Izera 10:18 - Ngudradreadrekadhane Ka Sisiu 魯凱語聖經

¹⁸ Kikai lebe amani kudra wamwa ki labaibai ki maelane ka zuku karudrange, Barakalai (singiakai ki zuku), Lamwabaibalrithi ki Yuzadake, kwini zuku ki Yesua si la betakaneini, Masia, Ilriezere, Yaribe si Gidalria.

Izera 10:18 Iomraidhean Croise

Izera 10:17

ikai ki aswalalanga ki dramare ki aswalalanga ka vai, kwini lalasu la malra kwini ki ngwakai ki marudrange mwa ki ababai ka maelane ka zuku makitu ciwsanga patuelre.

Izera 2:2

Ku latarasangililuku liniane amani ku Zerubabele, Yesua, Nihimi, Seraia, Relaia, Muredikai, Bilesane, Misepare, Bigevai, Rihume, si Baana. Kai lebenga yai tatathane ki lazuku ki swa Iseraylri ka twalai ki taacaicaliane kainganai siwlri:

Izera 2:36

Ku siaulri ku umawmase ki lazuku ki barakalai: Zuku ki Yedaia (mwabaibalrithi ki Yesua) 973 Zuku ki Imere 1,052 Zuku ki Pasehure 1,247 Zuku ki Harime 1,017

Izera 3:2

Ku Yesua ka lalake ki Yuzadake si kwidra papalra lini ka labarakalai, ku Zerubabele ka lalake ki Saletile si laretesane lini, twapela ku tapatarumaramarane ki Twaumase ki swa Iseraylri. Pakai kudra apangimiane ku hulrice ki umawmase ki Twaumase ka Musi, la pikai belenge ki tapatarumaramarane patarumara ku Lama ka lrisi.

Izera 3:8

Kwini sa siwlringa kudra mapapangale mu Yerusalrime kwini ki caili ki sakadrusa ki dramare, kwini lalasu yakai kwini ki sakwa ka taikaiyane ki daane ki Twaumase pathagili kaungu. Ku Zerubabele, Yesua si la drumane ka sakacekele, barakalai si swa Lrivi, ku patengatengane, kudra acaicali makanaelre si siwlringa mu Yerusalrime ku laumawmase kiapaelre makanaelre kikai ki awngane. Kwidra tara mapusalenga ka caili papubebelenge ka swa Lrivi la kisikawlu ka amani ku wadrangalru kikai awngane tupela tudaane ki daane ki Tamatama.

Izera 5:2

Ku lalake ki Saletile ka Zerubabele si lalake ki Yehuzadake ka Yesua la kilalra kikai saaulriwlriane lini, la kirimu pathagili kudra atupelane tudaane ku daane ki Twaumase ikai Yerusalrime, kwini tadrusa ka yuginsia la paralubu liniane.

Izera 9:1

Sangilribatenga kikai, yakai ku latarasangililuku ki swa Iseraylri la kela pelaela nakwane, ku mapapangale ki swa Iseraylri, barakalai, si swa Lrivi, kai kiarimu kidaili ki pasiagisi lini ka kuni ka swa Kanange, swa Hite, swa Perizi, swa Yebuse, swa Amune, swa Muabe, swa Izipiti, swa Amuri. Kwini lalasu kiarimulringa twalralrau kwini ki laumawmase, piapia ku ngialisiane ku kakudhane.

Izera 9:2

Kwini lalasu ngiapapasikai si lamwabaibalrithi lini karudrange mwa ki badhanane ka labaibai, la malranga pakakudrulru ki mabula ka kawkawlu ki Twaumase; kikai latarasangililuku ala amani ku wasangiluku pasalriu.

Nihimi 12:10

Ku Yesua tama ki Yuiakime, ku Yuiakime laka tama ki Ilriasibe, ku Iliasibe yai tama ki Yuiada;

Nihimi 13:28

Ku Yuiada lalake ki abebeelengenga ki barakalai ka Ilriasibe. Ai yakai ku tangea ku lalakeini ku marudrange mwa ki swa Huruni ka lalake ki Sanabalate, lakamani ku pakatwaseli Yerusalrime ki Yehuiada.

Nihimi 8:4

Ku Izera la acegecege ikai kwidra ki nipawkalrivilane pasikai kikai si ka niarakaiyane ku angatu darepe ka dai. Ku tali vanaleini yakai acegecege ku Matatia, Sema, Anaia, Uria si Masia, ku sa viri iniane acegecege Pidaia, Misaele, Malekia, Hasume, Habadana, Zakaria si Misulame.

