Izera 2:1 - Ngudradreadrekadhane Ka Sisiu 魯凱語聖經

¹ Takaalra ku acaicali ku umawmase ku matwasenga ka tali Babilunia, siaulri mwa ka Yerusalrime si Yuda, la katwase mwa ki cekele lini. Kikai laumawmase si lawacekecekele lini twalai ku taravasane si emenge liniane ki talialalai ka Nibukadenezere, yakaainga kavai Babilunia acaicaicali.

Izera 2:1 Iomraidhean Croise

2 Latalialalai 25:11

Ala, ku Nibuzaradange la malra ravase kwini ki asuru ikai cekele, si kwidra lataradarepe si wakusange ki talialalai ki swa Babilunia ka laumawmase iluku mwa Babilunia.

1 Lacaili 9:1

Sanaka swa Iseraylri singiakaai ku tamasakaikaiyane ki cucungulane kipacase ikai ki lrikisi ki Latalialalai ki swa Iseraylri ka hungu. Ngwalai sa pasalriu la kipathavungu ku swa Yuda, la kiravase pwa kavai Babilunia.

1 Lacaili 9:2

Ku aswalaalanga siwlri mwa ki cekele lini, si ikainga ki kadaengane lini yakai ku langumawmawmase, barakalai, swa Lrivi si taramarasikai ki daane ki Tamatama.

Izera 1:11

Ku kisi ka kingi kisi ka gingi; si drumane ka latakaiyane, lu elrelreane 5,400. Kwini acaicali sa twalai Babilunia si kelanga, ku Sisebazare la malra kilakikai takaiyane iluku mu Yerusalrime patuelre.

Izera 2:2

Ku latarasangililuku liniane amani ku Zerubabele, Yesua, Nihimi, Seraia, Relaia, Muredikai, Bilesane, Misepare, Bigevai, Rihume, si Baana. Kai lebenga yai tatathane ki lazuku ki swa Iseraylri ka twalai ki taacaicaliane kainganai siwlri:

Izera 2:70

Ku labarakalai, laswa Lrivi, si drumane ka laumawmase swateelrainga ikai Yerusalrime si langwadadethe; ku latarasenasenai ikai ki daane ki Twaumase, latarakadrenge, si tarakawaungu swateelrainga ikai ki ngwadadethe Yerusalrime ka lacekele; ku drumane ku swa Iseraylri makitwa siwlringa mwa ki ceekele lini.

Izera 5:8

“Naika peaelaela nai muswane ka tinuhika, wamwa nai ka Yuda ka siu, la drele nai kwini daane ki sanianiangenga ka Twaumase la icengecenge tupelaela tudaane. Kikai daane ki Twaumase arakai ku tadradrau ku lrenege tupudriadringai, la ikai ku tadradrau ku bulri paraedre ki balingibingi. Kikai awngane ku tapiapiane tinupudriadringadhane turamuru, si kasulialialivate ku takaungane.

Izera 6:2

Ai kwini lalasu yakai ki daane ki talialalai kavai cekele Ikebatana ki swakai kadaengane ka Media kidringai ku vaeva ku sidrumane ka nibalrulane, nipacasane iya kikai,

Izera 8:35

Kwini twalai ki taacaicaliane siwlringa ku laumawmase makanaelre la makitu iluku ku sapatarumarane, tu Lama ka lrisi patarumara ki Twaumase ki swa Iseraylri. Kwini lalasu pasiakai ki swa Iseraylri makanaelre patarumara ku 12 ku sawvalai ka lwange, 96 ku balase ka nikiubawbalane ka kiu, 77 ku lrulai ka nikiubawbalane ka kiu, la ngipapasikai ku akabulane ku pasalrivane patarumara ku 12 ku balase ka kiu. Kikai nilapulapwane wamalra tuniculwane lama patarumara ki Tamatama.

Nihimi 12:1

Kikai lebe amani ku lanagane ki barakalai si swa Lrivi, kai lalasu yadrepele ka twapapalra ki lalake ki Saletile ka Zerubabele si abebeelengenga ki barakalai ka Yesua karededele twalai ki taacaicaliane siwlri ka laumawmase.

