Amuse 6:1 - Ngudradreadrekadhane Ka Sisiu 魯凱語聖經

¹ Kudra yakai Ziyungu pakamaesaesaesai ku umawmase, lri matisalregesege numi! Kudra yakai Samaria lregelrege si malakebe nai iyaiya ku umawmase, lri matisalregesege numi! Anai athingathingaalane ikai ki kuni ki swa Iseraylri, la kiusakesakene ki palrapalra amiamia numi!

Amuse 6:1 Iomraidhean Croise

1 Latalialalai 16:24

Sakabilrilanenga, kwini lasu la arakai ku 6,000 ku gingi patwalai ki sia Semere langai ka lregelrege Samaria, ku Umeri la ikai kai ki lregelrege tucekele, la singikai kai ki lregelrege ku sakwa ka nagane ka Semere si sunagane iniane pasi Samaria.

Lasenai 123:4

Pakamianga nai ki maesaesaesai ka umawmase ku tasivavavangane naiane, si tusinalrelremeane naiane ki ngiakalrilrilrigu ka umawmase.

Kavagavagane 1:32

Ku kadrwa ku thingale ku umawmase lri ngwalai ku takalrasane ki thingalane si pacai; ku makulrungu ku umawmase lri ngwalai ku tangilralrailrailrainganeini si kamudu.

Isaiya 33:14

Ku yakai Ziyungu ku pasalrisalriu ku umawmase lri mukuludru manugiligili. Kwi lalasu amia kai, “Ku saibange ki Twaumase mia ki apwi kai kaedredrepe palralrawthu, lri dulruta twalai kai ki apwi mubere?”

Yerimia 2:3

Swa Iseraylri, kusu yai saniangesu ka kawkawluli, ka canidili muswane, ka aswalalangali kitaleke ka madru; ku mabebetethe muswane, lri pulebeaku baai ku amatikurwane iniane. Tamatamaku; ka amia kikai pelaela.

Yerimia 48:11

Ku Tamatama amia kai, “Twalai ku tacegecegane ki kuni, kai Muabe masulivaliivate kadrwa ku kwalrialri, kaiyana kiaravase. Kai Muabe mia ki bava ka kiacelrepe pikai ki kindralumu, si kai kigugugu, kawlainga ka tasangulreemane, kai akabalribalrithi ku sangulremane.

Yerimia 49:31

‘Ila, ila takikaruburu kwidra ki la masulivalivate ka kadrwa ku akwalriane kidremedreme amiamia kudra ki laumawmase! Kwi cekele ki lalasu kadrwa ku saelelebane ki cekele, laka kadrwa ku sadrukudrukurane, kadrwa ku nipadulrwane ku satelengane ki badha ku namaneemanenga.’

Yerimia 5:5

Lri silapaku ki tarasangililuku liniane si masususu. Kwi lalasu lri tara ka wathingale ku kadalranane ki Tamatama, lri tara ka wathingale ku padradrekase ki Twaumase. Ai kwi lalasu ngiakawlrawlravane ku puku ki Twaumase, si kai mubangalre pasalaladha iniane.

Yerimia 7:4

Madha kipawtengatenga kwidra la watavuvuvulrucu ki umawmase ka vaga, amia kai, ‘Swateelraita, kikai yai daane ki Tamatama; kikai yai daane ki Tamatama; kikai yai daane ki Tamatama!’

Silringau 1:1

Kunadruma ku tatakalrane ki umawmase ka cekele, kaiasasanenga matisesepele isarare ikai kwini. Ku nakiausakesakene ki yakawmasane, kaiasasanenga mia ki walibakane ka ababai ku sepelane. Kunadruma ku kiatutaelrelre ki talialalai ka lasiu, kikainga aduringa ka sasiakawlu.

Amuse 3:2

amia kai, “Ikai kai ki kiacaebe belenge ka tathathatha ka lakuni, kathane numiane ku pilrili, la pasalrisaalriwana numi ka thathatha; ngwalai kikai, lri tara pathaavungaku numiane.”

Amuse 3:9

Lu katwasa pelaela kudra ki la yakai ki daane ki talialalai ka swa Izipiti si swa Asedude ka laumawmase iya kai, “Lri irubu numi ikai ki ngiathalringulu Samaria ki lalregelrege, si dredredrele ku lrika angimiane kalrithavulu, madredredrepete ikai adringi ki cekele.”

Amuse 4:1

Lalabaibai ki swa Samaria, kilalra kai vagali. Kwi bitulrwane numi mia ki tina ka lwange ki Basane. Twasinalrelreme numi ki twaramuru, la dredrepete numi ki matiakukuru. La pagugu numi ki taelrelre numi ku bava si paungulu numiane!

Amuse 5:27

Lri pakatwasaku numiane puadaili turamuru papia tali dradha kavai Damasekuse.” Ku Tamatama ka abebeelengenga ki sanaka kwapingi amia kai pelaela.

Amuse 8:14

Kudra la nawasukubunga ki samiamiange ki swa Samaria, si kudra kiaketeketenga icucubungu ki twaumase ki swa Dange si swa Bereseba ku umawmase, lri tubakeebake makanaelre, si lai kai maka ngidrakalenga.”

Amuse 9:10

Ikai ki kawkawluli, kudra la pasalrisalriu ku umawmase ku amia kai, ‘Ku akwalriane kai lri mwa mitane’. Lri pacai makanaelre ikai ki lrabu.”

Mika 3:1

Ku amani ka warathudu ki swa Iseraylri, kilalra! Naika amani numi ku marasiakai ki dringelresane,

Zipania 1:12

“Lukamaninga kwidra, lri malraku ku tinaki si silape Yerusalrime. Lri pathavungaku kudra ki la ngiapaparamuru, si ngiasasudralru ku umawmase; kwini lalasu ngiakakawrivariva iya kai, ‘Ku Tamatama lri kai pulebe ku akaesadhane, lai lri kai pulebe ku amatikurwane.’

Yakubu 1:18

Ku Twaumase singiakai ku takidremedremaneini, la pangukai ki patengane ka sabulrwane ka vaga baai ku niake mitane, ala dulruta ka sabebeelengenga ikai ki bekaceini sanaka maneemane.

Yakubu 5:5

Yakai numi kai kawmasane ngulwalwalwadhane ki peravane, la ngilalapulapu numi ngipapakaricuru, la ukalavalava kudra taculuculwane ka vai.

1 Pitiru 5:7

Kwini kwalrialri numi pakanaelrea musuragele baai iniane, asi lwiyane makalithi numiane.

Tamagarange 18:7

Kikwini talrima sa katwasenga. Kwini lalasu la kela ka cekele Laise, la drele kwini ki laumawmase ka kadrwa ku upungane, mia ki swa Sidune, marathudu, suteelrai, kadrwa ku rivwane ki umawmase; ku kadaengane la cebe ku lataleke ngiesadhane. Kwini lalasu madadaili ki swa Sidune turamuru, kadrwa ku la tutalragi lini ku umawmase.