Izera 1:7 - Ngudradreadrekadhane Ka Sisiu 魯凱語聖經

⁷ Ku tinuhika ka Sairuse la malra kwidra namaalra saka talialalai ku Nibukadenezere patwalai Yerusalrime ki daane ki Tamatama ravase, si pikai ki biuini ka kupu si kisi sawlri baai liniane.

Izera 1:7 Iomraidhean Croise

2 Latalialalai 24:13

la malra patuelre ku lazaisange ikai ki daane ki Twaumase si daane ki talialalai iluku pwa ka Babilunia. Mararaamau ku tasakaladhane ki Tamatama, kwini lasu la malra kudra darepe ki Sulumungu ikai ki daane ki Twaumase ku lakingi ka lawbubulu patuelre pakalalisi.

2 Lacaili 36:10

Sakadrusa ka caili ki kalarigarigane, ku talialalai ka Nibukadenezere wamalra ki Yehuiacingi si latinukucingaalrane ka lalawbubulu ki daane ki Tamatama ravase mwa Babilunia, ala cegecege ki Zidikia ka agi ki tamaini atalialalai ki swa Yuda si Yerusalrime.

2 Lacaili 36:18

Ku talialalai ki swa Babilunia waburuburu ki daane ki Twaumase, ki talawbubulane ki daane ki Tamatama, si latinukucingalrane ka lawbubulu ki talialalai si latabebelengeini, malra pakanaelrenga ku lamanemane iluku mwa Babilunia.

2 Lacaili 36:7

Ku Nibukadenezere la malra ngubebekele ku la tinukucingalrane ikai ki daane ki Tamatama si iluku mwa Babilunia ki daaneini ka talialalai.

Izera 5:14

si sawlri baai ku twalai ki Nibukadenezere ka nipatwaladhane Yerusalrime ki daane ki Twaumase ravase la pikai ki biu ki swa Babilunia ka latakaiyane ka kingi gingi. Ku tinuhika ka Sairuse wamalra kikai latakaiyane si baai ki Sisebazare; kikai lasu amani ku sikawlu ki tinuhika ka Sairuse asiwciu ki swa Yuda.

Izera 6:5

Kudra malra ki talialalai ka Nibukadenezere twalai ki daane ki Twaumase Yerusalrime mwa Babilunia ku kingi ka takaiyane mialria sawlri pwa Yerusalrime ki daane ki Twaumase, si pwa kwidra ki natapikaiyane.”

Yerimia 51:44

Lri pathavungaku ki twaumase ki swa Babilunia ka Bile, si vutha iniane baai ku niravasane ku tacekecekelane. Ku lakuni kai lri sukubunga iniane. “Ku raedre ki cekele ki Babilunia mwakadrulunga!

Daniele 1:2

Ku Tamatama palraingi iniane ravase ki talialalai ka Yehuiakime, si malra iluku kivala ku lawbubulu ki daane ki Twaumase. Kwi Nibukadenezere wailuku ki kiaravase pwa ki biu ki swa Babilunia, ku nimalrane ku takuciacingalre ku lawbubulu la pikai ki drawsulu ki biuini.

Daniele 5:23

ngiakalrilriigulringasu, si kitubadha ki Tamatama ka yabelenge. Wamalrasu salri putaluvaivai kudra ribicini patwalai ki daane ki Twaumase ku lakupu si lakisi, la arakaisu ungulu si paarakai ki latabebelengesu, lataelrelresu, si drumane ka lalabaibaisu, si drengedrengedrengere kwini ki laniarakaiyane ku kingi, gingi, lriwlu, adreme, angatu, si lrenege tu twaumase, ka amani kudra la kai maka wadulru drele, kai maka wadulru kilalra, ka kadrwa ku thingale ka samiamiange. Kaisu mwasakene kudra amani ka wakelrete ki apanianiakane si apacadhanesu, ka magagemegeme ki tangivelevelanesu ka Twaumase.