2 Lacaili 36:13

Ku talialalai ka Nibukadenezere nawavutha ki Zidikia pangukai ku nagane ki Twaumase kiketekete ku asavaevane ku kidremedreme papia iniane, ai ku Zidikia wabalre iniane. Ku Zidikia makudrusulre kai mubangalre ngitatupela, kai ngiabangulu papia ki Tamatama ka Twaumase ki swa Iseraylri.

Izera 4:11

Kwini nipacasane amia kikai, “Kikai mapapangale ki swa Sapakalriwgu kadravane ka siu wasatedre baai ki tinuhika ka Aretasise.”

Izera 4:15

talialalai ala cuna ku umawmase lani balre kwidra napacase ki aswala ka talialalai. Lumia kwini lri drelesu kikai cekele ala ka amani kwidra tabaebalreane, twalai kunadruma, amani ku taraupupungu ki latalialalai si lasiwciu ki cacekele. Kikai umawmase ki swakai kai ki cekele makuciingalre rathudu. Lakamani ku kisuburu kikai cekele.

Izera 4:19

Wadrekasengaku pamwa drele, la ka tengane kwini swa Yerusalrime twalai kunadruma amani ku tarabaebaebalre ki laatalialalai; ki kavai cekele kiasuete ki abaebalreane si apakalrithavulane ka laumawmase.

Izera 5:3

Taswamasilasilange kikwini, ku siwciu ki swa tali Sapakalriwgu kadravane ka siu ka Yuparatise ka Tatenai, Sethare Buzenai si la rededelaneini la kirarimu mwa Yerusalrime, kaelaela kivavaga liniane, “Aneane kwini palraingi numiane tudaane si pudriadringai kai ki daane ki Twaumase?”

Izera 5:9

“Ani pelaela naiane kai lamarudrange amia nai, luka aneane kudra padrekadrekase liniane palraingi tupela si pudriadringai kavai daane ki Twaumase.

Nihimi 1:3

Kwini lalasu la pelaela nakwane: Kwidra laacaicali si panianianiyakeana la siwlri mubalriu ka laumawmase yacengecenge kipadradresenge ku maadrau ku kucingalrane, kiasidrekase ki ngwadadethe ki maelane ka zuku. Kwini lalasu la pelaela nakwane, ku alradre ka kepale Yerusalrime mababurukwana, ku lrawlrawdru ki cekele kaiyana pwadriadringai ku natakilamane.

Nihimi 6:6

Amia kai ku nitigamiane, “Ku Giseme peaelaela nakwane, kwini ngwadadethe ka laumawmase ku lavaga lini ka amia kai, kusu si swa Yuda pasana balrebalre, lakamani kwini tupelaela numi kwini alradre ki cekele. Kwini lasu la iyana kikai, pasana atalialalalaisu,

Isetire 3:8

Ku Hamange la pelaela ki talialalai, “Yakai ku tangeane ka minzuku ku wasarau ikai kidruanga ki kadaengane ki kuni ki talialalai. Kwini lalasu yakai ku kakwakudhane lini, ka makakaela ki drumane ka laminzuku, lakai ka miyaiya kikai kai, adravane kai hulrice ki kuni kai kiarimu pasusu. Lu pacepesu ku la miyaiya kai ku umawmase kadrwa ku akaesadhanesu ka talialalai.

Yerimia 52:3

Ku swa Yerusalrime si swa Yuda pakagirimucunga ki Tamatama, ku Tamatama la paacaicali liniane mwa ki maelane ka kuni. Ku Zidikia wabaebalrenga ki Nibukadenezere ka talialalai ki swa Babilunia,

Daniele 3:8

Sakamani kwidra, yakai kwidra la swa Babilunia ku sakai kikai si hukuku ki swa Yuda.

Daniele 9:25

Thingala, si pulringalringau: Twalai ku tapelaelane ka drekase ku lrika atupelane ngiradhekane ki Yerusalrime pakeela ku tapilriane si mutaluvaivai ku tarasangililuku, ikai kwini ku angilribatane lri ka pitu ku pitu ka caili. Lri tupela tucekele Yerusalrime, yakai ku kadalranane ki cekele si makecenge ka kepale; lri kakeecenge ku 62 ka pitu ka caili, ai kwini amani ku lrika akwalriane.

Luka 13:34

“Swa Yerusalrime, swa Yerusalrime, papacaisu ki layuginsia, la arakaisu ku lrenege papacainga ku sikawlu ki Twaumase ku nisikawlane mwa muswane kikai! Kingipialenga naku nau palribulu iya ki lalalakesu, mia ki tina ka kuka ka waalra sarubu ki lakiakiau pilebe ki sapakepake. Ai kai numi mwabangalre!

Nisikawlane 24:5

Wadrelenga nai patakulringau, kai umawmase kai, matiaukuludru ku takaumawmasaneini. Kai lasu salraelrelre kawmasane ki swa Yuda si beabekace ku angilrithavulane, la kamani ku tamatama ki Nazarethekiu,

1 Tisaruniki 5:22

la cilri kudra sanaka maliisi ku kakudhane patuelre.