Amuse 6:11 - Ngudradreadrekadhane Ka Sisiu 魯凱語聖經

¹¹ Lu drekase ku Tamatama, ku madrau ku tikiane ku daane lri kaburuku, si akinaburukane.

Amuse 6:11 Iomraidhean Croise

2 Latalialalai 25:9

Kwini lasu la pwa lama ki daane ki Twaumase, daane ki talialalai, si ladaane ki sanaka tabebelenge si lasapaiswane Yerusalrime.

Lasenai 105:16

Ku Tamatama pakiapadradresenge ki kuni lini ku silravane, waretegenga ku taleke lini.

Lasenai 105:31

Ku Twaumase sa drekase, ngiapalai kela vunguvungu ku alralrangau, ku latulawlawngu la suete ikai kidruanga.

Lasenai 105:34

Ku Twaumase sana avavaga, wakela ngipalai vunguvungu ku laapapawku, ka thathathatha, kaika amaka asiasipane.

Wabulru 10:18

Ku masasalrai ka umawmase lu tudrutudru ku daane kai mwatudrutudru, laka cukare ku talrugulrugane, si kaburuku ku daane.

Isaiya 13:3

Ku Tamatama wasarubunga si asipi kwini ki laswaete ku salrwane ka lagaragarange, lri katwase kikaruburu; lri pathavungu kwidra ki lapakagirimucu iniane ku lakuni.

Isaiya 55:11

Kai pukawnuli ka vaga ngiamia kikai. Kai vagali kai lri kawlrau lutuumane, lai lri pangimia ku nau pia iyaiyali, si pia ku takidremedremaneli.

Husia 13:16

Kai Samaria lri ngwalai ku tabaebalreane nakwane si kipathavungu. Kwi swakai kwini ku laumawmase lri ngwalai ki tamakakaruburane si pacai; ku lalrulai lri kiverevere pikai cakena; ku tawbaliri lai lri mialri kibuci ku barange.”

Amuse 3:15

Lri burukaku ku taikaikaiyane lini ku daane luka kaladralrangedrangane si kalakecelrane. Ku niarakaiyane ku valisi ki zu pangiraeragelane ka daane si nitumatharirane ka maadrau ka daane lri kaburuku patuelre, si akinaburukane.” Ku Tamatama amia kikai pelaela.

Amuse 5:11

Twasinalrelreme numi dredrepete ki matiakukuru ka umawmase, la ribici numi ku taleke lini; lakamani kunumi lri kai numi maka ikai ki raedre numi si tudaane, lai kai numi maka ungulu ku ngitatubava numi patwalai ki babudwane numi.

Amuse 6:8

Ku abebeelengenga ka Tamatama ka abebeelengenga ki sanaka kwapingi ka Twaumase ngiapapapia kiketekete, si iya kai, “Magirimucaku ki swa Iseraylri lu ngikalrilrigu; la kalrasaku ku tinutharirane turamuru ku daane lini. Lri malraku kwi tangadrane ki kuni lini ka cekele si ku yakai adringi ku tacekecekelane ki daane patuelre si baai ki badha lini.”

Amuse 9:1

Wadrelaku ki Tamatama acegecege ikai thili ki tapatarumaramarane; la iya kai, “Lri pangulraku ki bulri ki daane ki Twaumase, lani mulebe patueelre ku daane, la cwake ku awlru ki sanaka umawmase. Lri arakaiyaku ku lrabu papacai ki tedrane ka laumawmase, kadrwa ku natangeeanga ku lri kilragau, laka kadrwa ku natangeeanga ku lri mubere.

Amuse 9:9

“Lri drekasaku malra ki swa Iseraylri pwa ki balraku, si sara ikai ki lakuni kudra ki ngialisiane la malra cilri patueelre.

Nahumu 1:14

Kai bilrilane amani ku pelaela ki Tamatama patharukai ki swa Asiria iya kai, “Kwi lalasu kai lri ikainga ku mwabaibalrithi liniane kulri pacungulu ku nagane lini. Lri mwalrathaku ku samiamiange ki tasamiangane lini. Lri pasikaiyaku ki swa Asiria padulru ku tadralredralrekane, kwi lalasu kai swadalepe panianiake!”

Zakaria 14:2

Ku Tamatama lri sarubu sanaka kuni si kikaruburu ki swa Yerusalrime. Lai lri kimucekele, si kiravase ku ladaane, ku laababai lri kiulucu kitusinalreme, lri apararaamau ku laumawmase ku lri kiravase, ku aabalu si panianiake ku umawmase lai asuru ikai ki cekele.

Malaki 1:4

Alaiyasi iya kai ku mwabaibalrithi ki Isau ka swa Idume, “Kiakabebetethe kai cekele nai, ai lri tupela nai paacegecege tudaane”, ku Tamatama ka abebeelengenga ki sanaka kwapingi lri tubalre iya kai, “Patupela paacegecege tudaane liniane, lri pelaku kabebetethe liniane. Ku laumawmase lri tu ‘Cekele ki pasalrivane’ si ‘Akaelaelathane ki Tamatama palralrawthu ka laumawmase’. ”

Luka 19:44

Kwini lalasu yai, lri pademeedeme amudu muswane si yakai ki cekelesu ka laumawmase, kai lri asuru ku navaevanga ku lrenege ikai ki taraedrane, asi lwiyane kaisu maka wathingale ku sapalribulane ki Twaumase ku vai.”