Amuse 9:7 - Ngudradreadrekadhane Ka Sisiu 魯凱語聖經

⁷ Ku Tamatama amia kai, “Swa Iseraylri, makalithaku ki swa Kuse, mia lu kakalithaku numiane. Waililukaku ki swa Pelisitine katwase Kerete, la ililukaku ki swa Siria katwase Kire, mararaamau sa patwaladhaku Izipiti ililuku numiane katwase.

Amuse 9:7 Iomraidhean Croise

2 Latalialalai 16:9

Ku Tigelathe Pilesere la palraingi ku kitubi ki Ahaze, la sangiluku ki kwapingi mwa kikaruburu ka Damasekuse, la malra kwini ki cekele, si papacai ki talialalai ka Rizingi, si malra ravase ki mapapangale pwa kavai Kire.

2 Lacaili 14:12

Ku Asa si kwapingi ki swa Yuda sa kikaruburuburu ki Kuse, ku Tamatama la pamalebe ki kwapingi ki Kuse. Kwini lalasu la mubere;

2 Lacaili 14:9

Ku talialalai ki swa Kuse ka Zera la sangiluku ku taidai ka kudrai ku kwapingi si tulru ka idai ku sakikaruburuburane ka palridingi kikaruburu ki Yuda; kwini lalasu wakela Maresa.

Takatwasane Izipiti 12:51

Ku Tamatama la pikai kwini ki vai sangiluku ki lazuku ki swa Iseraylri katwase Izipiti.

Isaiya 20:4

Ku tinuhika ki swa Asiria lri patwalai kai ki drusa ka kuni ravase ki laumawmase, lai lri mulaimai liniane patuelre; lu kamani kwidra, adravane ka tarudrawdrange ka lavavalake, lri vilralrakane makanaelre, si ka ngukekece, lai lri kiarubwane ku swa Izipiti.

Isaiya 22:6

Ku tarangurigirigi ka kwapingi ki swa Ilame wakelanga, ku lraili paswaete ki talrailane. Ku ngwalalebe ka kwapingi ki swa Kire wakelanga, padulrwa ku akikaruburane.

Isaiya 43:3

Asi lwiyane Tamatamaku ka Twaumasesu; sanianiangenga naku ki swa Iseraylri ka takipalribulribulanesu. Lri malraku ki swa Izipiti tusabalrithane sawlri ki angilralrainganesu; lri patalingikaiyanaku ki swa Kuse si swa Seba pasikai muswane kwalri.

Yerimia 13:23

Ku maicelrenge ku umawmase wadulru pakabalrithi ku lrangicini? Ku lrikulau lri dulru mwalra ku kulawini? Alaiyasi dulru, kusu ka twalrawnga pia ku malisi ka umawmase lri mialrisu pia ku mathariri.

Yerimia 47:4

Ku akiamudane ki swa Pelisitine ku vai wakelanga; kulri kela paralubu amudu ki Tayre si Sidune ku vai wakelanga. Tamatamaku kalri amudu ki swa Pelisitine, la amudu ki twalai Kerete ka kabicelrakane ki laveke ki ngwababiabila ki laveke ka lanisurane ka umawmase.

Husia 12:13

Ku Tamatama siakawlu ku tangeea ku yuginsia mwa ka Izipiti, si palribulu kainganai kwini ki lakia tuduri ka swa Iseraylri, si arakai ki yuginsia sirapale liniane.

Amuse 1:5

Lri burukaku ku lrawlrawdru ki cekele Damasekuse, si papacai demedeme ki yakai dratane Avingi ka laumawmase si abelenge ka tarasangililuku ki swa Bithe Edenge. Ku laumawmase ki swa Siria lri kiravase pu Kire.” Ku Tamatama amia kai pelaela.

Amuse 2:10

Wamalraku numiane patwalai Izipiti, ikai calragulragu la ililukaku numiane taramasupatele ka caili, la baadhaku numiane ku kadaengane ki swa Amuri.

Tapelane Drekase 2:23

Kwini la singikai Kerete ku umawmase nayakai kwini ngwa babiabila ki laveke Miditerania; kwini lalasu waamudu kwini ki naswakai kwini ki laumawmase ka swa Avime, si drikisi malra kwini ki kadaengane lini, daruru kavai tali lrawdru ka cekele Gaza.