Amuse 6:8 - Ngudradreadrekadhane Ka Sisiu 魯凱語聖經

⁸ Ku abebeelengenga ka Tamatama ka abebeelengenga ki sanaka kwapingi ka Twaumase ngiapapapia kiketekete, si iya kai, “Magirimucaku ki swa Iseraylri lu ngikalrilrigu; la kalrasaku ku tinutharirane turamuru ku daane lini. Lri malraku kwi tangadrane ki kuni lini ka cekele si ku yakai adringi ku tacekecekelane ki daane patuelre si baai ki badha lini.”

Amuse 6:8 Iomraidhean Croise

Tabekacane 22:16

“Ku Tamatama amia kai, ‘Kudra pangiamiasu kikai, kaisu paasuru kwini vaeva ka sawvalai ka lalakesu si kai baai nakwane, lakamani lri papiaku ki naganeli kiketekete,

Lasenai 106:40

Ngwalai kikai, ku Tamatama papia ki kawkawluini kalisi; ku Twaumase papia liniane cebe ku valracevacane ka kidremedreme.

Lasenai 47:4

Pasiakai mitane pilri ku aikaiyaneta ku kadaengane, si tutacekecekelane ki kathalraini ka kawkawluini.

Lasenai 50:12

Lu kasilravaku kainaku lri pelaela muswane, asi lwiyane kai kawmasane si yakai adringi nakwane patuelre.

Lasenai 78:59

Ku Twaumase sadrele maliisi, si pakisaalru cilri ki swa Iseraylri.

Kavagavagane 8:13

Ku mwasakene mukuludru ki Tamatama amani ku magirimucu ki ngialisiane; magirimucaku ki ngiakalrilrigu, ki ngiapaparamuru, mavalracevacaku ki kai pacengecenge si tavuvulrucane.

Isaiya 28:1

Ku kuni ki swa Iseraylri lri kipadradresenge ku amatikurwane! Kudra lriguini maulrau, mia kudra siatawpu ku bengelrai ka lamabusuku ka tarasangililuku. Kwini lalasu paralikiliki ku sangwalreme pwa kwini belenge ki awlru ki ngiakalrilrigu, ai matiataulra kwi lalasu mabusukunga turamuru, si tubakebake ikai cakena.

Yerimia 12:8

Kai pilrili ka laumawmase wabaebalre nakwane; kai lalasu mia ki yakaai ki angatungatu ka raiyungu papia nakwane giringi, lakamani ku kavalracevaceli liniane.

Yerimia 22:14

Matiisalregesege, kai umawmase kai yakai ku amatikurwane! Kwi lasu amia kai, “Lri tudaanaku ku matisalru ku daane ki talialalai, si tuswadrau ku macuculrudu ku daane.” Kwi lasu lri tulribange, lai arakai ku cedare ka angatu tusadringidringane, si paderau ku duduli.

Yerimia 22:5

Alaiyasi kai numi pasalaladha ku drekaseli, lri kiketeketaku numiane, kikai daane ki talialalai lri akinaburukane. Tamatamaku; amiaku kikai pelaela.

Yerimia 44:26

Kunumi ka mwabere mu Izipiti ka laumawmase ki swa Yuda kikai asasane kilalalra. Kwaku ka Tamatama lri papiaku ki abebeelengenga ka saniange ka naganeli kiketekete numiane: Lri kainaku palrainginga numiane sanaka aneeanenga ku papia ki naganeli si kiketekete iya kai, ‘Lri pangukaiyaku ku nagane ki palralrawthu panianiake ka Twaumase kiketekete.’

Yerimia 49:13

Nangiakaketeketenga naku iya kai, ku cekele Buzera lri aubulane, lrika taukulukuludranenga ki umawmase, kitusinalrelrelreme, ka takipusupusuanenga. Ku ngwadadethe ku lacekele lrika palralrawthunga atawlrakavane. Kwaku ka Tamatama ka amia kikai.”

Yerimia 51:14

Ku Tamatama ka abebeelengenga ki sanaka kwapingi papia ki niakeini kiketekete, ku Twaumase lri sarubu ki madrau ka kwapingi, lri mia ki apapawku kainganai kalrungulrungu, papia ki swa Babilunia kikaruburu. Kwi lalasu lri makakaraleale kiraragai ku taakaciane.

Silringau 2:5

Ku Tamatama mia ki badha kabebetethe ki swa Iseraylri; acinilrianenga ku kepale ki swa Iseraylri si daane ki talialalai; wadrima ku atubiane karaleale ki laumawmase ki swa Yuda.

Izikile 24:21

papeaelaela nakwane papia ki swa Iseraylri kikai vaga. Ku abebeelengenga ka Tamatama amia kai: ‘Wamalra numi ki daane ki Twaumase tutatwaladhane ku puku ki angikalrilrigwane, ka kadalame numi drele, si ka tasudralrwane ki kidremedreme; ai lri tusinalremeaku si kudrulru kai ki daane ki Twaumase. Kudra asuru ikai Yerusalrime ku lalalake numi lri kipapacai makanaelre.’

Husia 11:6

Ku apwi ki tamakakaruburane lri salraelre ki lacekele lini, si kabebetethe ki lalrawlrawdru ki cekele lini, lri amudaku ki kawkawluli; asi lwiyane kwi lalasu la ngiakalrilrigilane.

Lrivi 26:11

Lri ikaiyaku ki Alrivilrivi ka balrawbau numiane, si lutuumane kai cilri kidaili numiane.

Lrivi 26:30

Lri burukaku kwini tasamiamiangane numi lregelrege, si suburu mwalra ku tatulrisiane numi, malra kwini kinawmasane numi cilri pubelenge ki mwakadrulu ka samiamiange. Ikai kwini ki girimucane.

Amuse 3:10

Ku abebeelengenga ka Tamatama amia kai, “Kwini laumawmase paswaete pikai ki daane lini ka talialalai ku niravasane si nivuthaane malra ku lawbubulu; kwini lalasu kai wathingale aparamaramau malangalangai.

Amuse 3:11

Ngwalai kikai, ku badha lri lringulu ki cekele lini, si kabebetethe ki saravadrane lini, lai lri malra demeedeme ku yakai ki daane ki talialalai lini.”

Amuse 4:2

Ku abebeelengenga ka Tamatama papia ki saniange ka naganeini kiketekete iya kai, “Kudra vai lri tara keela, lri ikai ku umawmase ku lri kaili numiane arakai ku sakakaili, mia ki kange ka kia pulrakwilane.

Amuse 5:21

Ku Tamatama amia kai, “Mavalracevacaku ki la tatulrisisisiane numi, kainaku wabeserenga ki tayelrelrelreane numi!

Amuse 8:3

Kwini vai kwidra, ku senai ikai ki daane ki talialalai lri akabalrithi awatubitubi silringau; lri ngisarade ikai kidruanga ku lawapacai, si lri matiseepelenga.”

Amuse 8:7

Ku Tamatama ka Twaumase ki swa Iseraylri kiaketekete iya kai, “Lri kainaku karimuru lutumane ku ngilisianane ku kakwakudhane ki swa Iseraylri.

Zakaria 11:8

Maupungaku kudra ki drumane ka tatulru ka malisilisi nakwane ka lataraagwagu; ikai kai ki tinaradradramarane mwalrathaku liniane.

Tapelane Drekase 32:19

Ku Tamatama wadrele kikai la ngialisiane la kaelaela, la cilri ki kawkawluini.