Amuse 6:4 - Ngudradreadrekadhane Ka Sisiu 魯凱語聖經

⁴ Asiamiya ala matiasalregesege numi! Kunumi ka laumawmase waapeceana numi ikai ki niarakaiyane ku valisi ki zu pangiragelane ka tapeapecane, la nene numi suteelrai ikai ki mathariri ka taetale, si kanekane ku niputalekane ka mamameelreana ka lwange si maricuru ka kiu.

Amuse 6:4 Iomraidhean Croise

Tabekacane 37:25

Kwi lalasu sa nene si kanekane yai, la tangerarane drele, la drele ku twaredelane ku lrakeda ka tarathathakai ka swa Isemaele twalalai ka Gileade kelakela, lri papia Izipiti; ku lalrakeda lini makitwa siamece ku lasangwalreme ka lawlau, sapasangulrelremane, si sasulravane.

Isetire 1:6

Kikai babengelradhane arakai ku salesese si lrawlrapungu ka make pangiraeragelane, la arakai ku thilalatadhane ku lalasare ka kaimadhane ka sawculrungane malra kwini make pakerenge pikai ki gingi ka kalathe ikai ki belenge ki ulrudru ka talrise ka lrenege. Ku nidarepane arakai ku kingi si gingi ka tapeapecane ka taetale la pikai belenge ki nidralriane ku lrawlrapungu, duduli, salesese ka talrise ka lrenege si tinukucingalrane ka kalralringidri ki laveke,

Lasenai 73:7

Ku kidremedreme lini ngiaburai ku ngilisianane; ku takidremedremane lini swaete ku tavuvulrucane.

Isaiya 22:13

Ai, mwalralralrakaiyana numi, kirararagai. Waculu numi ku lwange si kiu, si kanekane ungungulu. Amia numi kai, “Maesaesai lu kanekaaneta si ungungungulu, kulri tara paacaita lwiya.”

Isaiya 28:1

Ku kuni ki swa Iseraylri lri kipadradresenge ku amatikurwane! Kudra lriguini maulrau, mia kudra siatawpu ku bengelrai ka lamabusuku ka tarasangililuku. Kwini lalasu paralikiliki ku sangwalreme pwa kwini belenge ki awlru ki ngiakalrilrigu, ai matiataulra kwi lalasu mabusukunga turamuru, si tubakebake ikai cakena.

Yerimia 16:8

“Kusu la mialri madha mudadane ku wararukurukudrane ku daane, si taelre liniane kanekane ungungulu.

Izikile 16:49

Kwi alisu si lalakeini ka ababai wakanekane kabucuku, si ngiesaesaesadhane ku tangilribalribatane ku vai, la kirimu ngikalrilrigu, si kai siraparapalenga kudra ki la kwalrialri matikurukuru ka laumawmase.

Izikile 23:41

Kwi lalisu la nene ikai ki mathaariri ka niapeapecane ka taetale, la picucubungu ku cukwi, si pibelenge pasueete ku baaili liniane ku lasangwalreme si lawlau ka ulrive ka latathaithariri ka lamanemane.

Amuse 3:12

Ku Tamatama amia kai, “Lri mia ki taraagwagu ki kiu ka umawmase ku malraini ribici patwalai ki ngudwi ki raiyungu drwadrusanga ka drapale ki kiu si vaeva ka calringa, kai yakai Samaria ka kadrwa ku ngikakelretane ku tacekecekelane ka swa Iseraylri lri mialri ka tabeekele ku lri dulru ngilribate ki matikurwane.”

Amuse 8:3

Kwini vai kwidra, ku senai ikai ki daane ki talialalai lri akabalrithi awatubitubi silringau; lri ngisarade ikai kidruanga ku lawapacai, si lri matiseepelenga.”

Mika 6:12

Ikai kai ki cekele ku sapaiswane ku umawmase wasulape ki matiakukuru ka umawmase, ku yakai kwini ku laumawmase yadreepele ka taralrilrigili.

Luka 16:19

“Sakanadruma yakai kudra satacekecekelane ka umawmase, lukavaivai la silaimai ku mathariri ku laimai, si pasawlrawlra turamuru kudra tapanianianiakaneini.

Yakubu 5:5

Yakai numi kai kawmasane ngulwalwalwadhane ki peravane, la ngilalapulapu numi ngipapakaricuru, la ukalavalava kudra taculuculwane ka vai.