Hiburu 2:3 - Ngudradreadrekadhane Ka Sisiu 魯凱語聖經

³ Lukamiyaiya kai, alaiyasi tudrekaseta kikai maadrau turamuru ka sapalribulane, tumane maka mubere ku sapathavungane? Ku Tamatama amani ka aswalanga pelaela kikai sapalribulane, kudra la kialalranga ku umawmase, la papia mitane patengane iya.

Hiburu 2:3 Iomraidhean Croise

Isaiya 12:2

Drela! Ku Twaumase amani ku Takipalribulribulaneli; masalrwaku iniane, kainaku mwakuludru. Ku Tamatama amani ku pukuli, amani ku senaili; kwi lasu palribulunga nakwane.

Isaiya 20:6

Lukamaninga kwidra, kudra yakaikai Pelisitine ki ngwababiabila ki laveke ku laumawmase lri iya kai, ‘Drela, kudra satalutaluta, kalri paralubu mitane kiecebe ki umawmase ki tinuhika ki swa Asiria anika paramiakai! Lri maka dulruta tumane mubere?’ ”

Isaiya 51:5

Lri makakaaiyaku palribulu liniane; ku apamalebeaneli lri kelanga. Lri ngikakamaniaku rathudu ki sanaka kuni; ku yadaili turamuru ku lakadaengane ka yakai kabicelrakane ki laveke mwakalavalava nakwane, sidramadrama ku amwaneli palribulu liniane.

Isaiya 51:8

kwi lalasu lri mia ki puripurici ka laimai ka kiakane ki lubalubai. Ai ku sapalribulaneli kai lri idrengere apalralrawthu; ku tapamalebeaneli lri ikai palralrawthu.

Isaiya 62:11

Ku Tamatama papia kawmasane pelaela: Pelaela ki yakaikai Yerusalrime ka laumawmase, ku Tamatama lri palribulu liniane; lri malra ililuku siwlri ki palribuluini ka laumawmase.

Izikile 17:15

Ai ku talialalai ki swa Yuda wabalre. Kwi lasu pakatwase ku kiasikawlu mwa ka Izipiti si kitubi ku akiparalubane pakela ku sakikaruburane ku rigi si takaalra ku kwapingi. Kwi lasu lri maka dulru pangimia? Kwi lasu lri maka dulru kidaili? Kwi lasu lri maka dulru kabebetethe kwini samakaketeketane si kai lri kipathaavungu?”

Izikile 17:18

Kwi lasu wabaebalre ki samakaketeketane. Paiya kikai patueelre, kaiasasane kai lri maka muberenga.”

Matai 23:33

Siduduku ka sulrau si mwabaibalrithi ki siduduku ka sulrau, lri tumane numi ubere ku sapathavungane ki swakai swadriadringi?

Matai 4:17

Twalai kwini pathagili, ku Yesu peaelaela ku vaga iya kai, “Ngitatupela! Asi lwiyane lri padaalrunga si kela ku kuni subelebelenge.”

Maruku 1:14

Ku Yuhani sa kiemenge ikai takiememenganenga, ku Yesu la mwa Galrilri, pelaelaela ku hukuingi ki Twaumase.

Luka 1:2

Ku tapelaelane lini laka singikai kwidra ki wadrelenga sakapathagilane patakamacamaca ku tangimiane kilakikai, si kudra tapelaelane kwidra ki napasalraelrenga kai ki matiakiragai ka vaga.

Luka 1:69

Patwalai ki daane ki Davidi ka sasiakawluini, pasiakai mitane pacegecege ku tangea ka wadulru ki manemanenga ka Takipalribulribulane.

Luka 24:19

Ku Yesu la iya kai, “Lakamanemane?” La tubalre kwini lalasu, “Amani kudra patharwakai ki swa Nazarethe ka Yesu! Yuginsia kwini lasu, ikai cucubungu ki Twaumase si umawmase, lu kawriva lu twatumane sapukwane turamuru;

Yuhani 15:27

Lakamiyaiya numi, lri pasikai numi nakwane pelaela, asi lwiyane singipathagili numi ikai taelre nakwane.”

Nisikawlane 2:22

“Sakacekeleli ka swa Iseraylri, kilalra kai vagali. Ku atara piane ki swa Nazarethe ka Yesu ka maadrau ka awngane, athingalane ka twalai ki Twaumase si pangukai ki tapianeini ku pinangu Twaumasane ka puku, si palrealrebane ka puku, matiasamali ka awngane, papianga numiane putaluvaivai. Kikai ngimiyaiya kai wathingale numi patuelre, asi lwiyane ngiamia ikai numiane.

Nisikawlane 4:12

Ku sapalribulane twalai iniane sikathane kela, asi lwiyane ikai ki kiacaebe ki belenge kai kawmasane, ku Twaumase kai patarwamara ku drumane ku nagane, si lri ngukaita iniane kipalribulu.”

