Amuse 5:4 - Ngudradreadrekadhane Ka Sisiu 魯凱語聖經

⁴ Ku Tamatama papia ki swa Iseraylri iya kai, “Silapaili! Lu ngibangulu siwlriwlri lri ikaai ku apanianiakane.

Amuse 5:4 Iomraidhean Croise

2 Latalialalai 20:3

“Tamatama, kiatubiaku muswane ngulringavaili sakamiaku ka tasavaevane ku kidremedreme pasikaikai muswane, pia kwini lu iyasu nakwane, paiyaku.” Kwini lasu la kai beserenga la karaleale tungawngau tubi.

1 Lacaili 28:9

Ku Davidi la kawriva ki Sulumungu, “Lalakeli, kusu thingala ki Tamatama ka Twaumase ki tamasu, saliakavaeva ku kidremedreme marasikai iniane. Ku Tamatama wathingale demedeme ku kidredredremeta si sidramadramata. Lu kipasilapesu iniane, lri tarumara muswane; lu kidailisu iniane, lri kapalralrawthunga cilri muswane.

2 Lacaili 15:2

kwini lasu la mwa kikawriva ki talialalai ka Asa, iya kai iniane, “Talialalai ka Asa si swa Yuda si swa Biniyamingi makanaelre, kilalra kai aiyaneli! Sana pasalaladha numi ki Tamatama, lri tara tapaalra numiane. Lu kipasilape numi iniane, lri pakidringai numiane; lu kidaili numi iniane, lri cilri numiane.

2 Lacaili 20:3

Ku Yehusapate la mukuludru, la kitubi ki Tamatama sangiluku, ala pakatwase ku drekaseini ki mapapangale ku alaisane makanaelre ki kuni.

2 Lacaili 20:4

Ku mapapangale kidruanga ki Yuda la kalrungulrungu kela Yerusalrime, kitubi ku asangilukane ki Tamatama.

2 Lacaili 34:3

Saka taravalru ka caili ku taka talialaladhane ki Yusia, kai lasu saka lavavalakeana pathagilinga sukubu ki Twaumase ki cucungulaneini ka Davidi. Saka tarasupate ka caili, kai lasu mwalranga ku labiu ku yalrelrelrege, ku samiamiange ka ababai ka twaumase ka Asera, si drumane ka lasamiamiange patuelre.

Lasenai 14:2

Ku Tamatama twalai belenge drele ki yakawmasane ka umawmase, si dredrele lu ikai ku malrigili lutumane, lu lri ikai ku wasilasilape ki Twaumase lutumane.

Lasenai 22:26

Ku matiakukuru ku umawmase lri kane si kabucuku makanaelre; ku wasilasilape ki Tamatama ku umawmase lri senai drengedrengere iniane makanaelre. Kwi kidremedreme ki lalasu ani kiraragai palralrawthu.

Lasenai 27:8

Amiasu kai nakwane: Mwaili kikai. Tamatama, lri kisilapaku muswane;

Lasenai 69:32

Ku kiadredredrepete ku umawmase lu drelenga lri kiraragai; lai lri aru sapukwane ku wasukusukubu ki Twaumase ku umawmase.

Lasenai 69:33

Ku Tamatama kialalra ki kwalrialrialri ka umawmase; kai marimurimuru ki yataememengane ka kawkawluini.

Isaiya 31:1

Kudra lawamwa Izipiti kitubi ku akipalribulane ku umawmase lri kipadradresenge ku amatikurwane! Kwi lalasu satalu ki madrau sapukwane ki kwapingi ki swa Izipiti, sakikaruburuburane ka larigi, sakikaruburuburane ka palridingi, si ngwalalebe ka kwapingi, kwi lalasu kai satalu ki saniange ka Twaumase ki swa Iseraylri, la kai kitubi ku akiparalubane ki Tamatama.

Isaiya 55:3

Kawkawluli, kilalra kai vagali, bwala mwaili kai. Kicacaligira kilalra kai vagali, lanu dulru malra ku niake! Lri cegecegaku ku palralrawthu ka samakaketeketane numiane, kudra nipukawnanenga baai ki Davidi ku thalradhane lri patarumaraku baai numiane.

Yerimia 38:20

La iyaku kai, “Ku swa Babilunia kai lri malra muswane si baai liniane. Kiatubiaku muswane ku akilalranesu pasalaladha ku pelaela iya nakwane ki Tamatama muswane, lasu kasulivaliivate, si kai pacai.

Izikile 18:9

Kikai miyaiya kai ku umawmase pasalaladha ku padradrekaseli, si dradrele paluludu ku hulriceli. Kikai lasu amani ku mathariri ka umawmase; kai lasu lri tara panianiake.” Ku abebeelengenga ka Tamatama amia kai pelaela.

Husia 10:12

Amiaku kai, ‘Kunumi ngipapasikaiya kaungu tukarawmane, si paivai ku dringelresane ka sapaivai, la kitaleke ku thalradhane. Tamatamaku, kikai asasane amani ku apapianenga numi nakwane. Lri kelaku, si lri tuadravaku pulebe ku akaesadhane baai muswane.’

Amuse 5:6

Lu silape numi ki Tamatama, lri panianiake numi. Alaiyasi kai numi silape iniane, lri mia ki taliwlare lama ki swa Iseraylri. Kikai taliwlare lri lama ki umawmase ki swa Bithele, kadrwa ku umawmase ku lri dulru edrepe.

Zipania 2:3

Kunumi ka yakai kawmasane ka ngiatatwalebe si kilalra pasalaladha ku drekaseini ka umawmase, kipasilapa ki Tamatama! Silapa si malra ku dringelresane, ikaiya cucubungu ki Tamatama ngitatwalebe. Ikai kudra ki takalisiane ki Tamatama ka vai, alau lri dulru numi mubere ki sapathavungane.

Matai 7:8

Asi lwiyane sanaka kiatubi, lri tarumara, kudra wasilape, lri kidringai; kudra wabangebange ki lrawlrawdru, lri kimuelebe.

Tapelane Drekase 32:46

la kawriva liniane, “Kunumi tara pasusua kikai pelaelali numiane kikai padradrekase, si mialri paucungulu ki lalalake numi, pelaela liniane tara pasusua iya.

Tapelane Drekase 32:47

Kikai la padradrekase kaika ungawngau ka vaga, amani ku niake numi. Lu pasusu numi, lri dulru numi kawlai ikai tali sapakalriwgu kadravane Yuredange ka amwane numi malra ka kadaengane.”

Tapelane Drekase 4:29

Ikai kwini, kunumi kipasilapa ki Tamatama ka Twaumase numi; lwiyasi salika vaeva numi kipasilape iniane, lri tara maka kidringai numi iniane.