Amuse 5:5 - Ngudradreadrekadhane Ka Sisiu 魯凱語聖經

⁵ Madha mwamwa kavai Bereseba drihai. Madha mwamwa kavai Bithele silape nakwane; kai swa Bithele lri kawlrau. Madha mwamwa Gilegale; kai swa Gilegale lri acaicali kaamudu.”

Amuse 5:5 Iomraidhean Croise

Tabekacane 21:31

Laka miyaiya kikai, kwini kadaengane lakamani ku kipasi Bereseba, asi lwiyane kikwini tadrusa yakai kwini makaketekete.

Tabekacane 21:33

Ku Aberahame la ikai Bereseba lredreke ku vaeva ku yanagi, ikai kwini sukubu ki Tamatama ka palralrawthu panianiake ka Twaumase.

Tabekacane 26:23

Ku Isake la katwase kikwini taluela mwa ka Bereseba.

Tabekacane 26:33

Kwi lasu la sunagane kwini ki dralremedreme pasi Seba. Lakamani kikai cekele ku kipasi Bereseba pakelanga kaikameane.

1 Latalialalai 12:28

Kwini lasu la kidremeedreme, la darepe ku drusa ku kingi ka lwange, ala kawriva ki mapapangale, “Lu katwase numi mwa Yerusalrime sukubu matiakidulru turamuru. Swa Iseraylri, kikai amani ku wasangiluku numiane mulatadre Izipiti ka twaumase!”

1 Latalialalai 12:29

Ku Yerubuame la malra kwini vaeva ka kingi ka lwange cegecege pikai Bithele, ku vaeva la cegecege pikai Dange.

2 Latalialalai 23:8

Kai lasu wamalra iluku kwini ki barakalai ki cacekele Yuda mwa Yerusalrime, pakalalisi palraelre ki kuni sanaka tapatarumaranenga lini ka biu, la pakalisi kwini yakai taelelebane ki cekele ithili ka biu ka tapatarumaramarane ki galrale ka kiu; kikai biu yacucubungu ki lrawlrawdru ki cekele ki siciu ka Yesua, ikai ki tali viri ki madradrau ka taelelebane ki cekele.

Yubu 8:22

Lai lri pakiarubwane kudra ki malisi muswane; ku daane ki manganga ka umawmase lri kamudu.

Lasenai 33:10

Ku Tamatama lri paamaki ku tamadrekadrekasane ki sanaka kuni; ku tamadrekadrekasane ki sanaka umawmase kadrwa ku ngiamia.

Isaiya 29:20

Ku wadredredrepete ki umawmase lri kimwalra; ku pasalriu ki Twaumase lri kipathavungu; ku pasalrisalriu ka umawmase lri kiamudu.

Isaiya 8:10

Madrekadrekadrekasa, ai kai lri maka ngimia; iruburubwa si mapelaelaela, ai kadrwa ku angimiane, asi lwiyane yakai tapalra mitane ku Twaumase.

Yerimia 48:13

Kai swa Muabe lrika kadrwanga ku salrwane lini ki twaumase ka Kemuse, mia ki swa Iseraylri ka kadrwanga ku salrwane lini ki satalutalu lini ka twaumase ka Bithele.

Husia 10:8

Ku la tapatarumaramarane ka Avenge, ka amani kudra tasukusukubane ki swa Iseraylri ka lasamiamiange, lri kiamudu patuelre. Ku tapatarumaramarane lini lri cebe suete ku cecenekane ka angatu si yakai ku duku ka ubulu. Kwi lalasu lri papia ki madrau ka lalregelrege iya kai, “Malra naiane sekete!” Lai lri iya kai ki tikiane ka lalregelrege, “Mukadrula makakai ki kinawmasane nai!”

Husia 12:11

Ai ka Gileade thadalraneana suete ku pasalrivane si samiamiange; kwidra lawasukusukubu ki samiamiange ka umawmase lri pacai makanaelre. Kwi lalasu yakai Gilegale papiapia ki nitulwangane patarumara; ku tapatarumaramarane lini lrika rinubwanenga ku lrenege ikai ubulane.”

Husia 4:15

“Adravane baebalre numi nakwane ka laswa Iseraylri, anatumane ku swa Yuda la kai pasalriu ku thadalrane. Kunumi madha mudradhadradha mwa ka Gilegale ka Bithele drihai, madha ikaikai kikwini si papia ki saniange ka naganeli ka palralrawthu panianiake ka Tamatama kiketekete.

Husia 9:15

Ku Tamatama amia kai, “Kai swa Iseraylri yakai Gilegale pathagili pia patuelre ku ngialisiane. Yakaiyaku kwini pathagili kalisi liniane. Ngwalai ku tapiane lini ku ngialisiane, lri pakatwasaku liniane kai ki kadaenganeli. Kainaku lri kadalamenga liniane, asi lwiyane ku latabebelenge lini makanaelre wabaebalrenga nakwane.

