Amuse 5:27 - Ngudradreadrekadhane Ka Sisiu 魯凱語聖經

²⁷ Lri pakatwasaku numiane puadaili turamuru papia tali dradha kavai Damasekuse.” Ku Tamatama ka abebeelengenga ki sanaka kwapingi amia kai pelaela.

Amuse 5:27 Iomraidhean Croise

1 Latalialalai 14:15

Ku Tamatama lri pathavungu ki swa Iseraylri, palrudralrudrai iniane, mia ki yakaai ki vaalru ka tirivu lungalungalungai. Lri malra akucu ki swa Iseraylri patwalai ki baaini ki cucungulane lini ka mathaithariri ka kadaengane, malra liniane pasarau mwa kavai balrealreanane kadravane Yuparati, asi lwiyane kwini lalasu wadarepenga tuababai ka twaumase ka Asera, la pakagirimucu kalisi ki Tamatama.

2 Latalialalai 15:29

Saicengecenge atalialalai ku Peka, ku tinuhika ki swa Asiria ka Tigelathe Pilesere wadrikisi malra kavai talikai kwini Iyune, Abele Bethe Maka, Yanuha, Kedese, si Hazure ka lacekele, la ikaiyana ka Gileade, Galrilri, si Napetali talikaiyane kwini, si malra kwini ki laumawmase ravase pwa kavai Asiria.

2 Latalialalai 17:23

pakela sakabilrilinga ku Tamatama patwalai cucubunguini pakatwase liniane, mararaamau ku siaswalane ku tapangimianeini pangukai ki sasiakawluini ka layuginsia pakipapawlringau liniane. Ku swa Iseraylri la kiravase pwa kavai Asiria, la ikainga kavai.

2 Latalialalai 17:6

mialri ka saka tarabangate ka caili ku taatalialaladhane ki Husia, ku tinuhika ki swa Asiria pamaki ki swa Samaria, la malra ki swa Iseraylri ravase pwa kavai Asiria, la pikai iniane ka cekele Hala, talikai Guzange ka adeethe kadravane Habure, si lacekele ki swa Media.

Yerimia 38:17

Ala pelaelaku ki Zidikia, ku Tamatama ka abebeelengenga ki sanaka kwapingi, ka Twaumase ki swa Iseraylri amia kai, “Alaiyasi papiasu ki abebeelengenga ki kwapingi ki swa Babilunia kusange, kaisu lri pacai; kikai cekele lai lri mialri kai kilama. Kusu si wacekecekelesu makanaelre kai lri pacai.

Amuse 4:13

Ku Twaumase wabekace ki lregelrege, la bekace ki valrigi, la pelaela ki umawmase ku takidremedremaneini; pakabalrithi ki vaiyane paamaungu, wagemegeme rathudu kawmasane. Ku naganeini yai Tamatama ka abebeelengenga ki sanaka kwapingi ka Twaumase!

Amuse 5:26

Kikai asasane aba kwi ngitatu samiamiange numi, ka twaumase numi ka Sakuthe, si twaumase numi ka Kaiwane, la karedele katwase acaicaicali.

Amuse 6:1

Kudra yakai Ziyungu pakamaesaesaesai ku umawmase, lri matisalregesege numi! Kudra yakai Samaria lregelrege si malakebe nai iyaiya ku umawmase, lri matisalregesege numi! Anai athingathingaalane ikai ki kuni ki swa Iseraylri, la kiusakesakene ki palrapalra amiamia numi!

Amuse 6:7

Lakamani, lri aswala numi kipakatwase ki cekele, ku tangilralraingane ki kinawmasane numi ikai ki peravane lai lri palikainga.

Nisikawlane 7:43

Mabulribulri numi ku Alrivilrivi ka balrawbau ki Muluki ka twaumase, la mabulribulri numi ku tinusamiamiangane ka Ripange, kamani kwidra darepe numi si sukusukubu ka samiamiange. Lakamani, ku apataluelaneli numiane pakatwase mwa ki kaika swa Babilunia!