Amuse 9:14 - Ngudradreadrekadhane Ka Sisiu 魯凱語聖經

¹⁴ Lri ililukaku ki kawkawluli ka swa Iseraylri siwlri mwa ki nacekele lini; kwi lalasu lri tupela tucekele kudra maburukunga ku cekele, si lrika palralrawthunga ikai kwini; kwi lalasu lri tupela kaungu tuumawma ku babudwane, lai lri ungulu ku tubava lini; kwi lalasu lri tupela tuivaivai, si kane ku lamadru.

Amuse 9:14 Iomraidhean Croise

Lasenai 107:37

Kwi lalasu twaumawmawmanga pawtaletaleke, duku ku budu, si ngiesadhane ku takitalekane.

Lasenai 53:6

Ku apalribulane ki swa Iseraylri ani twalai ka Ziyungu kainganai! Luka amani kwidra, ku Twaumase lri pasiwlriwlriane ki kawkawluini pudriadringai tucekele. Lri itituku ki sakiararagai ku lagagane ki Yakubu; ku laumawmase ki swa Iseraylri lri kiraragai.

Isaiya 60:4

Drela ki ngiathalringulu muswane luka watumane: Kwi sakacekelesu yaelrelrenga, kwi lalasu lri siwlri mutavanane. Ku lalakesu ka sawvalai lri singikai adaili kainganai; ku lalakesu ka ababai lri mia ki lrulai kiaba kainganai.

Isaiya 61:4

Kwi lalasu lri pela pudriadringai ku tawlrakavane kunadruma, lri tupela ku natayelrelrelreane kunadruma; kwi lalasu lri tucekele kudra maulainga kababuruku ku cekele.

Isaiya 65:21

Kwi lalasu twadaane, la ngimamwa ikai; kwi lalasu walredreke ku budu, la ngiaungulu ku tubava lini.

Yerimia 12:15

Ai, lu akucunga naku liniane, lri pelana naku kakalithi liniane, ku lrika asiwlrianeana lini mubalriu.

Yerimia 16:15

Lri iyalringa kai, ‘Lri papiaku kudra waililuku ki swa Iseraylri katwase kudra kadaengane ki swa tali dradha, ililuku liniane patwalai ki tamwane lini ka lakuni siwlriwlri ka palralrawthu panianiake ka Tamatama kiketekete.’ Asi lwiyane lri ililukaku liniane siwlri mucekele, mwa kwidra patarumarali baai ki cucungulane lini ka kadaengane. Tamatamaku; ka amiaku kai pelaela.”

Yerimia 23:8

Lri iya kai, ‘Lri papiaku ki amani kwidra waililuku ki swa Iseraylri katwase ki kadaengane ki swa tali dradha, ililuku liniane patwalai ki tamwane lini ka lakuni siwlriwlri ka palralrawthu panianiake ka Tamatama kiketekete’. Lu kamani kwidra, kwi lalasu lri ikai ki cekele lini kapapeedrenge piapia ku awngane lini.”

Yerimia 24:6

Lri paukalriivilaku sirapale liniane, lai lri ililukaku liniane siwlri mwa kikai ki kadaengane kai. Lri cegecegaku liniane, si kai buruku liniane; lri twadravaku marasikai liniane, si kai akucu liniane.

Yerimia 29:14

lri tara pakidringadhaku numiane. Lri pasiwlriaku numiane mubalriu si pasiwlriwlri ku tacekecekelane numi. Lri patwaladhaku numiane ki takipakatwasane numi mwa kudra ki lakuni si lakadaengane sarubu numiane, la ililuku numiane siwlri mubalriu twalai ki takiravasane numi. Tamatamaku; ka amia ki kikai pelaela.’

Yerimia 30:18

Ku Tamatama amia kai: Drela! Lri pasiwlriaku pubalriu ki kawkawluli si tupudriadringai ki cekele; lri arakaiyaku ku sakialibake marasikai ki wacekecekele ki Yakubu. Lri pasiwlriwlrianaku liniane tucekele Yerusalrime, ikai ki sakwa ka taikaiyane tupela pudriadringai ku daane ki talialalai.

Yerimia 30:3

asi lwiyane lri kelanga kudra vai, lri pasiwlriaku pamubalriu ki kawkawluli ka swa Yuda si swa Iseraylri si tupudriadringai ku daane. Lri ililukaku liniane siwlri mwa kudra patarumarali baai ki cucungulane lini ka kadaengane; kwi lalasu lri siwlriwlriane malra kikai kadaengane. Tamatamaku; ka amia kikai pelaela.”

