Amuse 5:7 - Ngudradreadrekadhane Ka Sisiu 魯凱語聖經

⁷ Kunumi lri matikurunga numi! Asi lwiyane pathiavalrau numi ki madringelrese, la ribici numi ku nipasudalepanenga ka akaesadhane ki mapapangale!

Amuse 5:7 Iomraidhean Croise

Lasenai 125:5

Ala kudra la ngwakakaikai ki ngialisiane ka kadalranane ku umawmase, ku Tamatama lri pataelre liniane ki manganganga ka umawmase amudu. Ku swa Iseraylri ani palralrawthu kisupisupilri ku sulivatane!

Lasenai 36:3

Swaete ki ngudwini ku ngialisiane si tavuvulrucane; kwi lasu maulrawnga ku lrigilane ki mathariri ka awngane.

Kavagavagane 21:7

Kai manganga ka umawmase mamudu ngwalai ki ngikarakacananeini, asi lwiyane kwi lalasu malrase ngukakai ki mwalecege ka kadalranane.

Isaiya 1:23

Kwi tabebelenge numi ki kunkwane yai wabaebaebalre, maredededele ki sadre, marau makanaelre ki kaika madringelrese ka akaesadhane, si malra ku pavangalre; kai palribulribulu ki pakulrulrulu, la kai pusakaikai ki lawalibakane.

Isaiya 10:1

Lri matikuru numi! Wacegecege numi ku kaika aparamaramau ku hulrice si arakai drepete ki kawkawluli.

Isaiya 46:12

Kilalraili, ka makelrathe ku kidremedreme ka umawmase, Lu kidremedreme numi kadrwanga kwini apamalebeane;

Isaiya 5:20

Lri kipadradresenge numi ku amatikurwane! Kai numi wathingale drele ku pacengecenge si pasalriu, la apabaebalre numi ku ledra si dradrimitane, ku malimeme si mapalili la kai numi apathathingale.

Isaiya 5:7

Kai swa Iseraylri amani ku babududu ki Tamatama ka abebeelengenga ki sanaka kwapingi; kai laumawmase ki swa Yuda amani ku lredrekeini si marasikaikai ka babududu. Kwi lasu siadrama ku apangimiane lini ku madringelrese, ai nipatakamacamacane drele ku papacai si patueraerai ki umawmase! Kai lasu siadrama liniane ku akapapedrengane ku tangivelevelane, ai ku lingau ki nisidrurudrurwane kialalra madu ikai ki druanga!

Izikile 18:24

“Ku mathariri ku umawmase alaiyasi kai pianga ku mathariri, la pia ku piapia ki manganga ku matiavalracevace ka malisi, kwi lasu lri dulrwana panianiake? Ini! Ku napiaini saka siaswalane ku mathariri kai lri kingulringau. Kwi lasu lri ngwalai ku tacilrianeini ku salrwane, si pasalriu la pacai.

Izikile 3:20

“Ku mathariri ku umawmase alaiyasi kidaili ki pacengecenge ka kadalranane, la pathagili kanganga, lri pakipadradresengaku iniane ku matiaukuludru. Alaiyasi kaisu pakipapawlringau iniane, kwini lasu lri tara pacai. Kwi lasu lri ngwalai ku pasalrivaneini si pacai. Lri kainaku lri ngulringau ku natapianeini ku mathariri, lri kamanisu ku siamece ku tangimiane.

Izikile 33:18

Ku madringelrese ka umawmase lu kai piapianga ku mathariri, la pialringa ku malisi, kwi lasu lri tara ngwalai kikai si pacai.

Husia 10:4

Kwi lalasu wabusabusabusu sikakathane, si kadraedrangelre kiketekete, la cegecege ku kadrwa ku paluludane ku nipacasane ka samakaketeketane. Ku dringelresane mwalebenga kamaninga kudra kai madringelresenga, mia ki yakaai ku duku ka laubulu cebe salraelre ki ubulane.

Amuse 2:3

Lri papacadhaku ki tamatama ki swa Muabe, si papacai demedeme ki kiacapili ki lamabelenge lini.” Ku Tamatama amia kikai pelaela.

Amuse 3:10

Ku abebeelengenga ka Tamatama amia kai, “Kwini laumawmase paswaete pikai ki daane lini ka talialalai ku niravasane si nivuthaane malra ku lawbubulu; kwini lalasu kai wathingale aparamaramau malangalangai.

Amuse 6:12

Ku rigi lri dulru ikai ki twatukadrane lrabwabwale? Ku lwange lri dulru ikai ki laveke kauawngu? Ai, kunumi wamalra numi kwini aparamaramavane si paaduku, la malra numi kwini dringelresane si paamapalili ka sasulravane.

Mika 3:9

Ku amani ku warathudu ki swa Iseraylri, kilalra kai aiyaneli! Malrase numi ki dringelresane, si apabaebalre ki pacengecenge si kai pacengecenge.

Habakuke 1:4

Kai hulrice kadrwanga ku puku, kadrwanga ku paluludane; ku dringelresane lrika palralrawthunga kai maka aru swadrau. Ku manganga ka umawmase wadredredrepete tusinalreme ki madringelrese ka umawmase, ku dringelresane kia kilrungunga.

Zipania 1:6

Lri amudaku kudra la ngiabangulu siwlri si kai tupapalranga nakwane si kudra la kai pasalaladha nakwane, kai kiatubi nakwane ku akililukane.”

Tapelane Drekase 29:18

Kunumi ka acegecege ikai kai kaikameane ka laumawmase, adravane ka sawvalai ababai, wacekecekele, si zuku, madha cilricilri katwase ki Tamatama ka Twaumaseta adravane ka naaneanenga, la katwase sukubu ki twaumase ki maelane ka kuni; alaiyasi ikai ku miyaiya kai, mararaamau ki balace ki angatu ka wacebe si kapalili la ikai ku padavake ka angatu.