Ruma 11:14

Alau lri dulrwaku papathalra ki sakacekeleli si aru kisamula ku kidremedreme lini, sakai kikai si palribulu ikai liniane ku la tapiya ku umawmase.

Ruma 2:3

Ai, retesane, kwini malrasu si arakai raeratenge ki palrapalra kwini lamaneemanenga ala amani ku piapiasu! Lu kidremedremesu lri dulrusu maka ubere ku sasaibangane ki Twaumase?

1 Kurintu 1:21

Ku Twaumase arakai ku lrigilaneini, la kai maka singikai ki lrigilaneini si thingale iniane kai umawmase kawmasane; ngiabaalrelringa, ku Twaumase pangukai kudra pelaelaelata kudra “Makulrungu” ka hukuingi si palribulu ki masalru iniane ka umawmase.

1 Tisaruniki 5:3

Lu iyaiya kai makanaelre, “Kai matumane masulivaliivate patuelre” iya, ku amatikurwane lri pangitutuluku kela, mararaamau ki lri tulalake ka ababai lu kiangeange si lri padaalrunga tulalake. Kwi lalasu kai lri maka ubere lutuumane.

1 Timuthi 1:15

“Ku mulebe ki Yesu Kirisitu yai lri palribulu ki mapasaisalriu ka umawmase”, kikai vaga kai yai matiasudralru, ka swadalepe tarumara patuelre. Kwaku yai mangangaanganga naku ki pasalrisalriu ka umawmase.

Titu 2:11

Asi lwiyane ku sapalribulane ki Twaumase ki sanaka umawmase ka migemi athingalanenga.

Hiburu 1:1

Ikai sakanadruma, ku Twaumase kingikalrale arakai ku taikalrane ku saarakaiyane, pangukai ki yuginsia kawriva ki cucungulaneta;

Hiburu 1:14

Lu mia kwini, kai sasiakawlu belenge laka manemane? Pasiakaikai ki Ri ki Twaumase; ku Twaumase siakawlu liniane pakainganai si paralubu kwini ki la lri tarumara ku sapalribulane.

Hiburu 1:2

ai ikai kikai ki satwalrepenge ka vai, pangwakai ki Lalakeini kawriva mitane. Kikai Lalake, ku Twaumase napangwakainga iniane bekace kai ki kiacaebe belenge, si la pilri iniane paucungulu sanaka manemane.

Hiburu 12:25

Lakamani, kunumi dradreela, madha pasiwlriwlri kudra kawariva numiane. Asi lwiyane ku kai tarwamara kwidra ki yakai kawmasane pelaelaela ku hukuingi liniane, kai lri dulru ubere ki pasalrivane, alaiyasi kaita tarumara kudra ki twalai belenge kawriva mitane, lrika makuciacingalre ku akatwasaneta ki pasalrivane!

Hiburu 4:1

Kudra palrainginga mitane ku Twaumase pakisupilri ku baaini ku aisadraneta, lata pikai ku sawakukuludru ku kidremedreme, amani lu ikai ku umawmase ku kai pangiamia kia iya ki Twaumase, si kai maka malra ku taisadraneini.

Hiburu 4:11

Lakamani, takisamula mwa kwini ki taisadrasadrane, lukamiyaiya kai, anika aneaneane kai lri ngimianga kudra ki la pathaele ku drekase si tubakebake amalebe.

Hiburu 5:9

Ku Twaumase kudra padarurunga iniane mwa ki kiatulrepenge, amaninga ku tangadrane ki palralrawthu ki akipalribulane sanaka pasalaladha iniane.

Hiburu 9:28

Laka thadaalrane, ku Kirisitu kingivavaale patarumara, si mwalra ku pasalrivane ki takaalra ki umawmase. Lu pelanga utaluvaivai, kailri kiecebenga ki pasalrivane, lu kela lri palribulu ki mwakalavalava iniane ka umawmase.

1 Yuhani 1:1

Kikai pacase nai tigami pelaela numiane patharukai kwidra ki twalai sa taupathagili ka yakaiinga ka vaga ki niake. Kikai patharukai ki niake ka vaga, kilalranga nai, patakamacamacanga nai drele; unu, wadrelenga nai, la sulrapenga nai.

Yuda 1:17

Ai, kinilibakane ka latalrailragi, madha karimurimuru ku taiyane ki lasasiakawlu ki Tamatamata ka Yesu Kirisitu.

Nipadrelane 7:10

Kwi lalasu la akwadrau tawtau iya kai, “Ku sapalribulane twalai ki wanene ikai ki taetalane, ka Twaumaseta si Lrulai ka Kiu, kainganai!”