Yerimia 31:23

Ku Tamatama ka abebeelengenga ki sanaka kwapingi, ka Twaumase ki swa Iseraylri amia kai: “Sa pasiwlriaku pubalriu ki lakawkawluli si tupudriadringai ki cekele, kwi lalasu lri peelana ikai Yuda ki lacekele iya kai: Taikaiyane ki dringelresane, ka Ziyungu ka saniange ka lregelrege, ku Twaumase ani subulrubulru muswane!

Yerimia 31:28

Nawadradrelaku papia liniane pia ku akucane, ku aburukane, ku abalreane, ku akabebetethane, si amudane ka awngane; lai lri mialriaku dradrele papia liniane pia ku alredrekane, cegecege ku awngane.

Yerimia 31:5

Lri siwlriwlri numi ikai lregelrege Samaria lredreke ku budu; ku walredreke lri kane ku twalai ki babudubudu.

Yerimia 32:15

Asi lwiyane ku Tamatama ka abebeelengenga ki sanaka kwapingi ka Twaumase ki swa Iseraylri nakawarivanga, ku umawmase lri tupela ikai kai langai ku ladaane lakadaengane, si babudubudu.”

Yerimia 32:37

Sa icengecengaku kalisilisi pakatwasaku ki kawkawluli pwa ki lakuni. Kikainga lri patwaladhaku ki lakikwini malra sarubu liniane, si ililuku liniane siwlri kainganai, lai lri ikai kai kasulivaliivate cekecekele.

Yerimia 33:11

Ku lingau ki kiarararagai mawlrakalrakalrakai si marudrarudrange ngiakanekaneane. Lai lri kilalra numi ku patarwamaramara ku Sakiaseasenane ka lrisi ka senai ikai ki daane ki Tamatama; kwi lalasu lri senai: Akiaseasenane ki Tamatama ka abebeelengenga ki sanaka kwapingi! Asi lwiyane kwi lasu masulrapele; ku sakialibakeini lri ikai palralrawthu. Lri pasiwlriaku numiane mubalriu, si tupela tucekele. Tamatamaku; ka amia kikai pelaela.”

Yerimia 33:7

Lri pasiwlriaku mubalriu ki swa Yuda si swa Iseraylri, si tupela tucekele.

Izikile 16:53

Ku Tamatama amia kai ki swa Yerusalrime, “Lri pasielaku pangiradhekane ki swa Sudume si swa Samaria si ngiathalringulu ka lacekele. Lai lri mialriaku pangiradhekane muswane.

Izikile 28:26

Kwi lalasu lri ikai kwini si ngiesaesaesadhane ku tacekecekelane, tudadaane, tuumawmawma ku babudubudu. Lri pathavungaku ki twadreadrekase ki swa Iseraylri ka ngwadadethe ka lakuni, ku swa Iseraylri lai lri kasulivaliivatenga, luka ngimiyaiya kikai, kwi lalasu lri thingale ala ka Tamatamaku ka Twaumase lini.”

Izikile 37:21

Ala lri pelaelasu liniane, kwaku ka abebeelengenga ka Tamatama lri malraku ki kawkawluli patwalai ki taacaicaliane lini ki lakuni ililuku kainganai, si sarubu liniane, lai lri ililukaku liniane siwlri mubalriu.

Izikile 39:25

Ku abebeelengenga ka Tamatama amia kai, “Ai lri kakalithaku ki mwabaibalrithi ki Yakubu ka swa Iseraylri, kwi lalasu lani pudriadringai tupela tutacekecekelane, lri palakebaku ki saniange ka naganeli.

Amuse 5:11

Twasinalrelreme numi dredrepete ki matiakukuru ka umawmase, la ribici numi ku taleke lini; lakamani kunumi lri kai numi maka ikai ki raedre numi si tudaane, lai kai numi maka ungulu ku ngitatubava numi patwalai ki babudwane numi.

Zipania 1:13

Ku tinukucingalrane ku tacekecekelane lini lri kiravase; ku daane lini kiaburuku. Kwini lalasu kai lri maka udaane si ikai ki tudaane lini palralrawthu, lrika palralrawthu kai ungulu ku twalai ki babudwane lini ku bava.”

Zipania 2:7

Ku abalu ki swa Yuda lri ravase ku kadaengane numi; lai lri ikai numi kwini agwagu ki lakiu, si apece ikai ki daane ki swa Asekelungu. Ku Tamatama ka Twaumase lini lri kakalithi liniane, kwini lalasu lai lri siwlri mwa ki cekele lini si lri tupela tucekele.