Izera 1:3 - Ngudradreadrekadhane Ka Sisiu 魯凱語聖經

³ Ku Twaumase ani tapalra numiane ka kawkawluini. Lri katwase numi mwa Yuda ka Yerusalrime, si tupela tudaane ku daane ki Tamatama ka Twaumase ki swa Iseraylri; amani ku lri ikai Yerusalrime kisukubu ka Twaumase.

Izera 1:3 Iomraidhean Croise

1 Latalialalai 18:39

Ku mapapangale sa drele la makitu guruthungane ikai daedae, akwadrau karaleale, “Ku Tamatama yai Twaumase; kathane ku Tamatama ka Twaumase!”

1 Latalialalai 8:23

Kwi lasu wainulri iya kai, “Tamatama ka Twaumase ki swa Iseraylri, kai belenge kai kawmasane kadrwa ku drumane ku Twaumase ku lri maka kiramau muswane! Pangiamiasu ku takiketeketanesu ki kawkawlusu: Alaiyasi la salikavaeva ku kidremedreme kwi lalasu pasalaladha muswane, ala pathingalana ku thalradhanesu papia liniane.

1 Lacaili 28:20

Ku talialalai ka Davidi kawariva ki lalakeini ka Sulumungu, “Kusu kakecenga! La kagarange! Kikai pathagilanga, madha mukuludru, la madha kasekelrakelrame. Ku sukusukubuli ka Tamatama ka Twaumaseli lri tapalra muswane, kai lri cilri muswane, lri tapalra muswane, pakela ku apatulrepenganesu ku tatudaanane ku daane ki Twaumase.

Izera 1:4

Alaiyasi ikai ki acaicali ka laumawmase, lu kiparalubu lai lri maka dulru siwlri; ku lapasiagiagisi lri paralubu liniane, baai liniane ku kingi gingi, lawbubulu la nilapulapwane, si lri ikai Yerusalrime ki daane ki Twaumase patarumara ku Ngipapalraingini patarumara ka lrisi.

Izera 4:3

Ku Zerubabele, Yesua si latamatama ki zuku la pelaela liniane, “Kai nai mwarikai ku akiparalubane numiane, ku apasikaiyane ki Tamatama ka Twaumase nai tudaane ku daane ki Twaumase. Kunai lri pasusu nai ku tacunane ki tinuhika ki swa Perisia ka Sairuse ngikakamani tudaane.”

Izera 5:13

Sakabilrilinga, saka taracaili ku takatinuhikanane ki Sairuse ki swa Babilunia, la drekase tupela tudaane ku daane ki Twaumase,

Izera 5:3

Taswamasilasilange kikwini, ku siwciu ki swa tali Sapakalriwgu kadravane ka siu ka Yuparatise ka Tatenai, Sethare Buzenai si la rededelaneini la kirarimu mwa Yerusalrime, kaelaela kivavaga liniane, “Aneane kwini palraingi numiane tudaane si pudriadringai kai ki daane ki Twaumase?”

Izera 6:7

madha thethengete kwini ki atudaanane ku daane ki Twaumase. Ani pikai kwini ki nataikaiyane tupela tudaane ku daane ki Twaumase ku siwciu ki swa Yuda si lamarudrange ki swa Yuda.

Lasenai 132:13

Ku Tamatama wapilringa Ziyungu; ku Twaumase twataikaikaiyaneini ki kavai.

Lasenai 83:18

Kwi lalasu ani thingale ala ka kathanesu ku Tamatama! Amanisu ku Abebeelengenga ka magagemegeme kai kawmasane!

Isaiya 37:16

“Tamatama ka abebeelengenga ki sanaka kwapingi, ka wanene ikai belenge ki taetalane ka Kirubime ka Twaumase ki swa Iseraylri, vaevasu ka Twaumase. Marasiakaisu kai kawmasane ki sanaka kuni; wabekacesu belenge kawmasane.

Isaiya 44:28

Amiaku kai ki Sairuse: Atalingikaiyanaili lapu, si pia kaungu ku takidremedremaneli. Kusu drekasa ku atupelane tucekele Yerusalrime, drekase ku acegecegane ku karwalai ki daane ki Twaumase.

Isaiya 45:5

Tamatamaku, kadrwanga ku drumane; kathanaku kadrwanga ku drumane ka Twaumase. Adravane kaisu thingale nakwane, lri patarumaraku baai muswane ku puku.

Yerimia 10:10

Tamatama, kathanesu ka patengane ka Twaumase, ka palralrawthu panianiake ka Twaumase, palralrawthu ka talialalai. Sana kalisisu, kai kadaengane lri lingilingi; ikai ki lisianesu kai lri maka acegecege sanaka kuni.

Daniele 2:47

Ku talialalai amia kai, “Amani sa lalrwaisu kikai kaika athingalane ka matiasamaimali, wathingalaku ki Twaumasesu ka sanianiangenga ki latwaumase, Tamatama ki sanaka talialalai, padrele ku kaika athingalane ka matiasamaimali ki Twaumase.”

Daniele 6:26

Kaiasasane lri drekasaku, ikai ki tarathudaneli ki latabebelenge ki kuni, lri tara musakene mukuludru ki Twaumase ki Daniele! Ku Twaumase palralrawthu panianiake ka Twaumase; ku Twaumase lrika palralrawthu rathudu. Ku lrekeme ki Twaumase lrika palralrawthu ikai; ku pukuini kadrwa ku taalikaiyane.

Matai 28:20

si bulru liniane ku apaluludane ku baaili numiane sanaka padradrekaseli. Pulringava! Lrika tatapalraaneli numiane, pakeela ku talikaiyane kai kawmasane.”

Nisikawlane 10:36

Wathingale numi, ku Twaumase pangwakai ki Tamatama ki naumawmasenga ka Yesu Kirisitu pelaela kudra rathudane ka hukuingi, si baai ki swa Iseraylri.

Tapelane Drekase 32:31

Ku badha wathingale ki latwaumase lini ka kadrwa ku puku, Kai ngiamia ki tarapalakebe ki Iseraylri ka maadrau ku puku.

Yesua 1:9

Kusu pulringaava kai drekaseli: Kagaranga, kagalremegeme ku kidremedreme! Kai mukuludru, kai kasekelrame; asi lwiyane adravane muinininusu kwaku ka Tamatama ka Twaumasesu lri tara tapalra muswane.”