Hiburu 1:3 - Ngudradreadrekadhane Ka Sisiu 魯凱語聖經

³ Kai lasu amani ku paledra ku ledra ki Twaumase, ka pakiatulrepenge putaluvaivai ku kinawmasane ki Twaumase, arakai ku puku ki vagaini pawlrudru sanaka maneemane. Samwalranga bula ku pasalrivane ki umawmase yai, la takaenenenga ikai belenge ki vanale ki sapupukuanenga.

Hiburu 1:3 Iomraidhean Croise

1 Lacaili 29:11

Madradrawngasu, yakai ku pukusu, lrigu, kiamathingathingale, matiasalru. Kai belenge kai kadaengane patuelrenga sanaka manemane muswane; talialalaisu, ka amani ka wagemegeme sanaka kiabekace.

Yubu 37:22

Talikai dradha mwataluvaivai kwi kikingiane ka ledra; ku lrigu ki Twaumase pamwakuludru mitane.

Lasenai 110:1

Ku Tamatama kawriva ki tamatamali iya kai: Nenea ikai vanaleli, pakela ku tapamakianeli ki badhasu si kusange ikai lebe ki drapalesu.

Lasenai 75:3

Adravane lridrawdrawdrau kai kadaengane si yakaikai ki kadaengane ka laumawmase, lri pakakecengaku ku karwalaini.

Wabulru 8:4

Ku vaga ki talialalai yakai ku puku, kadrwa ku umawmase kulri dulru maka kiecebe iniane.

Lrivi 15:15

Ku barakalai lri malra nguvaeva tu Balrithane ki pasalrivane ka lrisi, si patarumara, la lri malra ku vaeva tu Lama ka lrisi si patarumara. Ku barakalai lri arakai kikai tapangimiane icucubungu ki Tamatama pasikai kai ki lasu marasikai ku kiapakabula ka lrisi.

Mika 5:4

Kwi lasu lu kela, lri mia ki taraagu sirapale ki lakiuini; kwi lasu lri arakai ku baai ki Tamatama ku maadrau ka puku, lai lri pangukai ki papedrengane ki Tamatama ka Twaumaseini si rathudu ki kawkawluini. Ku kawkawluini lai lri kisupisupilringa ku sulivatane kawmasane, asi lwiyane kai yakawmasane kai umawmase lri thiingale makanaelre iniane ka amani ku saniange turamuru.

Matai 22:24

“Sinsi, ku Musi wabulru naiane, yakai ku tangea ku wapacainga ku umawmase, la kakadrwa ku lalake, ku agini la musururu sitaelrelre ki sakadaneini, lri pasikai ki takaini tulalake ku lri ucungulu.

Maruku 16:19

Ku Tamatama ka Yesu samaka kawrivanga kilakikai vaga, kiapusubelebelenge, si nene ikai vanale ki Twaumase.

Yuhani 1:14

Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.

Yuhani 1:29

Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane!

Yuhani 1:4

Kai Vaga amani ku tatwaladhane ki niake, kikai niake wabaai ki umawmase ku ledra.

Nisikawlane 2:33

Ku Yesu kiapusubelebelengenga si ikai ki vanale ki Twaumase, si patwalai ki Tamaini tarumara ku nipalrainganenga baai ka Siri, kaiasasane ku drele numi ku kilalra numi, amani kudra baai gugu ki Twaumase mitane ka migemi.

Nisikawlane 7:56

La iya kai, “Wadrelaku ngwaelebanenga ku lrawlrawdru ka subelebelenge, ku Lalake ki Umawmase la acegecege ikai tali vanale ki Twaumase!”

Ruma 1:16

Kainaku ngwakai ki hukuingi si kainu kalrumale; kikai hukuingi puku ki Twaumase, ka lri palribulu ki sanaka masalru ka umawmase, lri paswala ki swa Yuda, ala lrika sakamaelanane ka umawmase.

Ruma 8:34

La lrika aneaneana ku lri tupasalrivane liniane? Kai ka Yesu Kirisitu, amani kwidra wapacainga, ku patengatengane, nai iyaku kai kamani amani kudra siaelanenga panianiake, kikai laka yakainga vanale ki Twaumase si ngitalikaikaiyane mitane kitubi ki Twaumase!

2 Kurintu 4:4

Kilakikai umawmase kai masalru, asi lwiyane kikai Satange pakabuti liniane, la kai maka drelenga ku ledra ki hukuingi; kikai hukuingi yai patharukai ki lrigu ki Kirisitu, kai Kirisitu laka tangimiamiane ki Twaumase.

Kulusia 3:1

Twapapalranga numi ki Kirisitu sielane, kunumi tara kisamula kisilape ku awngane subelebelenge, ikai kwini, ku Kirisitu wanene ikai tali vanale ki Twaumase ka taetalane.

