Izera 3:1 - Ngudradreadrekadhane Ka Sisiu 魯凱語聖經

¹ Sadaruru ki saka tarapitu ka dramare ki caili. Ku swa Iseraylri yakainga ki cekele lini sutelrai supedrengenga makanaelre. Kwini lalasu la iyelrelre makanaelre ikai Yerusalrime.

Izera 3:1 Iomraidhean Croise

Nihimi 7:73

Ku swa Iseraylri makanaelre, paelre ki labarakalai, swa Lrivi, latarakadrekadrenge ki daane ki Twaumase, latarasenasenai ikai ki daane ki Twaumase, takaalra ku lakawkawlu, si latarakauawngu ki daane ki Twaumase, swateelrainga makanaelre ikaikai ki lacekele Yuda. Sadarurunga ki mwasakapitu ka dramare, ku swa Iseraylri swateelrainga ikai ki lacekele lini.

Nihimi 8:1

Saka dramare kwini ki aswalaalanga ka vai, kwi lalasu maramaraamau ku kidremedreme si isarubu ikai Yerusalrime, ikai ki kalatadrane ki Acilai ka lrawlrawdru. Wadawlu ki tarakinkinkiu ki Sisiu ka barakalai ka Izera iluku ku hulrice ka hungu kela; kikai hulrice amani kwidra pangukai ki Musi ki Tamatama si baai ki swa Iseraylri.

Nihimi 8:14

Kwini lalasu la kidringai, kikai ku Tamatama sapangukai ki Musi baai ku hulrice nawadrekase ki swa Iseraylri ikai ki Talakangane ka lrisi yai lri ikai kwini ki kinisalrwane ka talakangane.

Lrivi 16:29

Kai swa Iseraylri lri palralrawthu pasusu kikai lebe kai kakudhane. Luka caili ki sakapitu ka dramare si samakamangeale ki vai, ku swa Iseraylri si kwini yakaikai liniane ka singibadhane makanaelre lri tara laisi, si kai kaungu.

Zipania 3:9

“Lukamaninga kwidra, lri pakabalrithaku ki umawmase ki sanaka kuni. Kwini lalasu lri kitubi nakwane, si savaeva ku kidremedreme pasikaikai nakwane.

Nisikawlane 2:46

Kwini lalasu la maramaraamau maelrelre ku kidremedreme lini, lukavaivai yakai ki daane ki Twaumase irubu, la ikai ki daane lini kalringulringulu, arakai ku kiragadhane ku kidremedreme taelre kane ku aga,

Nisikawlane 4:32

Ki kikai lasinzia maramaraamau ku la takidremedremane lini, kadrwa ku natangeanga ku ngiatatucanidi ku tacekecekelaneini, mwarielre sanaka manemane.

1 Kurintu 1:10

Laretesane, pangwakaiyaku ku nagane ki Tamatamata ka Yesu Kirisitu si pasapukwane numiane makanaelre, ku vaga numi maramaramava, madha matukwakudha si kasuburu, karathuda, la maramaraamau ku takidremedremane, maramaraamau ku adarurane.

Tapelane Drekase 16:16

“Sanaka sawvalai niyane ki kuni, ki caicaili lri ngusitulrulu, kwini ki Takilragavane ka lrisi, Takitaletalekane ka lrisi si Talakangane ka lrisi, mwa kwini ki taikaikaiyane si sukubu iniane. Sanaka aneane lri pangimia ku tasubulrubulrwane ki Tamatama ka Twaumase numi, pakaelre ku tadulrwaneini, iluku ku saceacebe patarumara iniane.”

Tamagarange 20:1

Ku swa Iseraylri makanaelre, twalai tali dradha ka Dange kela ka tali lrawdru ka Bereseba, tali talrawane kela ka Gileade, kia dawlu la kainganai isarubu. Vaeva ku kidremedreme lini makanaelre, la isarubu ikai Mizepa cucubungu ki Tamatama.