Amuse 5:6 - Ngudradreadrekadhane Ka Sisiu 魯凱語聖經

⁶ Lu silape numi ki Tamatama, lri panianiake numi. Alaiyasi kai numi silape iniane, lri mia ki taliwlare lama ki swa Iseraylri. Kikai taliwlare lri lama ki umawmase ki swa Bithele, kadrwa ku umawmase ku lri dulru edrepe.

Amuse 5:6 Iomraidhean Croise

2 Samuile 19:20

Talialalai, wathingalaku yakai ku pasalrivaneli, lakamani kaikameane, ikai ki tali dradha ka zuku amaniaku ku aswalalanga kela kidredresenge muswane ka talialalai.”

1 Latalialalai 11:28

ku Yerubuame amani kudra malrigili ka langukathabarane. Ku Sulumungu la drele iniane ka lu kipuawngane kiasamula, la sikawlu iniane kamani ku tarakadrekadrenge ki la kiapuawngane ikai kavai talikai ki zuku ki Manase si Iparaime.

2 Lacaili 34:25

Kwini lalasu kiadaili nakwane, la papia ki drumane ka twaumase padalai ku sangwalreme, arakai kwini ki tusamiamiange lini dawlu ku girimucaneli, lakamani kwidra lri papiaku ki Yerusalrime kalisi, kai lri idrengere.

Lasenai 27:8

Amiasu kai nakwane: Mwaili kikai. Tamatama, lri kisilapaku muswane;

Lasenai 69:33

Ku Tamatama kialalra ki kwalrialrialri ka umawmase; kai marimurimuru ki yataememengane ka kawkawluini.

Takatwasane Izipiti 22:6

“Lwiyasi ikai ku umawmase la ikai ki angangadeini lama ku cecenekane ka angatu, kwini lamaini la pakudaraisi ku angangade ki palrapalra, la pakulama kwini kaika nikitalekaneana ku nikitalekanenga, kwini lasu lri tara cugu ku tamulisiane ki palrapalra.

Isaiya 1:31

Ku rudame ka angatu sana kimwa ki apwi kwadalai, ikai numiane kudra sapukwane ku umawmase lri ka miyaiya kai; kwi lalasu lri ngwalai ki ngangane ku kakwakudhane lini si kamudu, kadrwa ku umawmase ku lri dulru palribulu liniane.

Isaiya 55:3

Kawkawluli, kilalra kai vagali, bwala mwaili kai. Kicacaligira kilalra kai vagali, lanu dulru malra ku niake! Lri cegecegaku ku palralrawthu ka samakaketeketane numiane, kudra nipukawnanenga baai ki Davidi ku thalradhane lri patarumaraku baai numiane.

Isaiya 55:6

Saka adulrudulrwaneana kidringai ki Tamatama, kunumi silapa iniane; saka adulrudulrwaneana kidethe ki Tamatama, kunumi kitubia iniane.

Yerimia 38:20

La iyaku kai, “Ku swa Babilunia kai lri malra muswane si baai liniane. Kiatubiaku muswane ku akilalranesu pasalaladha ku pelaela iya nakwane ki Tamatama muswane, lasu kasulivaliivate, si kai pacai.

Yerimia 4:4

Swa Yuda si swa Yerusalrime, kunumi pikaiya ki kidremedreme numi kigelregelre tulrisi, ngipapatarumara baai nakwane ka Tamatama numi. Lu kai mia kwini, kwi ngangacane numi lri pakagirimucu nakwane, lai kudalai kai lisianeli, kadrwa ku umawmase ku lri maka edrepe.”

Yerimia 7:20

Lakamani, kwaku ka abebeelengenga ka Tamatama lri gugwaku kai lisianeli pikai kai ki daaneli ka Twaumase, lai lri mialriaku gugu pikai ki laumawmase, ki lawaudriwdripi, ki laangatu, si lataleke belenge.

Izikile 21:3

Tamatamaku ka amia kai: Lri kiecebaku numiane; lri musudraku ku dramu si papacai numiane, adravane ka mathariri ka manganga ka umawmase lri papacadhaku demedeme.

Izikile 33:11

Pelaela liniane, lri papiaku ki takapalralrawthaneli panianiake ka abebeelengenga ka Tamatama kiketekete, kainaku walreme drele lu pacai ku pasalrisalriu ka umawmase, madadalamaku drele lu ngitatupela si panianiake. Swa Iseraylri, kunumi ngitatupela, si cilri katwase ki ngialisiane ki kakwakudhane! Anu ngithanga pacai?

Izikile 37:19

peaelaela madu liniane, kwaku ka abebeelengenga ka Tamatama lri malraku kwi wadaihu ki swa Iseraylri ka angatu si apacacungulu ki wadaihu ki swa Yuda kwini angatu, ki kwini drusa ka angatu lai lri ikai ki alrimali avaevanga.

Amuse 3:14

Lu pathavungaku ku tapasalrivane ki swa Iseraylri, lri burukaku ku tapatarumaramarane kavai Bithele; sanaka piu ki tapatarumaramarane lri kipici, si ukadrulu ikai cakena.

Amuse 5:14

Silapa ki mathariri, la cilri ki ngialisiane, lani ikai ku angukaiyane numi panianiake. Lukamiyaiya kikai, lri singikainga ku taiyane numi, ku Tamatama ka abebeelengenga ki sanaka kwapingi ka Twaumase ala lrika patengatengaanenga ikai tapalra numiane.

Amuse 5:4

Ku Tamatama papia ki swa Iseraylri iya kai, “Silapaili! Lu ngibangulu siwlriwlri lri ikaai ku apanianiakane.

Amuse 6:6

La ungulu numi ku malimeme ka bava, si ngisasakidri ku mathaithaariringa ka sangwalreme, ai kai numi watubitubi ku taaru turamuramurane ki swa Iseraylri.

Zipania 2:3

Kunumi ka yakai kawmasane ka ngiatatwalebe si kilalra pasalaladha ku drekaseini ka umawmase, kipasilapa ki Tamatama! Silapa si malra ku dringelresane, ikaiya cucubungu ki Tamatama ngitatwalebe. Ikai kudra ki takalisiane ki Tamatama ka vai, alau lri dulru numi mubere ki sapathavungane.

Zakaria 10:6

Lri pangiradhekanaku ki umawmase ki swa Yuda; lri paakaciaku ki umawmase ki swa Iseraylri. Lri kakalithaku liniane, si iluku liniane makanaelre mubalriu. Kwi lalasu lri mia ki kaiyana kiacilri nakwane. Amaniaku ku Tamatama, ka Twaumase lini; lri kilalraku ku inulri lini.

Tapelane Drekase 32:22

Ku elathaneli mia ki apwi kulamalama, lri lama palraelre ki kadaengane, ku lisiane ka apwi pakadrurungu ki swadriadringi, lri amudu ki karwalai ki maadrau ka lregelrege.

Tapelane Drekase 4:24

Asi lwiyane ku Tamatama ka Twaumase numi mia ki kelrabe ka apwi, kai lri palraingi sanaka twaumase kiecebe iniane.

Yesua 18:5

Kikai kadaengane lri pau taipitu; kai Yuda lrika sakamia malra kwini tali lrawdru ka kadaengane, ku Yusepe lalri pikaai kwini tali dradha ku kadaengane.