Amuse 1:5

Lri burukaku ku lrawlrawdru ki cekele Damasekuse, si papacai demedeme ki yakai dratane Avingi ka laumawmase si abelenge ka tarasangililuku ki swa Bithe Edenge. Ku laumawmase ki swa Siria lri kiravase pu Kire.” Ku Tamatama amia kai pelaela.

Amuse 3:14

Lu pathavungaku ku tapasalrivane ki swa Iseraylri, lri burukaku ku tapatarumaramarane kavai Bithele; sanaka piu ki tapatarumaramarane lri kipici, si ukadrulu ikai cakena.

Amuse 4:4

Ku abebeelengenga ka Tamatama amia kai, “Swa Iseraylri! Lu mwa kudra ki taikaiyane ka saniange ka Bithele si pasalriu! Lu mwa Gilegale si pakaelre ku kidremedreme numi pasalriu! Lukavaivai patarwamaara numi ku sapatarumarane, la kingivaale ki minakatulrulane patarumara ku taingeane ki taimangealane!

Amuse 7:10

Ku barakalai ki swa Bithele ka Amazia siakawlu ki umawmase katwase mwa ki talialalai ki swa Iseraylri ka Yerubuame si pelaela iya kai, “Ku Amuse pwatatata ki mapapangalesu, ku lrika abaebalreane lini muswane; ku takawrivarivaneini twalisilisi ki kuni.

Amuse 7:13

Kai Bithele yai daane ki talialalai daane ki Twaumase, ka amani ku tasukusukubane ki kuni, kaisu lri maka ikainga kikai bulrubulru.”

Amuse 7:17

Lakamani ku Tamatama amia kikai, ‘Ku taelrelresu lri ikai ki cekele apairairange; ku lalalakesu lri pacai ikai ki tamakakaruburane makanaelre. Ku kadaenganesu lri kimapipithingi ki laumawmase; kusu lai lri pacaisu ikai ki maelane ka cekele. Ku swa Iseraylri lri kipakatwase patwalai ki kadaengane lini, si lri mwa ki maelane ka kuni acaicali.’ ”

Amuse 7:9

Ku tasukusukubane ki mwabaibalrithi ki Isake lri tara kiburuku; ku saniange ka taikaikaiyane ki swa Iseraylri lai lri kikabebetethe kiburuku. Lri pakamudaku ki ngwakai ki talialalai ka Yerubuame.”

Amuse 8:14

Kudra la nawasukubunga ki samiamiange ki swa Samaria, si kudra kiaketeketenga icucubungu ki twaumase ki swa Dange si swa Bereseba ku umawmase, lri tubakeebake makanaelre, si lai kai maka ngidrakalenga.”

1 Kurintu 1:28

La pilri ku Twaumase kudra kiasidrekadrekase ki yakawmasane, kiakavalracevace, kudra kai kiatumanemane, si kamani ku wabalre kudra ki makucingalre niyaiyane.

1 Kurintu 2:6

Ai, papia kudra ki la pwacacuganenga ku takisuswane ku umawmase, lri mialri nai iya ku lrigilane; ai kainaku lri iya kai ngwakawmasanane ku lrigilane, lai kainaku lri iya ku lrigilane kudra ki warathudu kawmasane si aliakaikainga.

Tapelane Drekase 28:41

Lu tulalake numi, lri kawlrase numi liniane, asi lwiyane kwini lri kiravase.

Yesua 5:9

Ku Tamatama kawariva ki Yesua, “Kaikameane, mwalranga naku ku takitusinalremeane numi aduri ikai Izipiti.” Lakamani, pakela kaikameane, kikwini kadaengane pasia naaganeana pasi Gilegale.

Nipadrelane 18:17

La kai darurwana ki vaeva ka zikange, kikai lawbubulu patuelre maulrawnga!” Ku kiacapili ki varukuru, si ngwakaikai ki varukuru, si taramarasikaikai ki varukuru makanaelre, si kudra satalutalu cekecekele ki laveke ku umawmase yadaaili acegecege.

1 Samuile 11:14

Ku Samuile la kawriva liniane, “Ila tamwa Gilegale makanaelre, ikai kavai tupela pacegecege ki Saule tutalialalai.”

1 Samuile 7:16

Kwini lasu luka caili tara matwase lrilriu lidrau ka Bithele, Gilegale, si Mizepa, ikai kilakikai marasikai turathurathudane.

1 Samuile 8:2

Ku takataka sia Yuile, ku agiagi sia Abiya, tara yakai Bereseba atamagarange.