Izera 3:5 - Ngudradreadrekadhane Ka Sisiu 魯凱語聖經

⁵ Ku drumane, kwini lalasu la patarumara ku apiapiane ka Lama ka lrisi, si ikai ki aswalalanga ka vai si apatarumarane ka lrisi ikai ki sanaka tayelrelreanenga si sukusukubu ki Tamatama, la ikaiyana kudra papia ki Tamatama patarumara ku Ngipapalraingini patarumara ka lrisi.

Izera 3:5 Iomraidhean Croise

2 Lacaili 31:14

Ku swa Lrivi ka Imena ka lalake ki Kure amani ku tamatama ki tarakadrenge ki tali talrawane ka lrawlrawdru ki daane ki Tamatama, kwini lasu tara tarumara ku niacebane ku nipatarumarane ki Tamatama, mialri kicapili ku apavalavalane ku niacebane.

Izera 3:6

Kwini adravane sakaiyana tupela tudaane ku daane ki Tamatama, ai twalai ki aswalaalanga ka vai ki sakapitu ka dramare, kwini lalasu pathagiliinga papia ki Tamatama patarumara ku Lama ka lrisi.

Nihimi 10:34

Kunai ka mapapangale, barakalai si swa Lrivi lri singikai ki takelretane ki hulrice, ki caicaili kuzibiki kudra lri patarumara ku angatu ku zuku, pakai ku alamane kwini nilapulapwane ka sapatarumarane baai ki Tamatama ka Twaumase nai.

Yerimia 33:18

ku swa Lrivi ka zuku lrika palralrawthu abarakalai, si kamani ku marasiakaikai patarumara nakwane ku Lama ka lrisi, Taleke ka lrisi, si sapatarumarane ka waudriwdripi.”

Lrivi 1:2

papia ki mapapangale ki swa Iseraylri pulebe pelaela kikai lakakudhane. Kunumi alaiyasi ikai ku lri patarumara ki Tamatama, lri dulru patarumara kwidra twalai ki lalwange ku lwange ku twalai ki lakiu ku kiu.

Lrivi 1:3

Lwiyasi patarumara ku lwange tu Lama ka lrisi, lri tara arakaai ku kadrwa ku takatumanane ku sawvalai ka lwange, la iluku mwa ki lrawlrawdru ki Alrivilrivi ka balrawbau ki Tamatama, la lri tarumaraku Tamatama.

Lrivi 23:2

si papia ki swa Iseraylri baai pelaela ku kakudhane pangukai ki kalalrilrisiane ki Takisuswane; ikai ki kalalrilrisiane, lri yelrelre numi si sukubu ki Tamatama.

Taasipane 28:14

Lai lri arakai ku Paralikiliki ka lrisi apamamwa ki Lama ka lrisi; ku vaeva ka lrulai ka sawvalai ka lwange lri apamamwa ki drusa ka kunsenge ku bava; ku vaeva ku balase ka nikiubawbalane ka kiu lri apamamwa ki vaeva si apararamau ka kunsenge ku bava; ku vaeva ku lrulai ka balase ka kiu lri apamamwa ku vaeva ka kunsenge ku bava. Kikai yai amani ku apatarumarane ki aswalalanga ka vai ka kakudhane ki Lama ka lrisi, ki tinara cailane lri pia ki dramadramare.

Taasipane 28:19

Lri patarumara ku Lama ka lrisi tusangwalreme ka Apwi ka lrisi, lani kiragai ku Tamatama. Lri patarumara ku lrulai ka sawvalai ka lwange, vaeva ka balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatumanane patuelre.

Taasipane 28:27

Lri patarumara numi ku sangwalreme ka Lama ka lrisi, lani kiragai ku Tamatama. Lri patarumara ku drusa ku lrulai ka sawvalai ka lwange, vaeva ka balase ka nikiubawbalane ka kiu, pitu ku taracailinga ka lrulai ka balase ka kiu, ka kadrwaku takatwatumanane.

Taasipane 29:13

Ikai ki aswalalanga ki vai ki tatulrisisisiane, lri patarumara numi ku Lama ka lrisi, tusapasangulremane ka akaneane ka lrisi si pakiragai ki Tamatama. Patarumara ku kadrwa ku takatwatumanane ku 13 ku lrulai ka sawvalai ka lwange, drusa ku balase ka nikiubawbalane ka kiu, 14 ka taracailinga ka lrulai ka balase ka kiu.

Taasipane 29:2

lai patarumara ku kiragai ki Tamatama ku sangwalreme ka Lama ka lrisi; vaeva ka lrulai ka sawvalai ka lwange, vaeva ku balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatwatumanane patuelre.

Taasipane 29:39

Kilakikai kakudhane ki ngwakai kikai ki tatulrisisisiane nai papia ki Tamatama patarumara ku Lama ka lrisi, Taleke ka lrisi, Paralikiliki ka lrisi, si Sulivatane ka lrisi ka kakudhane. Kilakikai yai, amani kwidra sawlri numi baai ku ningiabulrwane si ngiakakamani patarumara ka lrisi ka nidrimanenga.

Taasipane 29:8

lri papia numi ki Tamatama patarumara ku sangwalreme ka Lama ka lrisi; vaeva ka lrulai ka sawvalai ka lwange, vaeva ku balase ka nikiubawbalane ka kiu, pitu ka taracailinga ka lrulai ka balase ka kiu, ka kadrwa ku takatwatumanane patuelre.

Tapelane Drekase 12:17

Kunumi madha kanekane ku nipatarumarane ki Tamatama ku sapatarumarane ikai kwini ki taikaikaiyane numi, amani kwini lataleke, bava, si lawlau ki ulrive, aswalaalanga kitulalake ka lwange si kiu, sapatubalreane ku takiketeketane, ngikakiketeketeini, si la drumanenga ka sapatarumarane.

Tapelane Drekase 12:6

Lri mwa numi kwini patarumara ku Lama ka lrisi si drumane ka niculwane, si baai ku nipatarumarane ka ziwbunuici, la patarumara ku lamanemane, pangiabilri ka sapatarumarane, ningikakidremedremane ka sapatarumarane, si aswalaalanga kitulalake ka lwange si kiu.