Izera 10:3 - Ngudradreadrekadhane Ka Sisiu 魯凱語聖經

³ Kaiasasane, kunai lri tara papia nai ki Twaumase pudriadringai kiketekete: Lri malra nai kikai ki labaibai si lalake lini satedre pakatwase. Lri kilalra nai pasalaladha muswane si kudra sapakipapawlringavane ki mwasakene tukucingalre ku drekase ki Twaumase ka umawmase. Lri pasusu nai ku hulrice ki Twaumase.

Izera 10:3 Iomraidhean Croise

2 Latalialalai 11:17

Ku barakalai ka Yehuiada pacegecege ku samakaketeketane ki talialalai ka Yuase si mapapangale si Tamatama, ka lrika akawkawlane lini ki Tamatama. Kwini lasu la apakaketekete ki talialalai si mapapangale.

2 Lacaili 29:10

“Kaiasasane, malrithethaku makaketekete ki Tamatama ka Twaumase ki swa Iseraylri, ku kaika apapianenga mitane kalisi.

2 Lacaili 30:12

Ku Twaumase mialri ikai ki laumawmase ki swa Yuda kauawngu, kwini lalasu la karathudu kalrithethe paluludu ku takidremedremane ki Tamatama, si kilalra ku drekase ki talialalai si latarasangililuku.

2 Lacaili 34:21

la iya kai, “Lu mwa pasikai nakwane si mapapangale ka yakaiyana Yuda si Iseraylri kivaga ki Tamatama, la drele pulringalringau luka manemane ku sabulrwane kai ki hungu. Ku Tamatama ku kalisi mitane amani sakai kilalra ku cucungulaneta ku vagaini, kai singiakai ki tapacasane ki hungu si pangimia.”

2 Lacaili 34:27

la kirimusu icucubungu nakwane ngitatwalebe ngitatupela; sa kilalrasu kalri pakipapawlringavaku, lri pathavungaku ki Yerusalrime si mapapangale, wathuriacesu ku laimai, si tubitubi nakwane, ala kilalraku ku inulrisu.

Izera 10:11

Kaiasasane, kunumi papia ki Tamatama ka Twaumase ki cucungulane numi ngipapelaela ku pasalrivane, la pangimianga ku kadalameini, la pwa retege kwini tamacacapilane numi kwini ki yakai ki kadaenganeta ka lamaelane ka zuku, si katwase kwini ki labaibai numi ka maelane ka zuku.”

Izera 10:44

Kikai laumawmase amani kudra wamwa ki maelane ka zuku ka labaibai karudrange. Kai lalasu la makitu malra ki lalabaibai si lalalake satedre pakatwase.

Izera 10:9

Kwini ki nimaka tulrulane, kwini ki mwasaka bangate ki dramare ki mapusale ki vai, sanaka yakai Yuda si Biniyamingi ku umawmase la makitu kelanga Yerusalrime, isarubu ikai ki kalatadrane ki daane ki Twaumase. Kwini ki vai, la tarwadrau ku udale, ngwalai ki udale si tinukucingalrane ki aisarubwane, ku laumawmase makitwa manugiligiligili.

Izera 9:4

La neneaku tirerengane, pakela salri patarumaranga ki maungane. Asi lwiyane ku Twaumase ki swa Iseraylri naamia kikai kawriva, lri tara kiecebe kudra pasalrivane kwini ki acaicali si siwlringa ka laumawmase, sanaka kialalra kikai vaga si asasamaliane kathathiburu ku umawmase wakela makanaelre ngithalringulu nakwane.

Nihimi 10:1

Ku aswalaalanga pacase ku nagane amani ku lalake ki Hakalria ka siwciu ka Nihimi, ala ka Zidikia, ala ka amani kikai lebe ka drumanenga.

Nihimi 8:14

Kwini lalasu la kidringai, kikai ku Tamatama sapangukai ki Musi baai ku hulrice nawadrekase ki swa Iseraylri ikai ki Talakangane ka lrisi yai lri ikai kwini ki kinisalrwane ka talakangane.

Nihimi 9:38

Ngwalai kai ki tangimianenga kilakikai, kunai ka swa Iseraylri lri ikai nai kai tukucingalre pacase kiketeketenga. Ku tarasangililuku naiane, swa Lrivi, si labarakalai makitwa pacasenga pikai belenge ku nagane lini.

Lasenai 119:120

Ngwaladhaku ki sawkukuludru muswane si manugeregere kai kinawmasaneli; la ngwaladhaku ki sawkukuludru ki asaibanganesu si kisuete ki ukuludrane.

Lasenai 119:59

Ngiakakidredremaku ku tangukakaiyaneli ku kadalranane, la kalrithethenga naku ngibangulu papia ki tinukakudhananesu.

Isaiya 66:2

Ngiakakamaniaku bekace kai lepawngane sanaka maneemanenga! Siarapalaku ki ngiatatwalebe si ngitatasiwlriwlri ngitatupela ku umawmase, la kadalamaku ku kialalra pasalaladha ku vagali ku umawmase.

Isaiya 8:20

Kunumi amia madu kai tubalre liniane, “Kilalra ku sabulrwane si hulrice ki Twaumase! Maadha kilalralalra si patupapalra ki taraivigi si silrilrigu; kudra lakawrivariva lini kadrwa ku apakaesadhane numiane.”

Izikile 9:4

“Lu katwasa, dadavace salraelre kai Yerusalrime, lu kipadradresengesu ku ngwalai ku tangimiane ki la ngialisiane ikai kai ki cekele si kwalrialri dadange ku umawmase, patuthingala pikai ki punu lini makanaelre.”

Tapelane Drekase 29:12

acegecega makanaelre ikai cucubungu ki Tamatama ka Twaumase numi; lri tarumara numi kwini kiketekete numiane.

Yesua 9:6

Kwini lalasu la kela ki tasuladhane lini ka Gilegale kikawriva ki Yesua si swa Iseraylri, la iya kai, “Twalai nai adaili turamuru kela kai, kiatutubi nai numiane ku amakaketeketane.”