Amuse 7:3 - Ngudradreadrekadhane Ka Sisiu 魯凱語聖經

³ Ku Tamatama la akabalrithi ku kidremedremeini, la iya kai, “Lu mia kwini, kudra drelesu lrika kadruanga!”

Amuse 7:3 Iomraidhean Croise

Tabekacane 6:7

“Lri patwaladhaku kai ki kadaengane amudu kai ki bekaceli ka umawmase, la mialri amudu ki bulabulai, wagulagulai si adhadhame, asi lwiyane masamadraku kai tabekacaneli kai ki waudriwdripi.”

1 Lacaili 21:15

Ku Twaumase la sikaawlunga ki sasiakawlu belenge mwa amudu Yerusalrime, ai salri pathagilinga ku sasiakawlu belenge, sa drele ku Twaumase, la ngiakusawlriane, la iya kai kwini ki sasiakawlu belenge, “Ala idrengera, makakelretenga!” Kikwini kwidra, ku sasiakawlu belenge yakai ki tavelavelatane ki mugi ki Arauna ka swa Yebuse.

Lasenai 106:45

Ngwalai liniane, ku Tamatama ngwalringau ku kiketeketeini; ngwalai ki sakialibakeini, ngwakusawlri ku kidremedremeini.

Lasenai 78:38

Ai, ku Twaumase makalithi ki kawkawluini; pacepe ki pasalrivane lini, si kai amudu liniane; la kingikaalrale ngidradrepete ku elathaneini, si kai kalisi.

Lasenai 90:13

Tamatama, lri palikai lwigane kwi lisianesu? Kiatubiaku muswane kakalitha ki sasiakawlusu.

Takatwasane Izipiti 32:14

Ku Tamatama ala pela ku kidremedremeini, kai pulebenga ku amatikurwane makakai ki kawkawluini.

Yerimia 26:19

Sakamani kwidra, ku talialalai ka Hezekia si laumawmase ki swa Yuda kai papacai ki Mika. Ku Hezekia mwasakenelringa mukuludru ki Tamatama, la kikiragai ki Tamatama. Ku Tamatama ala ngukusawlri ku takidremedremane, ku nikelretanenga ka amatikurwane la kai pulebenga pwa ki kinawmasane lini. Ai kaiasasane lri ngidadawluta ku amatikurwane.”

Yerimia 42:10

‘Alaiyasi mubangalre numi pacungulu ikai kikai, lri cegecegaku numiane, si kai kabebetethe numiane; lri lapwaku numiane, si kai akucu numiane; asi lwiyane ngiatatasiwlriwlriaku ku tapapianeli numiane pulebe ku amatikurwane.

Husia 11:8

“Swa Iseraylri, lri tumanaku dulru cilri numiane? Lri tumanaku sarare numiane? Lri dulrwaku mia ku taamudaneli ki Adema kabebetethe numiane? Lri dulrwaku mia sa kiecebaku ki Zebuime si tungimiyaiya numiane? Kainaku walreme tungimiyaiya kikai, asi lwiyane madalamaku numiane!

Yuile 2:13

Lu purici numi ku laimai sikakathane kadrwa ku paluludane; kapatengatengana tubi ngitatupela ku pasalrivane. Papia ki Tamatama ka Twaumase numi! Ku Twaumase yakai ku migemi, suete ku kalithane; ku Twaumase kaika mabungungusu, madrau ku sakialibake; lri mubangalre makakaai pacepe si kai pulebe ku amatikurwane.

Yuile 2:14

Kwi Tamatama ka Twaumase numi alau lri akabalrithi ku takidremedremane, si pasuete patarumara baai numiane ku akaesadhane; lukamaninga kwidra lai lri dulrunga numi papia iniane patarumara ku taleke, ku mathariri ka bava.

Amuse 5:15

Kalrasa ki ngialisiane mia ki badha, si kadalame ki mathariri, ikai ki tasaibaibangane la arakaiya ku dringelresane. Lukamiyaiya kikai, ku Tamatama ka abebeelengenga ki sanaka kwapingi ka Twaumase alau lri tukalithaneana kudra ki waudripi ka laumawmase kai ki kuni.

Amuse 7:6

Ku Tamatama la akabalrithi ku kidremedremeini, ku abebeelengenga ka Tamatama amia kai, “Lu mia kwini, kudra drelesu lri kakadruanga!”

Yuna 3:10

Ku Twaumase sa drele ku tapiane lini patuelre, wadrele liniane ka wacilringa ku ngialisiane ka kakudhane. Ala ngikusawlri ku kidremedremeini, si kai pulebe baai liniane kudra paswalangaini pelaela kudra amatikurwane.

Tapelane Drekase 32:36

Ku Tamatama wadrele ki kawkawluini sa amakinga la palribulu liniane, ku Tamatama wadrele ki wasukusukubu iniane sangupukwanenga la kakalithi liniane.

Yakubu 5:16

Lakamani, kunumi masubwabwarana ku pasalrivane numi, si mapasikaikai inulri, lanu kipawdringai. Ku inulri ki madringelrese ka umawmase maadrau turamuru ku angimiane ku puku.