Isetire 1:1

Kikai lebe kai laabubulru amani saka zidai ki talialalai ki Perisia ka Ahasueruse. Ku Ahasueruse twalai Susa ka tangadrane ki cekele ka taetalaneini rathudu India, kela kavai Kuse ka talu 127 ka lakadaengane ki siu.

Isetire 1:11

Katwase dawlu ki labaibai ki talialalai ka Vaseti pasigecegece ku gecegece ki labaibai ki talialalai kela. Ku labaibai ki talialalai mathariri turamuru ka ababai, ku talialalai nau padredrele dradrarane ki lamabelenge si labadhabadha amia kwini tharirane kwini ki alisu.

Isetire 1:3

Saka taratulru ka caili ku takatalialaladhane ki Ahasueruse, kai lasu la pasikai ki sanaka talialalai si yakunkunkwane pangitaleke tuadrau turamuru. Ku lamabelenge ki kwapingi ki Perisia si Media, si tamatama ki lakadaengane ki siu si latalialalai la makitu kela kipaelre.

Isetire 1:8

la cunu ki sasiakawlu ki daane ki talialalai, ku angilralraingane ki tangeea ungulu. Ai kai lri vutha.

Isetire 8:9

La ikai ki sakatulru ki dramare, kwini ki dramare ki Sivange ki saka 23 ki vai, ku Muredikai wadawlu ki latarapacase ki talialalai, papakatwase liniane ku sapelaelane baai ki swa Yuda ka laumawmase, si twalai India kela kavai Kuse paelrelrenga tai 127 ka siwciu ki lasiu si la swakai ki kunkwane. Kikai sapelaelane arakai ku lavaga ki swainunga si pacase ki swa Yuda pacase.

Isaiya 48:20

Bwala twaladha Babilunia mubere! Ngilralrainga katwase! Akwadrava pelaela kikai mathariri ka vaga; mwa kidrwadrwadruanga salraelre pelaela: Ku Tamatama palribulunga ki sasiakawluini ka swa Iseraylri!

Yerimia 50:19

Lri ililukaku ki swa Iseraylri siwlri mwa ki nakadaengane lini. Kwi lalasu lri kane ku taleke ku twalai lregelrege Karemele si Basane, si kisupilri ku taleke ku twalai tali Iparaime si Gileade.

Silringau 1:3

Ku laumawmase ki swa Yuda matiakuru ka duri, kiavutha kipakatwase ki cekele. Kwi lalasu acaicali mwa ki maelane ka cekele, kadrwa ku amwane ikai sutelrai ku kadaengane. Kwi lalasu kiangithalringulu ki badha, kadrwa ku angukaiyane mubere.

Silringau 1:5

Ku badhaini atawkinga; ku puku ki lalasu waruthukunga iniane. Asi lwiyane kwi alisu makalra ku pasalrivane, ku Tamatama pakwalri iniane; ku lalalakeini kiaravase ki badha puadaili.

Silringau 4:22

Ku Ziyungu maka wasawlringa ku balrithane ki pasalrivane; ku Tamatama kai lri palralrawthu paacaicali naiane. Ai, swa Idume, ku Tamatama lri pathavungu muswane; lri putaluvaivai ku tapasalrivanesu.

Zipania 2:7

Ku abalu ki swa Yuda lri ravase ku kadaengane numi; lai lri ikai numi kwini agwagu ki lakiu, si apece ikai ki daane ki swa Asekelungu. Ku Tamatama ka Twaumase lini lri kakalithi liniane, kwini lalasu lai lri siwlri mwa ki cekele lini si lri tupela tucekele.

Nisikawlane 23:34

Ku mabelenge ki tarakadrekadrenge la silrigu kudra tigami, si la kivaga ki Pawru la ka swatalininu ki kadaengane, sa thingalenga ka ngwakai ki daane ki Cilikia,