Amuse 6:2 - Ngudradreadrekadhane Ka Sisiu 魯凱語聖經

² Kunumi lu mwa si drele ki cekele ki swa Kalene, ala mwa ki maadrau ka Hamathe, si la mwa ki cekele ki swa Pelisitine ka Gathe drele. Kilakikai kuni, swainu ku kaika sanianiange ki swa Yuda si swa Iseraylri? Ku kadaengane lini, swainu ku kaika swadradrau numiane?

Amuse 6:2 Iomraidhean Croise

Tabekacane 10:10

Sakapathagilane, ku lakuniini paelre kai Babilunia, Ireke, Akade; kikai taitulru yakai tali Babilunia patuelre.

2 Samuile 8:9

Ku talialalai ki swa Hamathe ka Tui la kilalra ku Davidi pamalebenga nguelre ku lakwapingi ki Hadadizere,

1 Latalialalai 8:65

Ku Sulumungu si swa Iseraylri ka mapapangale makanaelre la ikai ki daane ki Twaumase makapitulu tulrisisi ki Talakangane ka lrisi. Ku singiadaili kela ku laumawmase twalai tali dradha kavai salralriwgu ka Hamathe si swa tali lrawdru pagiagisane ki Izipiti ka lacekele kela kipaelre.

2 Latalialalai 17:24

Ku tinuhika ki swa Asiria la twalai Babilunia, Kutha, Ava, Hamathe, si Separevaime pataluela ki mapapangale mwa ki lacekele ki swa Samaria, mubalrithi ki kiaravase ka swa Iseraylri. Ku swa Asiria wamalranga kai ki lacekele, ikaikai kwini.

2 Latalialalai 17:30

Ku swa Babilunia twasamiamiange ku twaumase ka Sukuthe Benuthe; ku swa Kuthe twasamiamiange ku Niregale; ku swa Hamathe twasamiamiange ku Asima;

2 Latalialalai 18:34

Ku twaumase ki Hamathe si Arepade kikai yakai inu? Ku twaumase ki Separevaime, Hina, si Iva laka yainu? Aneane ku napalribulu ki Samaria?

2 Latalialalai 19:13

Kikainga, ku Hamathe, Arepade, Separevaime, Hina, si Iva ka latalialalai la ikainga inu?”

2 Lacaili 26:6

Ku Uzia la makakaruburu ki swa Pelisitine. Waburuku ku alradre ki cekele Gathe, Yabini si Asedu, si alradre ki cekele ki la ngwadadethe Asedude si drumane ki talikai ka Pelisitine.

Yerimia 49:23

Ku ngwakai ki Damasekuse, ku Tamatama amia kai, “Ku laumawmase ki cekele Hamathe si Arepade mathekelre kai kasulivalivate, asi lwiyane kialalra ku malisi ku wakela ku vaga. Ku thekelrane lini mia ki wabikabikaabiki ka laveke, kwi lalasu la kai kasulivalivate.

Nahumu 3:8

Swa Ninivi, magagarangesu ki tangadrane ki swa Izipiti ka cekele Thibise? Kwi alisu mialri ikai ku kadravane ngithalringulu iniane, mia ki balingibingi lakebe iniane, kai Nile kadravane amani ku satelengane iniane.

1 Samuile 17:23

Sa kawrivariva ku latakaini, ku Gulriathe la arwacucubungu, mia ku siaswalane, papia ki swa Iseraylri kaelaela kipatata; ku Davidi la kilalra.

1 Samuile 17:4

Yakai ku swakai cekele Gathe, ku naganeini sia Gulriathe, la twalai ki takwapingane ki swa Pelisitine, papia ki swa Iseraylri lemelemethe. Kikai umawmase ku elrengane ikai kau tulru ka mituru,

1 Samuile 5:10

Kwini lalasu la katwase satedre kwini Langiane pwa ka Pelisitine ka talidrumane ka cekele ka Ikerungu. Kwini Langiane sadarurunga kwini, kwini swakai kwini la makitu kawkau, “Kawvai lalasu wabulribulri ka Langiane ki Twaumase ki swa Iseraylri kela kikai, lri malra papacai mitane!”

1 Samuile 5:8

Lakamani, kwini lalasu la sikawlu padawlu ki swa Pelisitine ku talrima ka kiacapili lini kela, kivavaga liniane, “Kikai lri pangitumane nai marasikai kikai Langiane ki Twaumase ki swa Iseraylri?” Kwini lalasu la tubalre, “Malra iniane iluku mwa ka Gathe!” Ku mapapangale la iluku mwa kavai.