Amuse 7:17 - Ngudradreadrekadhane Ka Sisiu 魯凱語聖經

¹⁷ Lakamani ku Tamatama amia kikai, ‘Ku taelrelresu lri ikai ki cekele apairairange; ku lalalakesu lri pacai ikai ki tamakakaruburane makanaelre. Ku kadaenganesu lri kimapipithingi ki laumawmase; kusu lai lri pacaisu ikai ki maelane ka cekele. Ku swa Iseraylri lri kipakatwase patwalai ki kadaengane lini, si lri mwa ki maelane ka kuni acaicali.’ ”

Amuse 7:17 Iomraidhean Croise

2 Latalialalai 17:6

mialri ka saka tarabangate ka caili ku taatalialaladhane ki Husia, ku tinuhika ki swa Asiria pamaki ki swa Samaria, la malra ki swa Iseraylri ravase pwa kavai Asiria, la pikai iniane ka cekele Hala, talikai Guzange ka adeethe kadravane Habure, si lacekele ki swa Media.

Lasenai 78:55

Ku Twaumase yakai cucubungu ki kawkawluini pakatwase ki maelane ka lazuku, la malra kwini kadaengane si apavalavala baai ki lazuku ki swa Iseraylri, kwini ladaane ki maelane ka zuku la baai ki kawkawluini.

Isaiya 13:16

Ku ladaini lini lri icucubungu liniane kivathale papacai; ku daane lini lri kiburuku; ku taelrelre lini lri kikabebetethe.”

Isaiya 22:18

Lri malra thalre muswane, si cilri muswane pwa ki vaeva ka madrau ka kuni. Lri pacaisu ikai kwini, lri pacaisu ikai thili ki ngilralrigulrigusu ka sakikaruburuburane ka palridingi. Pakiarubwanesu ki daane ki talialalai!

Yerimia 14:16

Kwidra la kialalra ku sakalai lini ku umawmase lri mialri kipadradresenge ku thadalrane ku angimiane. Lu pacai ku kinawmasane lini, thadalrane lu pacai ku taelrelre si lalalake lini ku kinawmasane, lri kicilri pikai ki kadalranane cekele Yerusalrime, kadrwa ku umawmase ku lri dralreke. Lri pangwaladhaku ku ngangane lini bilri liniane.”

Yerimia 20:6

Ala kusu, ka Pasehure, lri makanaelre numi ka wacekecekele kiravase pwa ka Babilunia. Lri pacaisu ikai kavai, si kidralreke ikai kavai; kudra latarakilalalalra lu kadraedraedrangelresu ku latalragilragisu lai lri mialri kipadradresenge ku thadalrane muswane ku tangimiane.’ ”

Yerimia 28:12

Sangilribatenga kikai, ku Tamatama wacunu nakwane

Yerimia 28:16

Lakamani ku Tamatama amia kai, lri amudaku muswane. Lri pacaisu ikai ki caili kai, asi lwiyane pasapukwanesu ki umawmase baebalre ki Tamatama.”

Yerimia 29:21

“Patharukai ki arakai ku naganeli ka Tamatama si tavuvulrucu numiane ka Ahabe ka lalake ki Kulaia si Zidikia ka lalake ki Masia, ku Tamatama ka abebeelengenga ki sanaka kwapingi, ka Twaumase ki swa Iseraylri amia kai, Kwi lasu lri malra kai ki tadrusa si baai ki talialalai ki swa Babilunia ka Nibukadenezere. Ku Nibukadenezere lri ikai cucubungu numiane papacai liniane.

Silringau 5:11

Ku lataelrelre nai yakai Ziyungu lregelrege kitusinalreme; ku lalalake nai ka labaibai yakai ki lacekele Yuda kikabebetethe.

Izikile 4:13

Ku Tamatama amia kai, “Kikai sapelaelane sa pakatwasaku ki swa Iseraylri pumaelane ki kuni, kwi lalasu lri kane kudra kaika palraingi ki hulrice ka kaika mabula ka lamanemane.”

Husia 9:3

Ku swa Iseraylri kai lri dulrunga ikai ki patarumara ki Tamatama baai liniane ka kadaengane; kwi lalasu lri siwlri mu Izipiti, lri ikai ki cekele ki swa Asiria kane ku kaika mabula ka akaneane.

Amuse 6:7

Lakamani, lri aswala numi kipakatwase ki cekele, ku tangilralraingane ki kinawmasane numi ikai ki peravane lai lri palikainga.

Amuse 7:11

Kwini lasu amia kai, ‘Ku Yerubuame lri pacai ikai ki tamakakaruburane; kai swa Iseraylri lri tara katuase ki kadaengane lini acaicali mwa ki maelane ka kuni.’ ”

Amuse 8:1

Ku abebeelengenga ka Tamatama padrele nakwane ku vaeva ku maburusi: Wadrelaku ku yakaradrarane ku lreeme ku madru ki angatu.

Amuse 9:1

Wadrelaku ki Tamatama acegecege ikai thili ki tapatarumaramarane; la iya kai, “Lri pangulraku ki bulri ki daane ki Twaumase, lani mulebe patueelre ku daane, la cwake ku awlru ki sanaka umawmase. Lri arakaiyaku ku lrabu papacai ki tedrane ka laumawmase, kadrwa ku natangeeanga ku lri kilragau, laka kadrwa ku natangeeanga ku lri mubere.

Amuse 9:8

Kwaku ka abebeelengenga ka Tamatama walengethaku drele kikai maadrau ku pasalrivane ka swa Iseraylri. Lri patwaladhaku kai ki kadaengane mwalrathe liniane, ai kainaku lri amudu makanaelre ki mwabaibalrithi ki Yakubu.

Mika 1:16

Swa Yuda, kirita kwi awlru, la tubi pasikai ki kadalame numi ka lalalake; kirita paelelethe mia ki mapuluku ka kwau, asi lwiyane kwi lalasu lri kiravase pwa ki maelane ka kuni.

Zakaria 14:2

Ku Tamatama lri sarubu sanaka kuni si kikaruburu ki swa Yerusalrime. Lai lri kimucekele, si kiravase ku ladaane, ku laababai lri kiulucu kitusinalreme, lri apararaamau ku laumawmase ku lri kiravase, ku aabalu si panianiake ku umawmase lai asuru ikai ki cekele.