Nihimi 8:7

Sakabilrilinga, la ngidrakale ku mapapangale, si acegecege ikai ki aikaiyane lini, la ikai ku la swa Lrivi ku papia liniane swaceacenge ki hulrice. Kikai laumawmase amani ku Yesua, Bani, Serebia, Yamingi, Akube, Sabithai, Hudia, Masia, Kilrita, Azaria, Yuzabade, Hanange si Pilaia.

Yerimia 23:10

Kikai yabelenge ki kadaengane ikai kidruanga papia ki Tamatama kaika patengatengane ku kidremedreme ka laumawmase; kai lalasu wacapange arakai ku puku, ngilisiane ku tapanianianiakane lini. Ngwalai ku tapuswane ki Tamatama, lri tubi dange kai kadaengane, ku tapagwagwagwane lai lri karudame.

Yerimia 23:11

Ku Tamatama amia kai: Kai layuginsia si labarakalai kai mwasakene makanaelre; wadrelaku liniane lu ikai ki daane ki Tamatama piapia ku ngialisiane.

Yerimia 23:14

Wadrelaku ki layuginsia ki swa Yerusalrime laka manganganga: Kwi lalasu pasalriu ki ababai, watavuvulrucu, la pakalrumale ki umawmase pia ku ngialisiane; ngwalai kikai kadrwa ku umawmase ku wacilri ki ngialisiane si papia ki pacengecenge. Ikai ki macali kai lalasu mararaamau ki swa Sudume kanganga, la mararaamau ki swa Gumura ngilisiane.

Izikile 44:22

Ku barakalai kai lri maka mwa karudrange ki cacapange ka walibakane si makakatwasenga ka ababai. Kathaane ku tawvailekete ki swa Iseraylri si redelane kauawngu ka walibakane ku lrika adulrwane lini mwa karudrange.

Lrivi 21:7

Ku barakalai madha mwamwa karudrange ki pairairange, ki kaika tawvaileketenga, si makakatwase ki tawvane, asi lwiyane kwini lasu amani ku kiatusaniange ka swakaiyane ki Twaumase.

Hagai 1:1

Sakadrusa ka caili ki sakaeneme ka dramare ka aswalaalanga ka vai ku taatinuhikane ki Dariuse ki swa Perisia, ku Tamatama pangukai ki yuginsia ka Hagai si kawriva ki lalake ki Saletile ka Zerubabele ka siwciu ki swa Yuda si Yesua, ka abebeelengenga ki barakalai ka lalake ki Yehuzadake.

Hagai 1:12

Ku Zerubabele, si abebeelengenga ki barakalai ka Yesua, si twalai Babilunia kainganai siwlri ka naacaicali ka laumawmase makanaelre, pasalaladha pangimia ku drekase ki Tamatama ka Twaumase lini. Asi lwiyane kwi lalasu mwakuludru, la kirimu kilalra si pasalaladha ku vaga ki yuginsia ka Hagai ka nisikawlane ki Tamatama.

Hagai 2:4

Lakamani, kwaku ka Tamatama numi lri apapelaelaku pakipapaulringau numiane, kusu ka Zerubabele kakecenga! Abebeelengenga ki barakalai ka Yesua mialrisu kakecenga! Si swakai kikai ka laumawmase mialria kakecenga! La kisamula kaungu, asi lwiyane kunaku ka Tamatama ki abebeelengenga ki sanaka kwapingi tapalraku ikai numiane.

Zakaria 3:1

Ikai ki drumane ka taingeane ka maburusi, ku Tamatama padrele nakwane ki Yesua ka abebeelengenga ki barakalai acegecege ikai cucubungu ki sasiakawlu ki Tamatama, ku Satange la acegecege ikai tali vanale ki Yesua, si lri kukusu iniane.

Zakaria 6:11

Kusu arakaiya kudra patarumara lini ku kingi gingi si tuvaeva ka pagamucu, la pikai ki awlru ki abebeelengenga ki barakalai ka Yesua ka lalake ki Yehuzadake,

1 Timuthi 3:11

Ku lalabaibai lini lai mialri ka mathariri ku takaumawmasane, kai kawriariariva ku cacapange ku vaga, lri kapapedrenge, matisudralru.