Amuse 8:2 - Ngudradreadrekadhane Ka Sisiu 魯凱語聖經

² Ku Twaumase la kivaga nakwane iya kai, “Amuse, wadrelesu ku manemane?” La tubalreaku, “Yakaradrarane ka lreeme ka madru ki angatu.” Ku Tamatama la iya kai nakwane, “Ku lrika alikaiyanenga ki kawkawluli ka swa Iseraylri wakelanga. Kikai lri kainaku pacepenga liniane!

Amuse 8:2 Iomraidhean Croise

Tabekacane 6:13

Ku Twaumase amia kai ki Nua, “Malrithethengaku ku amudane ki laumawmase. Kai kawmasane swaeteanenga ku tapasalrivane lini, lri pakarededelaku liniane kai kawmasane amudu.

Isaiya 28:4

Kwi lalasu kudra akabalrithinga ka namatiadadalame ka lrigu lai lri mialri kakadrwanga, mia lu tau ka kaladralrangedrangane ka tau pumadrumadru ka icizike, sana kalreme kialabutu ki umawmase si kane.

Yerimia 40:10

Lri asuraku ikai Mizepa; lu kela ku swa Babilunia, lri kamaniaku ku atalingikaiyane numiane. Lri malra numi pikai ku bava, ku madru ki angatu, ku abera ka ulrive, suru pikai ki tadrikisane numi ka cekele.”

Yerimia 5:31

Ku yuginsia atavuvulrucane sikakathane; ku barakalai ngiapapasikaikaai ribici ku puku si akaesadhane sikakathane; kai kawkawluli la kai balrebalre. Ku apathavungane ku vai sana kela, lai lri tumane kwi lalasu?”

Silringau 4:18

Ku badha maececebe saladha naiane, la kai nai lreme ikai ki kadalranane ki cekele dadavace. Ku vai nai kiasalrunga! Wakelanga ku alikaiyane nai!

Izikile 12:23

Lri pelaelasu liniane, amiaku kaika abebeelengenga ka Tamatama, lri kainaku paedhaedhalenga kikai languvavaga; ikai ki swa Iseraylri kai lri edhalenga kikai vaga. Lri pelaelalringasu liniane: Mabeanga kai vai, ku maburusi lri padaalrunga si ngimia!

Izikile 29:8

Lakamani, amiaku kaika abebeelengenga ka Tamatama: Lri pakipadradresengaku numiane ku amakaruruburane, ku laumawmase si lanilapulapwane lri kipapacai demedeme.

Izikile 3:10

Ku Twaumase la pacungulu iya kai, “Lri tara kawlrau ka umawmase, kicacaligira kilalra kai vagali, si pikai ki kidremedremesu.

Izikile 3:7

Ai ikai ki swa Iseraylri kadrwa kuna tangeeanga kulri mubangalre kilalra ku vagasu; kwi lalasu adravane ka vagali kai kialalra makanaelre. Kwi lalasu tengatengaane ka makelrathe la kakecenge.

Izikile 7:6

Kiasalrunga, wadethenga ku alikaiyane. Kiasalrungasu!

Izikile 8:12

Ku Twaumase amia kai nakwane, “Lri tara kawlrau ka umawmase, wadrelesu ki laciwru ki swa Iseraylri luka manemane ku piapia lini kibububuli? Kwi lalasu wasukusukubu ikai ki swaeete ku samiamiange. Kwi lalasu la patalunga iya kai, ‘Ku Tamatama kai wadrele naiane; wacilringa kikai.’ ”

Izikile 8:17

Ku Tamatama amia kai nakwane, “Lri tara kawlrau ka umawmase, wadrelesu kilakikai? Drela, kikai la swa Yuda paiya kai ngilisiane turamuru, ikai ki kuni palraelre yakai kidruanga malrumalrumalrumai, la kaina ngulwadhane, wamwana ki daaneli pia kikai ngialisiane pakagirimucu nakwane. Drela, kai lalasu arakai ku kadrwa ku usakenane tusinalreme nakwane.

Izikile 8:6

Ku Twaumase amia kai nakwane, “Lri tara kawlrau ka umawmase, wadrelesu liniane lu tumatumane? Drela, kai swa Iseraylri yakai kai piapia kai matilralrase, wavutha nakwane pakatwase ki Alrivilrivi ka taikaikaiyaneli, Ai lri dreleananasu ku ngililisiane kikai.”

Husia 9:7

Ku apathavungane ka vai wakelanga! Ku akibilriane ka vai wakelanga! Kilakikai lu ngimianga, ku swa Iseraylri lri thingalenga. Amia numi kai, “Kikai yuginsia yai amamama; kikai kia ikai ki ri yai sinki.” Madrau turamuru kwi pasalrivane numi ala kamani ku pia numi kai kalisilisi nakwane.

Amuse 7:8

Ku Tamatama kiavaga nakwane, “Amuse, wadrelesu ku manemane?” La tubalreaku, “Takilili ka acepange!” Ala iya kai ku Tamatama, “Lri paraisaku kai takilili, lani thingale kai kawkawluli ka swa Iseraylri ka mararaamau ki mangili ka balingibingi. Kikai lri kainaku maka pacepenga liniane!

Amuse 8:1

Ku abebeelengenga ka Tamatama padrele nakwane ku vaeva ku maburusi: Wadrelaku ku yakaradrarane ku lreeme ku madru ki angatu.

Mika 7:1

Kikai ala matiangeeange kai tangimiamiane! Miakau amaniaku kudra masilrau ka umawmase, kai maka kiadringai ku tedrane ku madru patwalai ki icizike ka angatu, ikai ki babududu la kai maka kidringai ku asuru ku budu. Sanaka budu si aswalalanga kalreme ka icizike kialaabutunga patuelre.

Zakaria 5:2

Ku sasiakawlu belenge la kivaga nakwane, “Wadrelesu ku manemane?” La iyaku kai, “Wadrelaku ku nibalrulane ka hungu ngiapalapalai ibelenge, ku lragiane bangate ka mituru, ku ngulapane laka supate ka mituru si apararamau.”