Amuse 8:10 - Ngudradreadrekadhane Ka Sisiu 魯凱語聖經

¹⁰ Ku tatulrisisisiane numi lri paakabalrithaku ka tasateateatedrane ki wapacai ka vai, ku senai ki mapeapeaperau lri akabalrithi awatubitubi karaleale. Lri pakikiritaku ku awlru numi, si sikaimadhane. Lri tubi numi mia ki wapaacai ku vaeva ka lalake. Kwini vai kwidra lri awngu tubitubi.

Amuse 8:10 Iomraidhean Croise

Tabekacane 21:16

la katwase kidaili ki lalake ikaai kau lu lrailane ku adailane si nene ikai kwini. La ngikakawrivariva, “Kainaku walreme dredredrele ki lalakeli lu pacai.” Kwini alisu la nene ikai kwini si tungawngaungau tubitubi.

Yubu 20:23

Pangisasingikaiya iniane kane lrede; ku Twaumase lri papia iniane kalisi, lri mia ki umuku kela kabebetethe iniane.

Yubu 3:5

Ani kipalrilri si adradrimitane kwini vai. Ku makeceege ka ememe ani kabungu iniane, la paidringi ki ledra ki vai ku dradrimitane.

Yubu 30:31

Nakialalranga naku ku matikiragai ku senai, kaiasasanenga kathanenga ku maralealeale tubitubi ku kilalrali.

Isaiya 3:24

Kwi lalisu kai lri arakainga ku sapasangulrelremane, lai lri sangumia ku kinawmasane; kwi lalisu kai lri arakainga ku mathariri ku lakete, lri arakai ku kacalrisane bethebethe ki takilrisaisane lini; kwi lalisu kai lri kadaidapinga tuthariri ku isiu, lri ururu kalrungulrungu ku isiu; kwi lalisu lri kai silaimainga ku mathariri ku laimai, lri silaimai ku nicakucakucakupane ku laimai; ku tharirane lini lri akabalrithi si kiarubwane.

Yerimia 2:19

Kwi pasalrivanesu lri pathavungu muswane; kwi tabaebalreanesu lri kukusu muswane. Lri thingalesu, ku matwase cilri nakwane ka Tamatama ka Twaumasesu, ku kai mwasakene mukuludru nakwane, maadrau turamuru ka pasalrivane! Kwaku ka abebeelengenga ka Tamatama ka abebeelengenga ki sanaka kwapingi amiaku kikai pelaela.

Yerimia 48:37

Kwi lalasu wakiritinga makanaelre ku awlru, si kaciane ku ngisingisi. Kwi lalasu ngiadadula ku alrima, la silaimai ku kaimadhane.

Yerimia 6:26

Ku Tamatama amia kai ki kawkawluini, “Kunumi sipalimemelra ku kaimadhane, si ngibalrutai ikai ki thuvugu ka dae. Lri kwalri numi si tubi, mia ki sakapaacai ku vaeva ka lalake, asi lwiyane kudra taraamwamudu lri kikaruburu numiane.

Silringau 5:15

Ku akiragadhane twalainga ki kidremedreme nai kawlrau; ku atubiane ku kidremedreme mwabalrithinga ki adralradhane.

Izikile 7:18

Kwi lalasu lri silaimai ku kaimadhane, si manugiligiligili ku kinawmasane patuelre, lai kiriti ku awlru, si kiaruburubwane kitusinalrelreme.

Izikile 7:2

“Lri tara kawlrau ka umawmase, kikai yai vagali ka abebeelengenga ka Tamatama papia ki swa Iseraylri: Kiasalrunga kai swa Iseraylri, wadethenga ku apalikaiyane palraelre!

Husia 2:11

Lri paidrengeraku patuelre ku akapeapeaperavane, si paisadra ku atulrisisianeini ki caili, atulrisiane ki dramare, Taisadrasadrane ka vai, si drumane ka tayelrelrelreane ki lakiasususu.

Husia 2:13

Lri silapaku iniane si kikawriva; asi lwiyane kai alisu yakai ki tatulrisisisiane ka vai si lama patarumara ku sangwalreme ki la Baale, la sisilu ngiragelane, si katwase mwa ki siasilangane mupadruku, la ulrawnga nakwane. Kwaku ka Tamatama amiaku kikai pelaela.

Yuile 1:8

Tubia! Kunumi ka laumawmase. Ngimia ki tawvailekete ngwalai ku tapacadhane ki siasilangane si tubi.

Lrivi 13:40

Lwiyasi la mururu ku isiu ki umawmase, adravane ka pacucubungu ka palrilrikudru, kwini umawmase mabula.

Amuse 5:21

Ku Tamatama amia kai, “Mavalracevacaku ki la tatulrisisisiane numi, kainaku wabeserenga ki tayelrelrelreane numi!

Amuse 5:23

Kainaku madalame kwini ngariangiane ki senai numi, la kainaku kadalame kilalra ku lingau ki lebere numi.

Amuse 8:3

Kwini vai kwidra, ku senai ikai ki daane ki talialalai lri akabalrithi awatubitubi silringau; lri ngisarade ikai kidruanga ku lawapacai, si lri matiseepelenga.”

Nahumu 1:10

Mia ki walripalripi ka cecenekane ka angatu si rudarudame ka sangukimugiane, kunumi ka mabusuku lri kilama numi kiutu ki apwi!

Zakaria 12:10

“Ki lamwabaibalrithi ki Davidi si drumane ka laumawmase ka yakaikai Yerusalrime, kwi lalasu lri pasueteaku ku kalithane si inulri ka ri. Kwi lalasu lri drele paswabelenge kudra ki culrulu lini si alra papacai kwini ki lasu, lai tubi iniane, mararaamau kudra ki wapacai ku vaeva ka lalake; kwi lalasu lri kwalri tubi turamuru, mia kudra ki maulrase ku takatakanga ka sawvalai ka lalake.

Tapelane Drekase 16:14

Kunumi si lalalake numi, duri, si yakai ki cekele numi ka swa Lrivi, singibadhane, pakulrulrulu, walibakane, karededela tulrisisi.