Amuse 9:12 - Ngudradreadrekadhane Ka Sisiu 魯凱語聖經

¹² ku swa Iseraylri lani dulru kikaruburu kudra ki waudripi ki swa Idume, la sawlri kudra kiamalra ku kadaenganeli.” Kikai vaga taiyane ki Tamatama ka amani ku lri pangimia kikai patueelre.

Amuse 9:12 Iomraidhean Croise

Tabekacane 27:29

Sanaka kuni ani marasikai muswane; kai sanaka umawmase ani sukubu muswane. Asu rathudu ki laretesanesu; ku lalalake ki tinasu ani makitu pidruru sukubu muswane. Ku wapusu muswane ku umawmase lri kipusu; ku swabulrubulru muswane ku umawmase lri kipakaesai.”

Tabekacane 27:37

Ku Isake la tubalre, “Wacegecegenga naku iniane ka lri atawki muswane, sanaka laretesaneini lri pasikaikai iniane makanaelre. La mialriaku subulrubulru iniane, baai iniane ku lataleke, mathariri ka bava. Lalakeli! Kikainga manemaneana ku abadhaneli muswane?”

Lasenai 60:8

Lri arakaiyaku ki Muabe tutatawdrapadrapalane, la papia ki Idume verevere ku kece; lri papiaku ki swa Pelisitine senai putariri.

Isaiya 11:14

Kwi lalasu lri ngielrenga, si kiecebe ki yakai tali sapakalriwgu ka swa Pelisitine lai kikaruburu ki yakai tali talrawane ka laumawmase. Kwi lalasu lri pamalebe ki Idume si Muabe; ku swa Amune lri pasalaladha liniane.

Isaiya 43:7

Kwi lalasu kawkawluli, ngwaladhaku ki lriguli si bekace liniane.

Isaiya 63:19

Ku tapangimianesu naiane, miasu ki amani kudra kaiyana warathudu naiane, mia nai ki amani kudra kaiyana akawkawlu muswane.

Isaiya 65:1

Ku Tamatama amia kai, “Lri makakaaiyaku tubalre si palraingi ku kitubi lini, ai kwi lalasu kai kiatubi. Mwakalavaku ku akelane lini silape nakwane, ai kwi lalasu kai wakela. Adravane ka tatawtawtaavaneli, ‘Yakaiyaku kai, lri palribulaku muswane’ iya. Ai kikai yai amani kwidra kai papia nakwane inulri ka kuni.

Yerimia 14:9

Asu miakau amani kudra kadrwa ku tangipapalakebane ka umawmase, mia ki amani kudra kadrwa ku puku ka tarakikaruburuburu? Ai Tamatama! Tengatenganesu ka yakai naiane tapalra! Amani nai ku kawkawlusu; madha cilricilri naiane.

Yerimia 15:16

Lu kawrivasu nakwane, kiacacaligiraku kilalalra patuelre. Tamatama ka abebeelengenga ki sanaka kwapingi ka Twaumase, kwaku swakaiyaku muswane; ku vagasu paswaete ku sakiaragai ki kidremedremeli.

Yuile 3:8

Lri dawlaku ki umawmase si malra ki lalalake numi la kilangai baai ki swa Yuda; kwi lalasu lai lri malra ki lalalake numi patuluru kilangai baai ki swa adaaili ki swa Seba. Tamatamaku; ka amia kai pelaela.”

Malaki 1:4

Alaiyasi iya kai ku mwabaibalrithi ki Isau ka swa Idume, “Kiakabebetethe kai cekele nai, ai lri tupela nai paacegecege tudaane”, ku Tamatama ka abebeelengenga ki sanaka kwapingi lri tubalre iya kai, “Patupela paacegecege tudaane liniane, lri pelaku kabebetethe liniane. Ku laumawmase lri tu ‘Cekele ki pasalrivane’ si ‘Akaelaelathane ki Tamatama palralrawthu ka laumawmase’. ”

Nisikawlane 15:17

Luka ngimiyaiya kikai, kwidra drumane ka umawmase, kwidra lapilrili papia nakwane kwidra lasakamaelanane ka umawmase, lri makitu kipasilape ki Tamatama.

Nisikawlane 15:18

“Kwidra twalai kunadruma si padrekadrekase kikai ka Twaumase amia kikai pelaela.”