Titu 2:14

Ku Kirisitu pasiakai mitane ngipapatarumara, si palribulu mitane pakidaili ki ngialisiane patuelre, la kamaningata ku mabula ka umawmaseini, ka swakainga iniane, si kisamula pia ku mathariri.

Hiburu 1:13

Ku Twaumase kadrwana ku takawrivane iya kai ki naaneanenga ki sasiakawlu belenge: Bwala takaenenea ikai vanaleli, si ukalava ku apapidrurane ki badhasu ikai tailebeane ki drapalesu.

Hiburu 10:12

Ai, ku Kirisitu kingivavaale patarumara si kapalralrawthunga ngimia ku sapatarumarane ku Balrithane ki pasalrivane ka lrisi, ala nene ikai ki vanale ki Twaumase,

Hiburu 12:2

Tadrele pudriadringai ki Yesu, asi lwiyane amani ku twapathagili si twalrepenge ki salrwaneta. Kai tiakelepane icucubungu ki ziwzika, ngiabaalrelringa, pakai kwidra mwakalavalava ku sakiaragaini, kai twamanemane kwidra matikiarubwane ikai ki ziwzika pacai. Kikai yakainga vanale ki taetalane ki Twaumase nene.

Hiburu 4:14

Lakamani, tamagagemegeme kudra pelaelata si thingale ka salrwane, asi lwiyane yakai ku tangea ku saniange ka abebeelengenga ki barakalai, amani ku Lalake ki Twaumase ka Yesu, wamwanga cucubungu ki Twaumase.

Hiburu 7:27

Makakaela ki drumane ki abebeelengenga ki barakalai, kai lri paswala pasikai ki pasalrivaneini patarumara, ala pasikai ki pasalrivane ki umawmase patarumara. Kai lasu kingivavaale ngipapatarumara si kalrepenge.

Hiburu 8:1

Ku tangadrane ku mapelaelaelata miyaiya kai: Yakai ku miyaiya kai ku tangea ka abebeelengenga ki barakalai; kai lasu wanene ikai ki vanale ki yakai belenge ka sapupukwanenga.

Hiburu 9:16

Sana ka niaulriwlriane lri tara pelaela ka wapacainga kudra amani ku waulriwlri,

Hiburu 9:26

anaka miyaiya kwini, twalai satau bekace kawmasane, nai kingikalrale kipakwalri. Ku Kirisitu kingivavaale patarumara si la kalrepenge, ikai kikai ki apalikaiyanenga kawmasane, ngiatatu sapatarumarane ka waudriwdripi si patarumara, bula ki pasalrivane.

1 Pitiru 1:21

Ngwakai iniane, masalru numi kwidra pasiaela iniane twalai ki wapacai, si baai iniane ku lrigu ka Twaumase, lakamani, ku salrwane numi si sasiadradrama yaelreelre patuelre ikai ki Twaumase.

1 Pitiru 3:22

Ku Yesu Kirisitu wamwanga belenge, kikai la ikai vanale ki Twaumase, kaamani ka warathudu patuelre ki sasiakawlu belenge si maerece ki ngwababelenge.

2 Pitiru 1:16

Kudra pelaela nai numiane ku pangukai ki puku si akelane ngusela ki Tamatamata ka Yesu Kirisitu, kaika nipatwaladhane kwidra ki nitubeabekacane ka la kaika patengane kwidra nipatululane ka vaga, patakamacamaaca nai drele ku takasanianganeini.

2 Pitiru 1:17

Sa twalai ki Tama ka Twaumase tarumara ku takasaniangane, si lrigu yai, yakai nai makanaelre. Sa kamani kwidra, ku abebeelengenga ka lrigu ka Twaumase amia kai iniane, “Kikai amani ku kathalraili ka Lalake, madalamaku iniane.”

1 Yuhani 1:7

Ai, alaiyasi ikai nai ki ledra ku tacekecekelane, mia ki Twaumase ka yakai ki ledra, yakainga ku tamaelreane nai, ku erai ki Lalakeini ka Yesu pabanau ki pasalrivaneta patuelre.

1 Yuhani 3:5

Wathingale numi, ku pacugane ku mutaluvaivai ki Kirisitu yai lri mwalra ku pasalrivane ki umawmase, kadrwa ku pasalrivaneini.

Yuda 1:25

Kikai vaeva ka Twaumase ka kadrwa ku sakadrusaini, pangwakai ki Tamatamata ka Yesu Kirisitu si palribulunga mitane. Ani kaamani ku wamalra ku lrigu, papedrengane, puku, si lrekeme, twalai kunadruma pakeelanga kaiasasane, pakela palralrawlrawthu. Amingi!

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.

Nipadrelane 4:11

Tamatama nai, Twaumase nai! Swadalepesu tarumara ku lrigu, ku kiwsakenane, si puku ka lrekeme. Wabekacesu sanaka manemanenga; ku takibekacane ki sanaka maneemanenga, ala maka dulru panianiake, singikai ki takidremedremanesu patuelre.