Amuse 8:8 - Ngudradreadrekadhane Ka Sisiu 魯凱語聖經

⁸ Lri palingilingaku ki kadaengane, sanaka umawmase lri kipadradreesenge makanaelre ku akwalriane. Kai kadaengane lri ngivelevele patueelre, mia ki kadravane ka Nile lu aru kaadrau si lu aru katikiane.

Amuse 8:8 Iomraidhean Croise

Lasenai 18:7

Sakamani kwidra, kai kadaengane ngiavelevele; la tedretedrese kai tangadrane ki lalregelrege, asi lwiyane ku Twaumase maelaelaela.

Isaiya 5:25

Lakamani, ku Tamatama lri papia ki kawkawluini kalisi; lai ara alrima lrumai liniane. Kai lregelrege lri ngivelevele, ku kinawmasane ki lawapacai lri kaabate ikai thili ki kadadalranane, mia ki talrangeane. Lu kelanga kwidra, ku lisiane ki Tamatama kaina lri kawlrau, lri ara alrimana lrumai liniane.

Yerimia 12:4

Ku kadaengane nai lri tarathainwana cengelrau? Kai laubulu ki laumawma lri pakela lwigane karudame? Kai langiapalapalai ka adhadhame si wadadadavace ka waudriwdripi wapacainga patuelre. Asi lwiyane kai sakacekeleli ngialisiane; kwi lalasu amia kai: Ku Twaumase kai lri maka drele ki kakwakudhaneta.

Yerimia 46:7

Aneane kwini mia ki Nile kadravane aru kadrau ku acilai? Ku mia ki kadravane lriau aneane?

Yerimia 46:8

Swa Izipiti ku mia ki Nile kadravane aru kadrau ku acilai, mia ki kadravane lriau. Ku swa Izipiti amia kai: Lri aru kadravaku lrenepe ki kadaengane; lri amudaku ki lacekele, papacai demedeme ki laumawmase.

Yerimia 51:29

Kai kadaengane malalingilingi manugiligili, asi lwiyane ku Tamatama paiyaiyanga ku nau pia iyaiyaini, lai atawlrakavanenga kai Babilunia, kadrwanga ku umawmase kulri ikai.

Daniele 9:26

Lu ngilribatenga kikai, kudra pilri ki Twaumase ku tarasangililuku lri kivutha kipapacai; kikai cekele si daane ki Twaumase lri kikabebetethe ki lakwapingi ki tangea ka talialalai. Kikai angimiane lri ngimia ki lriau ka acilai kainganai lriau, lai malra iluku kudra padulru ki Twaumase ku amakaruruburane si akamudane.

Husia 10:5

Ku laumawmase ki Samaria ngwalai ku tapakakadrwane ki nitulwangane ka kingi ikai Bithele si mukuludru. Kwi lalasu taelre ki taramarasikaikai ki samiamiange ka labarakalai tubi, ngwalai sa ngwalranenga ku lrigu ki samiamiange ka kingi ka lwange.

Husia 4:3

Lakamani, kikai kadaengane lri kameale; kai yakai kikai kai laumawmase lri pacai kiara kadhamane. Patuelre ku langiapalapalai walrawlrakwane ka waudriwdripi, adravane ka lakange ka yakai ki acilai lri kamudu patuelre.”

Amuse 8:10

Ku tatulrisisisiane numi lri paakabalrithaku ka tasateateatedrane ki wapacai ka vai, ku senai ki mapeapeaperau lri akabalrithi awatubitubi karaleale. Lri pakikiritaku ku awlru numi, si sikaimadhane. Lri tubi numi mia ki wapaacai ku vaeva ka lalake. Kwini vai kwidra lri awngu tubitubi.

Amuse 9:5

Ku abebeelengenga ka Tamatama ka abebeelengenga ki sanaka kwapingi sana tapidrungu ki kadaengane, kai kadaengane lri ngiderenau; kai yakai ki kadaengane kai laumawmase lai lri tubi karaleale makanaelre, kai kadaengane mia ki kadravane Nile lu bawbau si aru theredre.

Nahumu 1:8

Ku Twaumase mia ki lu telebe, pudriadringai pakamudu ki badhaini; la malra ki kiaecebe iniane si pakatwase pwa ki apacadhane.

Matai 24:30

Lukamaninga kwidra, ku sapatuthingalane ku akelane ki Lalake ki Umawmase lri adrelane ikai belenge. Kai kawmasane sanaka zuku si umawmase lri tubi makanaelre; kwini lalasu lri drele ki Lalake ki Umawmase ku kiasuete ki puku si lrigu la ngukaikai ki ememe mulebe.