Amuse 6:12 - Ngudradreadrekadhane Ka Sisiu 魯凱語聖經

¹² Ku rigi lri dulru ikai ki twatukadrane lrabwabwale? Ku lwange lri dulru ikai ki laveke kauawngu? Ai, kunumi wamalra numi kwini aparamaramavane si paaduku, la malra numi kwini dringelresane si paamapalili ka sasulravane.

Amuse 6:12 Iomraidhean Croise

Isaiya 48:4

Wathingalaku ka makelrathesu kai singikaikai ki palrapalra, ku kelrathane mia ki adreme, ku kawlukulane mia ki lriwlu.

Yerimia 5:3

Ku Tamatama patengatengane ka wasilasilape ku madringelrese kapatengatengane ka umawmase. Lu lrumai numiane, kainu twamanemene, lu pathavungu numiane, la kai numi ngwalai si kibulru. Twalrawnga numi kwi kawlukulane numi, si kai mubangalre katwase cilri kwi pasalrivane.

Husia 10:13

Ai kai numi kialalra, wasabululringa numi ku ngialisiane, si kitaleke ku ngialisiane ka madru, ngiakakane numi ku tavuvulrucane ka ngialisiane ka madru. “Asi lwiyane satalu numi ki sakikaruburuburane ka palridingi numi si tapaangale ka kwapingi,

Husia 10:4

Kwi lalasu wabusabusabusu sikakathane, si kadraedrangelre kiketekete, la cegecege ku kadrwa ku paluludane ku nipacasane ka samakaketeketane. Ku dringelresane mwalebenga kamaninga kudra kai madringelresenga, mia ki yakaai ku duku ka laubulu cebe salraelre ki ubulane.

Amuse 2:3

Lri papacadhaku ki tamatama ki swa Muabe, si papacai demedeme ki kiacapili ki lamabelenge lini.” Ku Tamatama amia kikai pelaela.

Amuse 3:10

Ku abebeelengenga ka Tamatama amia kai, “Kwini laumawmase paswaete pikai ki daane lini ka talialalai ku niravasane si nivuthaane malra ku lawbubulu; kwini lalasu kai wathingale aparamaramau malangalangai.

Amuse 5:7

Kunumi lri matikurunga numi! Asi lwiyane pathiavalrau numi ki madringelrese, la ribici numi ku nipasudalepanenga ka akaesadhane ki mapapangale!

Mika 7:3

Kwini lalasu yadrepele ka tarakanganganga, ku tabebelenge kunkwane si mabelenge ki tarasaibaibange la tarumara ku pavangalre makanaelre; ku la samanemanane ikai ku puku ka umawmase la karedededele liniane tukumi, si maparawrawralubu pia ku malisi.

Yakubu 3:18

Ku madru ki dringelresane patuelre twalai ki wasabulu ku rathudane ka umawmase, ku tacebeane twalai ki pasiakai ki rathudane si kisamula sabulu ku sapaivai.