Amuse 7:12 - Ngudradreadrekadhane Ka Sisiu 魯凱語聖經

¹² Ku Amazia amia kai ki Amuse, “Yuginsia! Makakelretenga kwi vagasu. Lu siwlria kamani mwa Yuda si bulrubulru, ani kamani kwi lalasu ka walapu muswane!

Amuse 7:12 Iomraidhean Croise

2 Lacaili 16:10

Ku Asa sa kilalra la kalisi turamuru, la malra kwini ki yuginsia emenge. Kwini ku Asa la twalainga pathagili sidreadrekase ki la mapapangale.

Isaiya 30:10

Kwi lalasu payacelrebe ki yuginsia. Kwi lalasu amia kai, “Madha pelaelaela ku lrika atumanane nai; iya ku kadalame nai kilalra ku vaga, iya kudra kaika patengatengane ka vaga sikakathane.

Isaiya 56:11

Kwi lalasu miyaiya ki mapikaekane ka latawpungu, maraau kai pakamiamia; kwi lalasu nataraagwagu, ai kai wathingale ku manemanemane, makanaelre ngisasingikaai capange, silasilape ku amusadhaneini sikakathane.

Izikile 13:19

Ngwalai numi ki piya ka ererece ka madradrau ka mugi, si luka piya ka pange, si ikai cucubungu ki kawkawluli tusinalrelreme nakwane. Ku nai kai pacai, papacai numi; ku nai pacai, la papanianiake numi. Papia numi ki kawkawluli tavuvulrucu, kwi lalasu la kasalru numiane.’ ”

Amuse 2:12

Ai kunumi wavutha numi paungulu ku bava kwini ki la ngiapapatarumaranga baai ki Twaumase la pakaicilri numi ki yuginsia pelaela ku vagali.

Amuse 7:11

Kwini lasu amia kai, ‘Ku Yerubuame lri pacai ikai ki tamakakaruburane; kai swa Iseraylri lri tara katuase ki kadaengane lini acaicali mwa ki maelane ka kuni.’ ”

Malaki 1:10

Ku Tamatama ka abebeelengenga ki sanaka kwapingi amia kai, “Ikai numiane anatumane la ikai ku umawmase ku waelebe ki lrawlrawdru ki daane ki Twaumase amiaku, lanu kai dulrunga ikai ki tapatarumaramarane nakwane padalai ku kadrwa ku vai ka apwi. Kainaku madalame numiane, lai kainaku tarumara ku patarumara numi ku sapatarumarane.

Matai 8:34

Ku sakatucekelane makanaelre la kainganai drele ki Yesu, kwi lalasu sa drelenga, la kitubi iniane ku akatwasaneini kidaili ki taikaiyane lini.

Luka 13:31

Ki kwidra yai, yakai ku tapiya ku swa Palrisai ku wakela mwa ki Yesu, si iya kai iniane, “Lri tara katwasesu kidaili kikai mwa talidrumane, asi lwiyane ku Hirudi kiasanu papacapacai muswane.”

Nisikawlane 16:39

La mwa taememengane si kiaseasene liniane, la pulatadre liniane, si pakatwase liniane kwini ki cekele.

Ruma 16:18

Asi lwiyane kai miyaiya kaika umawmase kai pasiakaikai ki Tamatamata ka Kirisitu kaungu, pangwalwalwadhane ki barange lini. Kwi lalasu arakai ku mathariri ka lrigilane ka vaga si pamama ki patengatengane kai kadraedrangelre ka umawmase.

1 Kurintu 2:14

Ai, kudra kadrwa ku Ri ki Twaumase ku umawmase kai lri dulru tarumara ku nipatarumarane ki Ri ki Twaumase ku migemi. Ku miyaiya kai ku umawmase kai lri dulru thingale kilakikai, lu kidremedreme kai mamamwa ki kakudhane, asi lwiyane ku kucingalrane kilakikai lu arakaiyane ku takisuswane drele wadulru pulringalringau.

1 Pitiru 5:2

agwagwa ku sudralru numiane ki Twaumase ku lakiu, pasingikidremedreme kiragai singikai ku kidremedreme ki Twaumase sirapale liniane, kaika nivuthane, kaika ngwalai ku akipawlrawlravane ka awngane, ngiakakamaani pasikai kaungu.

1 Samuile 2:36

Kudra waudripiana ku lamwabaibalrithi muswane lri papia kwini ki barakalai ababange ku akaneane, ngwalai ki bekelane ka akaneane, lalri kitubi ku ataraparaluralubu ki barakalai.”

1 Samuile 9:9

Ku Saule la kawriva, “Mathariri! Ani ila tamwa.” Kwini tadrusa la katwase mwa ki taikaiyane ki umawmase ki Twaumase. Kwini lalasu la katwase papia tali sisiane, salri mudaane cekele la drele ku tapiya ku labaibai ku mwalrwalru, la kivaga liniane, “Kwidra tarasakalai yakai cekele?” (Sakamani kwidra, ku yuginsia kiapasi tarasakalai. Lwiyasi la ikai ku umawmase kulri kivaga ki Twaumase, la iya kai, “Ila takikawriva ki tarasakalai!”)