Amuse 9:15 - Ngudradreadrekadhane Ka Sisiu 魯凱語聖經

¹⁵ Lri malraku ki kawkawluli si lredreke pikai ki patarumarali baai liniane ka kadaengane; kwi lalasu kai lri kiakucunga patalabalace lutumane. Ku Tamatama ka Twaumase numi amia kikai pelaela.

Amuse 9:15 Iomraidhean Croise

Lasenai 44:2

Ngiakakamanisu ka pakatwase ki maelane ka zuku, la ikaisu ki kadaengane lini lapu ki kawkawlusu; pathavungusu ki lakuni, si pangiradhekane ki kawkawlusu.

Lasenai 80:8

Twalaisu Izipiti iluku ku vaeva ka cebe ki budu; pakatwasesu ki maelane ka zuku, si lredreke kikai angatu.

Isaiya 60:21

Ku laumawmasesu lri arakai ku dringelresane kaungu; kwi lalasu lrika palralrawthunga ucungulu kai ki kadaengane. Ngiakakamaniaku bekace liniane, si twadrau liniane, pakai ku apathingalanane ku lriguli.

Yerimia 16:15

Lri iyalringa kai, ‘Lri papiaku kudra waililuku ki swa Iseraylri katwase kudra kadaengane ki swa tali dradha, ililuku liniane patwalai ki tamwane lini ka lakuni siwlriwlri ka palralrawthu panianiake ka Tamatama kiketekete.’ Asi lwiyane lri ililukaku liniane siwlri mucekele, mwa kwidra patarumarali baai ki cucungulane lini ka kadaengane. Tamatamaku; ka amiaku kai pelaela.”

Yerimia 23:8

Lri iya kai, ‘Lri papiaku ki amani kwidra waililuku ki swa Iseraylri katwase ki kadaengane ki swa tali dradha, ililuku liniane patwalai ki tamwane lini ka lakuni siwlriwlri ka palralrawthu panianiake ka Tamatama kiketekete’. Lu kamani kwidra, kwi lalasu lri ikai ki cekele lini kapapeedrenge piapia ku awngane lini.”

Yerimia 24:6

Lri paukalriivilaku sirapale liniane, lai lri ililukaku liniane siwlri mwa kikai ki kadaengane kai. Lri cegecegaku liniane, si kai buruku liniane; lri twadravaku marasikai liniane, si kai akucu liniane.

Yerimia 3:18

Ku swa Iseraylri si swa Yuda lri ngielre; kwi lalasu lri karededele katwase kudra taacaicaliane lini ka kadaengane kavai tali kai dradha, si lri siwlri mwa kai patarumarali baai ki cucungulane lini ka palralrawthu ka tacekecekelane lini ka kadaengane.”

Yerimia 32:15

Asi lwiyane ku Tamatama ka abebeelengenga ki sanaka kwapingi ka Twaumase ki swa Iseraylri nakawarivanga, ku umawmase lri tupela ikai kai langai ku ladaane lakadaengane, si babudubudu.”

Yerimia 32:37

Sa icengecengaku kalisilisi pakatwasaku ki kawkawluli pwa ki lakuni. Kikainga lri patwaladhaku ki lakikwini malra sarubu liniane, si ililuku liniane siwlri kainganai, lai lri ikai kai kasulivaliivate cekecekele.

Yerimia 32:41

Lri savaevanga naku ku kidremedreme pasikaikai ku angiesadhanane lini, kai lalasu lani ikai kai ki kadaengane ikai ku balace ikai ku karwalai.

Yerimia 33:7

Lri pasiwlriaku mubalriu ki swa Yuda si swa Iseraylri, si tupela tucekele.

Izikile 34:28

Ku lakuni kai lri ravasenga liniane; ku lawaudriwdripi lai kai lri kanenga liniane. Kwi lalasu lri kathaithaithaariringa cekecekele, kai lri kikukuludrunga ki naaneeanenga ki umawmase.

Izikile 37:21

Ala lri pelaelasu liniane, kwaku ka abebeelengenga ka Tamatama lri malraku ki kawkawluli patwalai ki taacaicaliane lini ki lakuni ililuku kainganai, si sarubu liniane, lai lri ililukaku liniane siwlri mubalriu.

Izikile 37:25

Kwi lalasu lri ikai kwidra patarumarali baai ki sasiakawluli ka Yakubu ku kadaengane, ka amani kudra nataikaiyane ki cucungulane lini kudra kadaengane. Kwi lalasu lrika palralrawthunga ikai kwini, ku mwabaibalrithi liniane lai lri mialri ikai kwini. Yakai kudra tangea ku mia ki sasiakawluli ka Davidi ka talialalai lrika palralrawthunga rathudu liniane.

Yuile 3:20

Lri bilriaku ki badha pasikai ki kiakabebetethe; kai nau lri pisadra ki pasalriu. Ai lrika palralrawthunga ikaikai ku umawmase Yuda, kai Yerusalrime lrika tasueteane ku umawmase pakela ki lagagagane. Kwaku ka Tamatama lri ikaiyaku lregelrege Ziyungu.

Mika 4:4

Ku laumawmase lri ikaainga ki umawma lini ka babududu, lri ikai tailebe ki twaicizike ka angatu, si kisupisupilri ku sulivatane kawmasane; kadrwanga ku umawmase kulri paukuludru liniane. Ku Tamatama ka abebeelengenga ki sanaka kwapingi paiya kikai pukawnu.