Izera 3:8 - Ngudradreadrekadhane Ka Sisiu 魯凱語聖經

⁸ Kwini sa siwlringa kudra mapapangale mu Yerusalrime kwini ki caili ki sakadrusa ki dramare, kwini lalasu yakai kwini ki sakwa ka taikaiyane ki daane ki Twaumase pathagili kaungu. Ku Zerubabele, Yesua si la drumane ka sakacekele, barakalai si swa Lrivi, ku patengatengane, kudra acaicali makanaelre si siwlringa mu Yerusalrime ku laumawmase kiapaelre makanaelre kikai ki awngane. Kwidra tara mapusalenga ka caili papubebelenge ka swa Lrivi la kisikawlu ka amani ku wadrangalru kikai awngane tupela tudaane ki daane ki Tamatama.

Izera 3:8 Iomraidhean Croise

1 Lacaili 23:4

Ku talialalai la sikawlu ku ta 24,000 ku tarakipuawngane ikai ki daane ki Tamatama, ta 6,000 ku taramarasikai ki lapacase si taraturathurathudane ki la makarivurivu,

1 Lacaili 3:17

Ki lakikainga amani ku lamwabaibalrithi ki kiaravase pwa ka Babilunia ka talialalai ka Yehuiacingi. Ku Yehuiacingi tapitu ku lalakeini ka sawvalai, sia Saletile,

Izera 10:18

Kikai lebe amani kudra wamwa ki labaibai ki maelane ka zuku karudrange, Barakalai (singiakai ki zuku), Lamwabaibalrithi ki Yuzadake, kwini zuku ki Yesua si la betakaneini, Masia, Ilriezere, Yaribe si Gidalria.

Izera 2:2

Ku latarasangililuku liniane amani ku Zerubabele, Yesua, Nihimi, Seraia, Relaia, Muredikai, Bilesane, Misepare, Bigevai, Rihume, si Baana. Kai lebenga yai tatathane ki lazuku ki swa Iseraylri ka twalai ki taacaicaliane kainganai siwlri:

Izera 3:2

Ku Yesua ka lalake ki Yuzadake si kwidra papalra lini ka labarakalai, ku Zerubabele ka lalake ki Saletile si laretesane lini, twapela ku tapatarumaramarane ki Twaumase ki swa Iseraylri. Pakai kudra apangimiane ku hulrice ki umawmase ki Twaumase ka Musi, la pikai belenge ki tapatarumaramarane patarumara ku Lama ka lrisi.

Izera 4:24

Ku atupelanane tudaane ku daane ki Twaumase ikai Yerusalrime ku awngane kiavutha paisadra, kai maka pacungulu kaungu, pakeela saka taradrusa ka caili ku tarathudane ki tinuhika ki swa Piresiane ka Dariuse.

Izera 4:3

Ku Zerubabele, Yesua si latamatama ki zuku la pelaela liniane, “Kai nai mwarikai ku akiparalubane numiane, ku apasikaiyane ki Tamatama ka Twaumase nai tudaane ku daane ki Twaumase. Kunai lri pasusu nai ku tacunane ki tinuhika ki swa Perisia ka Sairuse ngikakamani tudaane.”

Izera 5:16

Lakamani kwidra, siwlri ki Sisebazare, si cegecege ku karwalai ki daane ki Twaumase, kudra awngane twalai kwini pakela kikai pacungucungulwana, kaiyana maka tulrepenge.’

Izera 5:2

Ku lalake ki Saletile ka Zerubabele si lalake ki Yehuzadake ka Yesua la kilalra kikai saaulriwlriane lini, la kirimu pathagili kudra atupelane tudaane ku daane ki Twaumase ikai Yerusalrime, kwini tadrusa ka yuginsia la paralubu liniane.

Hagai 1:1

Sakadrusa ka caili ki sakaeneme ka dramare ka aswalaalanga ka vai ku taatinuhikane ki Dariuse ki swa Perisia, ku Tamatama pangukai ki yuginsia ka Hagai si kawriva ki lalake ki Saletile ka Zerubabele ka siwciu ki swa Yuda si Yesua, ka abebeelengenga ki barakalai ka lalake ki Yehuzadake.

Zakaria 4:9

amia kai, “Kai Zerubabele wacegecegenga kai karwalai ki daane ki Twaumase, kwi lasu lri tara tulreepenge. Lu ngimianga ku takaungane, kai kawkawluli ala lri thingale nakwane ka Tamatamaku ka abebeelengenga ki sanaka kwapingi ka amani ku siakawlu muswane mwa liniane kwini.

Zakaria 6:12

pelaela iniane, ku Tamatama ka abebeelengenga ki sanaka kwapingi amia kai, ‘Kudra kiapasi “Ricingi” ka umawmase, lri ikai ki taikaiyaneini si pangiradhekane, lai lri tupela tudaane ku daane ki Tamatama.

Taasipane 4:3

la malra pacase patuelre kwini tara matulrulunga pakela ki tara malrimalenga ku caili, kulri dulru ikai ki Alrivilrivi ka balrawbau ki Tamatama kipuawngane ku sawvalai.