Izera 10:11 - Ngudradreadrekadhane Ka Sisiu 魯凱語聖經

¹¹ Kaiasasane, kunumi papia ki Tamatama ka Twaumase ki cucungulane numi ngipapelaela ku pasalrivane, la pangimianga ku kadalameini, la pwa retege kwini tamacacapilane numi kwini ki yakai ki kadaenganeta ka lamaelane ka zuku, si katwase kwini ki labaibai numi ka maelane ka zuku.”

Izera 10:11 Iomraidhean Croise

2 Lacaili 30:22

Ku Hezekia wadrengedrengere ki swa Lrivi, asi lwiyane kwini lalasu malrigili sangililuku ki mapapangale sukubu ki Tamatama ka Twaumase ki cucungulane lini. Ku mapapangale patarwamara ku Sulivatane ka lrisi, si drengedrengere ki Tamatama ka Twaumase ki cucungulane lini. Sangilribatenga ku nimakapitulane,

Izera 10:10

Ku barakalai ka Izera la acegecege, si kawriva liniane, “Kai numi ka patengatengane ku kidremedreme, la mwa numi ki maelane ka zuku ka labaibai, si papasalriu numi ki swa Iseraylri.

Izera 10:12

Ku mapapangale la akwadrau tubalre, “Sanaka taiyanesu, lri pangimia nai.”

Izera 10:3

Kaiasasane, kunai lri tara papia nai ki Twaumase pudriadringai kiketekete: Lri malra nai kikai ki labaibai si lalake lini satedre pakatwase. Lri kilalra nai pasalaladha muswane si kudra sapakipapawlringavane ki mwasakene tukucingalre ku drekase ki Twaumase ka umawmase. Lri pasusu nai ku hulrice ki Twaumase.

Izera 9:1

Sangilribatenga kikai, yakai ku latarasangililuku ki swa Iseraylri la kela pelaela nakwane, ku mapapangale ki swa Iseraylri, barakalai, si swa Lrivi, kai kiarimu kidaili ki pasiagisi lini ka kuni ka swa Kanange, swa Hite, swa Perizi, swa Yebuse, swa Amune, swa Muabe, swa Izipiti, swa Amuri. Kwini lalasu kiarimulringa twalralrau kwini ki laumawmase, piapia ku ngialisiane ku kakudhane.

Nihimi 13:3

Ku mapapangale ki swa Iseraylri sa kilalra kikai hulrice, la patwalai ki la tailrelreane lini pakatwase ki maelane ka zuku makanaelre.

Lasenai 32:5

Ala kamani, ku papiali muswane ngipapelaela ku pasalrivaneli; kainaku wasekete ku tapasalrivaneli. Malrithethaku ku papia muswane pelaela patuelre ku pasalrivaneli, la pacepesu ku tapasalrivaneli patuelre.

Kavagavagane 28:13

Ku ngiasasubusubu ku lapasalrivane, kai lri kasulivalivate; ku ngiathathingale ku tapasalrivane si ngitatupela, ku Twaumase lri kakalithi iniane.

Isaiya 56:4

Ku Tamatama amia kai liniane, “Alaiyasi paluludu numi ki Taisadrasadrane ka vai, si pia ku kadalameli ku awngane, la paluludu ku kiketeketeli,

Yerimia 3:13

Sana ngithathingalesu ku pasalrivanesu, pelaela ala ka pasalriusu ki Tamatama ka Twaumasesu, ka naiyakaisu ki tailebe ki sanaka angatu mapapasalriu ki twaumase ki maelane ka kuni, baebalrenga ki drekaseli. Tamatamaku; ka amia kikai pelaela.

Izikile 18:30

“Lakamani, swa Iseraylri, kwaku ka abebeelengenga ka Tamatama amiaku kai pelaela numiane: Lri singikaiyaku ku kakwakudhane numi ka tangeea saibange numiane. Kunumi ngitatupela, katwasa ki ngialisiane ka kadalranane, amani lu amudu numiane kwi pasalrivane numi.

Yuhani 9:24

Kwini lalasu la peelanga dawlu kwini ki singika vavalake kamukici, si iya kai iniane, “Tara tukapatengatengana icucubungu ki Twaumase kawriva! Wathingale nai ki Yesu ka yakai ku pasalrivane ka umawmase.”

Ruma 12:2

Madha kimalramalra si singikaikai ki kawmasane, ani ka Twaumase ku pakiatulrepenge pakabalrithi ki takidremedremane numi, lri thingale numi ku takidremedremane ki Twaumase, si thingale ka manemane ku ulecegane, ku kiatulrepenge, kamani ku kiragaini.

2 Kurintu 6:17

Ngwalai kai ku Tamatama la iya kai: Kunumi yai katwasa liniane, twaladha liniane kainganai kitukudha, madha kisaelaela ku kaika mabula ku lamanemane, la nau tarumara numiane.

Kulusia 1:10

Lu kamiyaiya kai, ku tapanianianiakane mamamwa ku ani pia kwini iya ki Tamatama, sanaka maneemane pakiragadha iniane. Laka thadalrane, lri ikai ki apanianiakane numi pumadru ku makaelaela ku mathariri ka madru, ku athingalane papia ki Twaumase lai aru adili.

Yesua 7:19

Ku Yesua la iya kai ki Akange, “Lalakeli, tukapatengatengana ngipapelaela ku pasalrivanesu ikai cucubungu ki Tamatama ka Twaumase ki swa Iseraylri. La pelaelaili, watumanesu; madha sesesekete nakwane.”